CHAPITRE X
Comment la dame , ja frappée de l'amour du petit Saintrê, luy dotnia douze escuz pour faire se acoustrer et habiller honnestement.
LA DAME. — « Mon amy, je vous donne ceste bourcette, telle qu'elle est, et douze escuz qui sont dedans. Si vueil que les.couleursdont elle est faicte et les lectres entrelacées,
doresenavant pour l'amour de moy vous portiez, et les douze escuz vous les employez en ung pourpoint de damas ou de satin cramoysi, et deux paires de fines chausses, les unes de fine escarlate et les autres de fine brunette de sainct Lo, qui seront toutes brodées du long et par dehors de couleur et devise que la bourse est ; et sy en aurez quatre paires de draps linges et quatre coeuvrechiefs bien déliez, des souliers et des patins qui soient bien faictz ; et que je vous voye bien joly dimenche prochain : et se de cecy vous vous gouvernez bien et saigement, bien brief, au plaisir de Dieu, je vous feray mieulx. »
Saintré. — Le petit Saintré, comme jeune enfant innocent et plain de honte, voult la bourse reffuser, en disant : « Ma dame, je vous en mercie ; et, ne vous desplaise, je n'en prendray riens, car je ne vous l'ay pas desservy. »
La dame. — « Desservy, dist ma dame, bien sçay que ne le m'avez pas desservy, mais vous le me desservirez, se Dieu plaist. Si vueil et vous commande que vous la preniez. » En disant ce, celleement et coyement, d'ung atour bien enveloppé la luy mist au seing, puis lui dit : « Or vous en allez et pensez de bien faire et que j'aye bonnes nouvelles de vous, et à Dieu soyez, mais ne revenez plus à la galierie jusques à ce que vous soyez habillé ; et pour le
tE PETIT JEHAN DE SAiÎjtRÉ 7}
présent, aultre chose ne vous die, fors que je prie à Dieu que toutes, ou la plus grant partie des choses que je vous ay dictes, puissent estre en vous. » Alors ma dame, à haulte voix, faignant estre courroucée : « Or, vous en allez, fuyez, faill}' de cueur et de pensée ; pour, ceste fois, allez, mais encores n'estes pas quicte, une aultre fois nous compterons à vous. »
L'acteur. — Et quant il fut hors de la chambre et eut prins son piteux congié, elle dit à ses femmes, en riant : « Je croy que nous perdrons bien nostre temps, et qu'il n'a pas encores tant de sens qu'il entende d'avoir dame, ne qu'il pensast oncques d'estre amoureux ; mais au moins nous en aurons ris, et encore rirons. » Alors ma dame se fait desvestir sa robe et se mect à dormir, et ainsi font toutes; dont à plusieurs ce long parler de ma dame à Saintré, pour le tallent de dormir, leur ennuyoit mallement. Et si me tairay ung peu de ma dame et de ses femmes, pour revenir au petit Saintré.
74 Le petit jehan de saintré
