CHAPITRE XII

Comment la dame menaça /ahitement le petit Saintré, luy disant devant ses dames, qiiil ne •vauldr oit jamais riens. Et après cela s en alla ledit Saintré faire tailler aultres habillemens de l'argejtt que la dame luy avait baillé ; et puis comment la dame parla à hiy, a laquelle il dist que sa mère luy avait envoyé l'argent duquel il s'estait habillé.

NCORES l'acteur. — Lors ma dame, comme par courroux, luy dist : « Allez vous en, garson, allez, car jamais ne vaul*

drez riens. — Helas ! madame, dirent elles toutes, que ne soit pas le grant congié ! Et pour ce, Saintré, il vous vaulsist mieulx à ma dame dire la vérité. » Saintré, qui de ma dame avoit sa leçon, faignant estre couroucé, se agenouilla, et sans dire mot print congié. Alors toutes se prindrent à rire des grans assaulx que ma dame luy faisoit, disans : « Or, l'avons nous perdu, et ne aurons de luy plus nostre desduyt. » Mais elles ne sçavent pas les doulces convenances de ma dame et de luy. « Taisez vous, dit ma dame, encore n'est il pas quicte, le bon du jeu ne fait que venir. — Hélasse moy dolente ! dist Ysabel, ce povre enfant est bien devant nous géhenne. » Et à tant me tairay cy à ung peu parler des ris et des jeux que ma dame et ses femmes en faisoient, et vendray à parler comment il employa ses soixante escuz.

L'acteur. — Quant le petit Saintré fut party de ma dame, il s'en alla tantost compter son trésor. Et quant il vit telle monjoie d'escuz en sa main, il fut si très ravy, qu'il ne savoit que faire, ne que penser. Toute celle journée fut en pensement où il les pourroit musser ; car à l'escuyer, ne à aultre ne les oseroit bailler en garde, pour ce que ma dame luy avoit très expressément deffendu que nul n'en sceust riens. Si pensa qu'il les musseroit en ses puissettes jusques au lendemain, pour les employer,

Le petit JEHAN DE SAINTRÉ 87

et ainsi le fist; car celle nuyct liiy fut si longue, que oncques si longue ne fut, se lui sembloit. Adonc au plus matin qu'il fut levé, et eust ouy messe, il s'en alla à Perrin de Solle, et lui fit faire les trois robbes que ma dame lui avoit ordonné, qui furent fourrées, desquelles il en vestit une le dimanche ensuyvant, et le pourpoint de damas bleu ; car, pour accomplir tout, trouva argent assez et assez de demeurant.

L'acteur. — Et quant ma dame vit le petit Saintré vestu de sa robbe noire fourrée de martres, et son pourpoint de damas bleu, plus qu'elle n'avoit dit, fut très joyeuse ; lors en le guignant, fist de son espingle le signal, auquel il respondit. Et quant ma dame en sa chambre retourna, le trouva es galleries, et de si loing qu'elle le vit, dist à ses femmes : * Veez là nostre esbatement, il nous fault conter à luy. » Et quant il l'apperceut, fit semblant de soy desvoyer, et prendre aultre chemin. Lors ma dame le fist appeller, puis luy dist : « Ha ! maistre, maistre, esse la façon de fuyr les dames? Vous n'y faictes riens, or, marchez devant. » Et quant ma dame fut en sa chambre, donna congié à tous ses gens, fors à Jehan de Soussy escuyer de la royne, et à Thibault de Roussy son escuyer ; les deux qui meilleurs bouches avoient pour franchement parler tout

ce que ne pourroient celle r, et leur dist : « Je vous ay cy retenuz pour rire avecques nous. » Alors ma dame au petit Saintré commença à dire : « Or, çà, maistre, çà, par tant de fois que nous toutes vous avons prié de nous dire qui vostre dame par amours est, et oncques pour prières, pour requestes, pour menaces, ne pour injures ne l'avons pu sçavoir ; et puis que ainsi est que de nulle de nous ne vous estes tant voulu fier, au moins dictes le à Jehan de Soussy et à Thibault de Roussy, ou à l'ung d'eulx qui sont bien voz amys. — Et, ma dame dist Jehan de Soussy, pourquoy le diroit il plus tost à nous qu'il ne l'a voulu dire à vous ? » Le petit Saintré qui jà estoit tout asseuré, et congnoissoit bien les paroUes de ma dame, feignant d'estre esbahy, ne disoit mot ; et quant ma dame vit qu'il se taisoit, dist à Jehan et à Thibault : « Ce maistre cy, que vous veez porter robe de martre fourée, pourpoint de soye et chausses brodées et si jolyes, nous veult faire entendre qu'il n'a point de dame, et, qui pis est, qu'il n'est point amoureux ; par ma foy, quant j'ay bien regardé, elle seroit en vous bien assenée d'avoir ung tel amoureux. » Et à ces parolles se montra très rigoureuse contre luy, et puis lui dit : « Or, sire, vous qui estes encores ung paige, combien que soyez de bon hostel, dont vous sont venuz ceste robe et cest

pourpoint ? — Ma dame, dit il, puis qu'il plaist à ma dame ma mère, qui veult que je soye ainsi et me l'a mandé, il fault que je luy obeysse à sa voulante. — Et combien vous a elle envoyé? — Soixante escuz, ma dame. — Soixante escuz, dist elle, vous en avez la moytié cabassé. — Non ay, par ma foy, ma dame. — Et ceste robbe, ce chapperon, ce pourpoint et ces 'chausses, que vous ont elles cousté ? soixante escuz? je le \'ueil sçavoir. — Nennil, ma dame ; j'en ay avec tout ce que vous veez une aultre robbe de fin bleu fourrée de fins aigneaulx de Romenie, et une aultre robbe de fin gris de Montevillier, doublée de fin blanchet, deux chapperons, deux paires de fines chausses, dont les unes sont de graigne, et quatre escuz de demourant. — Et qui a esté vostre conducteur à faire tant de choses ? — Ma dame, nul. — Fors Perrin de SoUe, dist ma dame, je say bien qu'il est preudhomme, et à voz affaires l'a bien monstre ; car vostre argent est à mon advis bien employé. Et ne me dictes vous pas dernièrement qu'elle vous avoit envoyé douze escuz, dont estiez si joly ? — Ma dame, ouy. — Et Dieu vous gard telle mère et vueil que vous luy soyez bon filz. Or çà, allez vous en tous, car il nous fault dormir. * A ces parolles tous partirent, et s'en allèrent. En allant, Jehan de Soussy et Thibault

de Roussy louèrent fort le petit Saintré, et luy dirent que les rigoreuses parolles de ma dame, ne print pas à desplaisir; et d'autre part se plaignoient de ma dame qui parloit ainsi rigoreusement, sans ce que la chose luy touchast, vouloit tant savoir son faict. « Vo3Te, dist il, et qui prendroit plaisir à tant de malgracieuses parolles qu'elle me dist, pour ce que ne luy dis qui est ma dame, et à ces femmes aussi, 'et ne me veult point croire que je n'en aye, ne vueille avoir nulle ; et par ma foy, se j'en avoye, jamais je ne leur diroie, tant m'ont ennuyé. » Et lors ilz commencèrent à rire ; et sur ce fut leur départir, que puis à ma dame et à toutes les aultres ilz dirent, dont entre elles en fut grant ris. Si ne tarda gueres que les paroles de ma dame et d'elles toutes avec le petit Saintré, par eulx, en plusieurs lieux furent semées, tout ainsi que ma dame pensoit, et des aultres choses s'ilz l'eussent sceu, dont en fut bien ris. Et par ainsi demoura ceste loyalle et bonne amour secrette jusques à ce que fortune par sa variableté leur voulut le dos donner ainsi que après s'ensuyt.

L'acteur. — Ceste amour ainsi loyalle et secrette dura XVJ ans ; entre lesquels, quant ma dame vouloit parler au petit Saintré, pour le faire plus secrettement elle luy dist : « Mon amy, il n'y a que faire d'entrer à la dance.

mais d'en saillir à honneur ; pour ce que assez de fois vous ay fait venir icy de la gallerie, et jaçoit ce que vous dictes que vostre mère vous a ainsi habillé et faict joly, toutesfois plusieurs de gens pourroient penser beaucoup de choses, et n'en fault qu'une pour deviner et publier tout. Et pour ce me suis appensée que je ne vous vueil plus trouver en la gallerie ; mais quant je voudray parler à vous, ou vous à moi, nous ferons nos deux seignaulx ainsi que est dit ; et lors viendrez et ouvrerez l'huys de mon preau, quant vous verrez que je m'en seray par nuict retournée en ma chambre, et veez cy la clef. Et ià parlerons et deviserons ensemble à noz plaisirs. » ,