CHAPITRE IX
Comment la dame admonesta le jeune Saintrê, touchant les dix commandemens de la Loy, et lestât des vertus et bonnes meurs.
LA DAME. — « Tout premier je vueil et commande que sur toutes choses vous aymez Dieu de tout vostre cueur, selon les commandemens de saincte Eglise, au mieulx que pourrez et saurez. Encore vueil et vous commande que après Dieu vous aimez et servez la benoiste vierge Marie, sur toutes les autres choses, le mieulx que vous pourrez. Encores vueil et vous commande que vous aymez et vous recommandez à la très benoiste vraye croix ; sur laquelle, pour nous saulver, nostre Seigneur fut mort et passionné, qui est nostre vray signe et deffence à l'encontre de tous nos ennemys et maulvais esprits. Encores vueil et vous commande que, tous les jours, de quelque Pater noster, ou aultre oraison, vous servez et vous recommandez à vostre bon ange, auquel nostre Seigneur a donné le commandement et
LE PETIT JEHAN Dt SAINTRÉ 55
garde de l'ame et du corps de vous ; qu'il vous conduise, garde et deffende, se par vous n'est, et qu'il soit à vostre vie et à vostre mort. Encores vueil et vous commande que ayez sainct Michel, sainct Gabriel, ou aucun aultre ange, sainctz ou sainctes de paradis en vostre cueur, à tous les jours, affin que ilz soient envers nostre Seigneur et nostre Dame voz advocatz, procureurs et ambassadeurs : ainsi que ont communément en la court des ro3's et aultres grants seigneurs, ceulx qui ne les pevent veoir, ne à eux parler. Encores vueil et vous commande que les dix commandemens de la Loy, à vostre povoir, vous accomplissez et gardez. Si vous les declaireray :
Premièrement, tu ne adoreras nulles ydoles, ne nulz
faux dieux.
Tu ne jureras point le nom de Dieu en vain. Tu garderas les dimenches et festes commandées. Tu honnoreras père et mère.
Tu ne feras point homicide.
Tu ne feras point adultère Tu ne feras point larrecin.
Tu ne feras point faulx tesmoignage.
Tu ne désireras, ou convoiteras la femme de ton
prochain ; Et sy ne convoiteras point l'autruy.
La dame. — « Encores vueil et vous commande que totallement vous croyez les douze articles de la Foy, qui sont Vertus théologien-
nés, mères au bon esperit; ainsi que dit Cassiodore, en l'exposicion du Credo, que foy est la lumière de l'ame, la porte de paradis, la fenestre de vie, et le fondement de salut pardurable; car sans foy ne peult nul à Dieu plaire. Et à ce propos dit sainct Pol l'Apostre : Sine fide autem impossibile est placer e Deo. Ad Hehr. XI cap. C'est à dire, mon amy, que sans avoir foy, il est impossible que nul fust plaisant à Dieu. Dont les six articles regardent la divinité de Dieu le père, et les aultres six la humanité de Jesus-Christ ; lesquelz six appartenans à la divinité de Dieu le père sont telz :
« Croire en Dieu le père tout puissant, créateur du ciel et de la terre. Croire en son vray filz et homme Jésus Christ, nostre vray saulveur. Croire en Dieu le sainct Esperit, vray zel et amour de Dieu le père et de Dieu le filz. Croire en la saincte Eglise et à ses commandemens. Croire en la communion des sainctz et remission des péchiez. Croire en la generalle résurrection de la chair et de la vie pardurable.
« Et les six appartenans à l'humanité de Jésus Christ sont tieulx :
« Croire que la seconde personne de la Trinité, c'est assavoir que Jésus, le fils de Dieu le père, fut conceu du sainct Esperit et né de la
vierge Marie. Croire qu'il fut crucifié, mort et ensepvely dessoubz Ponce Pylate. Croire que incontinent qu'il fut mort, il descendit aux enfers pour délivrer les sainctz prophètes et justes personnes qui là estoient. Croire que au tiers jour il ressuscita, par sa propre puissance, de mort à vie. Croire que quarante jours après qu'il fut ressuscité, il monta es cieulx en corps glorifié, et que là sied à la dextre de Dieu le père. Croire qu'il viendra juger les vifs et les morts au très espouvantable jour du jugement.
« Encores vueil je et vous commande que les sept vertus principalles soient en vous, dont les trois sont divines, les quatre sont moralles. Les trois qui sont divines, sont : foy, espérance et charité ; et les quatre moralles sont : prudence, attrempance, force et justice.
« Encores vueil je et vous commande que les sept dons du sainct Esperit, vous devez croire et obeyr ; c'est assavoir : le don de paour, le don de pitié, le don de science, le don de force, le don de conseil, le don d'entendement, le don de sapience.
« Encores vueil et vous commande que les huit béatitudes vueillez ensuivir et croire ; et premier : povreté d'esperit, debonnaireté de cueur, pleurs de voz péchiez et des aultres, désir d'exécution de vraye justice, estre en
cueur piteux et misericors, avoir purté d'esperit, paix à chascun, et estre pacient.
« Encores vueil et vous commande que es quatre douaires du corps vous delictez ; c'est assavoir : en clarté, en subtilité, en agilité, en paisibleté.
« Encores vueil et vous commande que les sept oeuvres de miséricorde espirituelles soient tousjours en vous; c'est assavoir les ygnorans enseigner, les deffaillans corriger, les errans et desvoyez addresser, les vices d'aultruy celler, les injures supporter, les desconfortez consoler et pour tous les pécheurs prier.
« Encores vueil et vous commande que les aultres sept oeuvres de miséricorde corporelles vous accomplissez ; et tout premier : repaistre les affamez, abbreuver ceux qui ont soif, herberger les povres, vestir les nudz, visiter les malades, rachepter les prisonniers, ensepvelir les morts. Et sur ce, dit monseigneur sainct Jherosme, en son Epistre à Nepotian : Je ne suis point souvenant avoir leu ne ouy parler que nul soit mort de malle mort, qui ait voulentiers acomplies les oeuvres de miséricorde ; car Monseigneur a tant de intercesseurs qu'il est possible que les prières de plusieurs ne soient exaulcées ; et à ce propos dit nostre Seigneur en l'Evangile : Beati miséricordes : quoniamipsimisericordiam consequentur. MaitheiV.
Cap. C'est à dire, mon amy : Bien sont eureux ceulx qui sont misericors, car ilz ensuyvront miséricorde ; à tant de intercesseurs qu'il est possible.
« Encores vueil et vous commande que fermement vous croyez les sept sacremens de saincte Eglise ; c'est assavoir : Au sainct batesme, en la saincte confirmation, en la vraye pénitence, au sainct sacrement de l'autel, aux sainctes ordres, au sainct ordre de mariage et en la saincte unction.
« Encores vueil et vous commande que à tout vostre povoir vous gardez de cheoir en aulcuns des sept péchiez mortelz. Et premier : d'orgueil, d'envie, d'avarice, de paresse, de gloutonnie, de yre et de luxure.
« Encores vueil et vous commande que bien vous gardez d'encheoir, ne tomber pour chose qu'il vous puisse advenir, en nul des sept péchiez contre le sainct Esperit; c'est assavoir : de desesperacion, de presumption, de impugner vérité, de endurcir en pechié d'envye fraternelle et de lésion de chanté, desesperacion finalle de pénitence.
« Encores vueil et vous commande que les sermons et les services de saincte Eglise, quant vous porrez, les oyez. Et pour abréger, tout ce que saincte Eglise veult et commande, quoy que nul dye, vous obéissez.
« Encores vueil et vous commande que à l'entrée ou au melleu de Karesme, à Pasques, à la Penthecouste, et aux cinq fastes de nostre Dame, à la Toussains, à Noël, vous confessez ; et querez bon médecin de l'ame, ainsi que querriez pour la guarison du corps.
« Encores vueil et vous commande, pour quelque compaignie de roy, de royne, de seigneurs et de dames, où que vous soyez, soit par champs, par villes, par maisons, quant vous verrez les ymages de nostre Seigneur, de nostre Dame, en quelque façon qu'ilz soyent, aussi de la croix, des anges, des saincts et sainctes, ausquelz vous ayez vostre devocion, que, pour honte du parler ne du penser des gens, vous ne laissez à oster votre chaperon, chapel ou barette, dessus vostre chief, se vous luy avez, et sinon que de vostre cueur le saluez. Et le semblable soit il des povres qui vous requerront aulmosne, se vous povez, et sinon que en vostre cueur au moins vous en deuillez et appelez Dieu à tesmoing. Et se de ce faire, pour la honte des gens vous laissez, vous pécheriez mortellement, tout ainsi que feriez par vaine gloire et vanité du monde.
La dame encores. — « Encores vueil et vous commande que quant vous serez grant, et que vous suyvrez les très nobles faits d'armes,
LE PETIT JEHAN DE SAINTKÉ 6l
comme les hommes de bien font, qui sont es batailles, par mer, par terre, corps à corps, ou en compaignies, en rencontres, en mines, en saillies, en eschielles, en barrières, en escarmouches, ou auhrement, vous n'oubliez pas ceste très saincte beneisson que nostre Seigneur dit à Moyse pour la dire à Aaron son frère, qui estoit prestre de la Loy pour beignir les filz d'Israël, si comme dit la Bible, ou livre des Nombres, et au sixiesme chap. : Benedicat tibi Dominus, et custodiat te. Ostendat tibi faciem suam Dominus, et misereatur tui. Convertat Dominus vuîtiim. suum ad te, et det tibi pacem. Car ceste beneisson partant de la bouche vraye de nostre Seigneur me semble estre plus louable et plus profitable que nulle que je sache ; et pour ce, la vous recommande au lever et au coucher de vostre lict. Mais il me semble que vous, en la disant, bénirez les aultres et non pas vous ; pour ce me semble que en faisant sur vous le signe de la croix, devez dire, c'est assavoir : Benedicat mtchi Dominus, et custodiat me. Ostendat michi faciem suam. Dominus, et misereatur mei. Convertat Dominus vultum. suum ad me, et det michi pacem. Et puis faictes ce que devrez faire liement ; car jà mal ne vous en pourra venir. Laquelle beneisson monseigneur sainct François dist à frère Lion son compaignon, tempté
d'aucune diabolique temptation, laquelle oncques puis ne lui vint.
La dame. — « Encores vueil et vous commande que quant vous serez et yrez aux faits des armes et aux batailles, et quant vous serez seigneur de voz ennemis, et que serez tempté de vengeance ou de cruelle chaleur, qu'il vous souviengne des parolles que Dieu dist au premier livre de la Bible de Genesis : Quicumque effiiderit humanum sanguinem, fundetur sanguis illius. Encores dit-il en sa Passion : Qui gladio percusserit , gladio peribit. Encores dit-il à David : Non edificabis micki domum, quia vir sanguinis es. Encores dit il par la bouche de David : Vir sanguineus et dolosus non videbit dies suas. C'est à dire, mon amy, que l'homme de sang ne vera jà la fin de son âge ; et dit, mon amy, cy devant, que qui de coustel tue, de coustel sera tué ; encores dist il : Virum sanguinum et dolosum abominabitur Domitius. C'est à dire, mon amy, que l'homme de sang et malicieux est abominable à nostre Seigneur ; encores dist il par la bouche de David : Si occideris, Deus, peccatores : viri sanguinum, declinate a me. C'est à dire, mon amy : Se tu tues les pécheurs, o Dieu, que les hommes de sang s'esloingnent de moy. Et tant d'aultres petites miséricordes nous a il recommandées et monstrées en sa propre personne ; dont
toutes les escriptures en sont plaines, que trop seroit longue chose, à plus grant clerc, les vouloir toutes exposer ; et pour ce, mon amy, de ce très inhumain pechié, comme de tous les autres, vueil et vous commande que vous gardez à tout povoir de offendre Dieu, nostre Dame et toute la court de paradis, et prendre exemple aux très belles parolles de Senecque qui estoit payen, qui dit : Si scirem Deos ignoscitttros, et hommes ignoraiuros, non tatnen dignarer peccare propter vilitatem ipshts peccati. C'est à dire, mon amy : Se je sçavoye les dieux n'avoir point de congnoissance et que tous hommes fussent ignorants, si ne daigneroie je pécher pour la grande vileté qui est de pécher. Or advise doncques, mon amy, de cestuy Senecque qui estoit payen et tant abhominoit les vices et pechiés : dont les devons bien abhominer, nous qui sommes, par vray baptesme, en la saincte foy de Jésus Christ; lesquelles choses je vueil et vous prie que faictes vostre povoir de les accomplir.
La dame encores. — Et quant au surplus qui touche vostre personne, je vueil et commande que tous les matins quand vous lèverez, et tous les soirs quant vous coucherez, vous vous seignez, en faisant le signe de la croix bien parfaictement, et qu'il ne soit ne par tors ne par biaiz, ainsi que vous ay dit, et que ces
dyabolicques caractères font ; et à Dieu, et à nostre Dame et à la vraye croix, et à vostre bon Ange, et à tous sainctz et sainctes voz advocatz, vous recommandez ; et assez matin vous levez, et habillez le plus joyeusement et honnestement que vous pourrez, et sans grant bruyt. Et quant serez en vostre porpoint laccé, et voz chausses bien nectes et bien tendues, et voz soulliers bien nectz, lors vous peignez, et voz mains et vostre face lavez, puis nectoiez voz ongles, et s'il est besoing les roingnez ; alors vous saignez et vostre robbe bien cueilliez. Et quant serez tout habillé, à l'yssir de vostre chambre, faictes le signe de la croix ; à nostre Seigneur, et à nostre Dame, et à vostre bon Ange, et à tous sainctz et sainctes vous recommandez, et faites ce que dit est. Sainct Augustin dit : Primo querite regnum Dei. C'est que, avant nulle euvre, quelle qu'elle soit, à l'église vous en allez, et prenez de l'eaue benoiste ; puis oyez messe se la trouvez. Et sinon, devant la figure et remembrance de nostre Seigneur Jésus Christ à genoulx vous mectez, et aussi devant notre Dame ; et à joinctes mains, sans regarder çà ne là, faictes voz prières et oraisons de tout vostre cueur ; non pas à eulx, mais pour l'amour de celluy qui est es cieulx. Et puis en la chambre de parement vous en allez ; et là , avec les aultres chevaliers et
escuyers, actendez tant que mon seigneur le roy et ma dame la royne, ou l'ung d'eulx, voise la messe ouyr, et aussi les convo)'ez ; et se vous n'avez ouy messe, lors à genoulx vous mectez, sans regarder nulle part : fors advisez que ne soyez devant quelque seigneur ou dame, qui par honneur voise devant vous. Et aussi ne vous mectez pas ou nombre des varletz ; car des tous estas le moyen est le meilleur, ainsi que dit le philosophe en Ethiques où il dit -.'Virtus consistit in medio. C'est à dire, mon amy, que la vertu consiste es choses mo)'ennes. Et le vercifieur sur ce dit : Médium teniiere heati. C'est à dire, mon amy, que les gens qui ne cherchent monter trop hault, et sont contens de raison, ilz sont benoistz. Et là honnestement et de bon cueur oyant messe, dictes voz heures, et aultre service que avez accoustumé de dire quand vous Toyez, et puis mon seigneur et ma dame honnestement reconvoiez ; et se vous avez fain ou soif, allez seurement desjeuner, et legierement, actendant le disner; mais que ce ne soit pas gloutonnie de boire ou de mangier, fors ainsi que le philosophe dit que l'en doit seullement mengier et boire pour vivre, et non pas vivre pour boire et pour mengier. Et est bien \Tay le commun dict des maistres, que la goulle tue plus de gens que les cousteaulx ne font. Et encores vous deffens que ne soyez
noyseux, ne menteux, ne rapporteur de choses mal dictes, dont nul mal s'en peust ensievir. Cassiodore dict au livre des louanges sainct Pol, que la condicion de maulvaistié est telle, que d'elle mesme, où elle n'a nulz contredisans, si deschiet elle et se publie à l'apparant de tous ; mais au contraire est la condicion de vérité, car elle est très estable, et si ferme que tant plus a elle de contredisans, s'eslieve elle plus et croist. Et à ce propos dit la saincte Escripture : Super ovtnia veritas. Secund. Esdre. iij. cap. C'est à dire, que vérité est sur toutes choses. Et pour ce, mon amy, soyez tousjours ferme et véritable, et fuyez la compaignie des bourdeurs et des rumoreux, où trop périlleuses gens sont. Aussi que soyez loyal de bouche, de mains, et servez chascun à vostre povoir, sans desservir et sans nul service reproucher. Suivez la compaignie des bons, oyez et retenez leurs parlers ; soyez humble et courtoys, où que vous soyez, sans vous vanter ne trop parler, ne aussi estre muet ; car le proverbe dit que pour trop parler et estre muet, peut on estre pour fol tenu. Gardez vous bien que dame ou damoiselle ne soit blasmée pour vous, ne autre femme, quelle qu'elle soit. Et se vous trouvez en compaignie que l'on en parle deshonnestement, monstrez par vostre gracieux parler qu'il vous en desplaist, et vous en départez.
La dame êncores. — « Encores vueil et vous commande que des povres soyez piteux, et ne diffamez povreté à autruy, et selon vostre puissance de voz biens leur départez. Et vous souviengne du dict Albertus :
Non tua claudatur ad vocern pauperis auris.
« C'est à dire, mon amy : Que tes oreilles ne soient pas closes à la voix des povres gens.
« Encores vueil et vous commande que se Dieu vous avoit, par les dons de fortune, en aucun hault estât monté, que bien gardez de non oublier les très glorieuses et pardurables richesses des cieux, pour celles de ceste ténébreuse et transitoire vie. Sur ce vous avons jà dit le dit du versifieur, qui dit ainsi :
Quando dives moritur, In très partes dividitur :
Caro datur vermibus, Pecunia parentibus, Anima demonibus, Kisi Deus miseretur.
« C'est à dire, mon amy, que quant le riche sera mort, lui et ses biens seront partis ; et premier la chair sera donnée aux vers, son or, son argent et ses bagues et tout ce qu'il a, à ses parens, et son ame aux dyables, se Dieu de
sa grâce n'en a mercy. Et à ce propos, mon amy, souviengne vous de ce très beau dit de Aristote, qui dict ainsi :
Vir bone, quam curas res villes et perituras. Nil profituras, darano quandoque futuras. Kemo diu mansil in crimine : sed cito transit. Et brevis, atque levis in mundo gloria queris.
« C'est à dire, mon amy, que Aristote en sa generalle doctrine dit : O tu, homme qui, par advantureuse force, t'efforce de monter es haulx estats de gloire et de richesses, prens garde que par ces mesmes forces tu ne soyes tresbuché en bas : car oncques nulle efforceuse haultesse ne fut sans grant péril, et quant tout est faict, et qui plus est, il fault mourir.
La dame. — « Encores vueil et vous commande, pour vous recorder, que en vostre grant prospérité il vous souviengne du dit Senecque en son sixiesme livre des Bénéfices, ou xxx chapitre, où il dit, que ceulx qui sont levez aux haulx estatz, qu'ilz n'ont de riens plus grand besoing, fors que on leur die vérité. Et sur ce ensuit sa sentence sur les envies et grans debatz qui sont es cours des grans seigneurs, à qui leur pourra mieulx complaire et plus subtilement flater ; et de ce est escrit en Polithique, au huitiesme li\Te et au neufviesme chapitre, que le flateur est ennemy de toute vérité, et
qu'il fiche ainsi que un clou en l'euil droit de son seigneur, quant il l'escoute ; adonc les seigneurs sont aveuglez : par quoi ilz en perdent l'amour de Dieu, honneur et cognoissance d'eulx mesmes, dont ne sceivent les plusieurs quelle chose ilz doivent prendre, ne quelle chose doivent laisser ; et cuident estre très bien louez de ce dont ilz sont très fors blasmez, et blasmés de ce dont ilz seroient fort loés; et tout ce n'est que par faulte que l'on ne dit pas la vérité. Et pour ce, mon amy, entre toutes les aultres choses que je vous ay devant dictes et diray, vous gardez, eschevez et fuyez la très périlleuse compaignie de telz flateurs. dont, se vous avez estât et dequoy, en trouverez assez. Lesquelles choses je vous ay dictes pour estre vray amy de Dieu, et ung des hommes renommez de ce royaulme, voire du monde de ceulx du jourd'huy; et par ainsi ne pourrez faillir que, en les suivant, au service de vostre dame et d'amours ne soyez vrayement sauvez, non seulement en corps, mais en l'ame et en corps. Sy vous doit suffire pour ceste fois. Et quant je verray que ainsi vous gouvernerez, ou au moins de toutes ces choses ferez le mieulx que vous pourrez, alors je vous ameray, et feray des biens, et serez mon amy vrayement. Et qu'en dites vous de cecy? avez vous cueur de moy obéir ? »
SaINTRÉ. — Lors le petit Saintré à genoulx se mist, puis dit : « Ma dame, de tout ce je vous remercie, et le feray bien, se à Dieu plaist. »
La dame. — « Ferez, dit ma dame, et je verray que vous ferez. Or faictes doncques bonne chère, comment qu'il soit, et de chose que je vous die à présent ne vous souciez : ne aussi vueil je que point vous en riez, affin que mes femmes ne s'apperçoyvent de noz |voulentez ; mais devant elles faictes ainsi l'esbahi, comme faisiez par avant, et actendez moy cy, car je revendray tantost. »
L'acteur. — Lors ma dame , qui estoit assise, se lieve, et tout hault à ses femmes dit « Et que cuydez vous de ce faulx garson, l'ay je bien longuement confessé? il n'est en ma puissance que j'aye peu savoir qui sa dame est. » Lors, comme par courroux, luy dist : « Allez vous en, garson, car jamais ne vauldrez riens. » Et à l'entrer de sa garde robe, elle se tourna, comme par courroux, et puis dit : « Actendez moy, maistre, actendez, car je vueil encores compter à vous.» Lors tout asseuré, comme elle luy avoit dit, faisant un peu l'esbahy, il se arresta. Si ne tarda guieres que ma dame revint, puis l'appella, et dit hault, si que toutes la povoient bien ouyr : « Or çà, maistre, çà, pourray je savoir qui vostre dame est.'
LE PETIT JEHAN DE SAINTRE "Jl
et se je la devinois, par votre foy, le me diriez vous? Est ce point telle, telle, ne telle? — Ma dame, nenny, telle, telle, ne telle. — Or sommes nous desobligées, dit ma dame Ysabelle, car nous vous estions tenues pour luy que à ceste fois il auroit dame choysie, et vous veez que ce n'est de celles aucunes ; et doncques fault il qu'il en ait une. Et puisque ainsi est, tirez le à part, et s'il est tel qu'il doit estre, il la vous dira, et sera quicte de sa foy. » Et lors ma dame, tout en riant et par manière de farce, tout à part le tira, et puis coiement luy dit :
