CHAPITRE L XXX IF
Comment ma dame revint à la court.
L'acteur . — Endementiers que ma dame et damp Abbez ainsi s'esbatoient, le roy d'ung cousté, et messeigneurs les ducz s'esmerveilloient de ce que leur Belle Cousine demouroit tant, dont une fois, entre les aultres, à la royne en parlèrent. La royne, jà très desplaisante des nouvelles que elle pressentoit, pour son honneur s'en teust. Lors luy prièrent qu'elle luy voulsist escripre par manière qu'elle vensist. La roj'ne leur dist que desjà par deux fo3-s l'avoit elle fait, et escript par deux messaigiers qu'elle avoit envoyez vers
elle ; et que vraiement vensist quant elle vouldroit, mais jamais ne luy en escriproit. Messeigneurs, qui comprinrent bien les paroUes de la royne qui très mal contente d'elle estoit, luy escriprent et luy renvoyèrent l'ung de leurs chevaulcheurs. Lors fut à ma dame mortel desplaisir de laissier doulx Abbez, et donner jour qu'elle seroit à la royne, sans point faillir ; et par ainsi le beau pare et confesseur print congié d'elle, et elle de luy, et revint à la court.
L'acteur. — Hé! amours très faulces, maulvaises et traistres, semblerez vous tousjours enfer qui d'engloutir âmes jamais ne fut saoul ? ne serez jamais saoulez de traveiller cueurs et les meurdrir? Dieu et nature vous ont ilz donné telle puissance que de prendre, et mectre en vos lacs, cueurs de papes, de cardinaulx, d'evesques, d'archevesques, d'empereurs, d'emperieres, de roys, de roynes, de ducz, de duchesses, de patriarches, de marquis, de marquises, de princes, de princesses, cueurs d'abbez et d'abbesses, de contes, de contesses, et de gens de tous aultres estats, et religieuses espirituelles et temporelles ? Que d'aulcuns en avez prins les cueurs, ainsi qu'en maintes histoires se treuve par escript, dont vous en estes très faulcement et mauvaisement serviz, et puis à la fin habandonnez, et méritez d'avoir
perdu leurs âmes, se Dieu n'en a mercy, et leurs honneurs; tesmoings ceulx cy, dont, pour venir à mon proposée m'en délaisse, qui dit ainsi.
L'acteur. — Quant ma dame par telle force fut contraincte de laisser damp Abbez et soy départir, tant estoient grans leurs douleurs à souffrir que je ne sçauroye reciter, ne escripre. Toutesfois les promesses de damp Abbez furent que souventes fois en habit dissimulé la jToit veoir; et par celle doulce espérance, à très grans destresse de leurs cueurs, prindrent congié l'ung de l'aultre, et eust esté bonne la compaignie, se ne fust le départir.
