CHAPITRE XIII

Comment la dame advertit la royne de parler au }-oy, affiu qu'il fis t le petit Saintré son escnyer trenchant.

'acteur. — Et quant vint le troysiesme an de leurs amours, qu'il fut en son seiziesme an, ma dame se appensa que

92 LE PEXrr JEHAN DE SAINTRE

il estoit jà assez grant pour estre hors de paige, car il savoit bien trancher, et seroit bon pour estre varlet trenchant du roy ou de la royne, se elle povoit. Lors elle s'appensa comment elle le pourroit mieulx faire, et dist en soy mesme : « Se tu le dis à l'escuyer qui a de luy la charge, à cause des xij escuz, et puis des aultres choses, il pourroit penser que de toy viendroient; et se tu le dis à tel seigneur, à tel, ou à tel encores, aucun d'eux pourroit penser la cause ; et toutesfois fault il qu'il soit aydié, et qu'il ne soit plus paige. » Et sy se conclud qu'elle mesme, de par luy, en supplieroit la royne, qui en feroit la requeste au roy. Lors elle fit le signal de l'espingle, auquel le petit Saintré respondit.

L'acteuk. — Et quant ilz furent au preau ensemble, elle en le très amoureusement baisant, luy dist : « Mon très loyal désir, vous estes en l'aage de xvj ans, et doresenavant estes trop grand pour estre paige ; je me suis appensée que pour vous mectre plus avant, je feray à ma dame la royne, de par vous, prière que monseigneur le roy vous en boute hors, et que soyez de l'ung ou de l'autre varlet trenchant ; car, à la première fois qu'il vous vist si joly, il dist en riant qu'il vouldroit que eussiez quatre ou cinq de ses ans, qu'il vous ordonneroit à trenrher devant lu}'. Pourquoy je vous

advertiz que se ma dame vous en parloit par quelque façon que ce fust, affin que je ne fusse pas trouvée mensongiere, que très humblement vous l'en raerciez. »

L'acteur encores. — De ces paroles le petit Saintré fut très joyeux, et très humblement en remercia ma dame, qui, après ces parolles, en le baisant très doulcement, luy donna congié. Lors Saintré se part, et après luy ma dame tout coyement ferma la porte, puis s'en alla dormir.

L'acteur. — Ma dame, qui de avancer son très humble servant jour et nujxt ne cessoit, le matin, au lever de la royne, luy dist en riant : « Ma dame, il faut que je me acquite ce que j'ay par plusieurs jours oublié ; c'est de vous faire une requeste de par ung jeune, très honteux escuyer, et qui est tant craintif qu'il ne la vous ose faire. — Et qui est il? dist la royne. — Ma dame, c'est le petit Saintré. — Et que veult il ? — Ma dame, il dit qu'il a honte d'estre plus paige, et qu'il a jà xvj ou xvij ans ; qu'il vous plaise faire la requeste à monseigneur le roy qu'il soit son varlet trenchant, et il escripra à son père et à sa mère qui luy ayderont de chevaulx et à le mectre en point. — Et en vérité, dist la royne, sa requeste est raisonnable et honneste ; si le ferons très voulentiers, car je say que monseigneur l'ayme

94 LE PETIT JtHAN DE SAINTRE

bien, et si est très gracieux jeune filz ; et ay espoir, belle dame, qu'il sera une fois très homme de bien. » Laquelle requeste par la royne ne tarda gueres qu'elle ne fust faicte au roy. Le roy, qui par ses gracieusetez et par les bons raports qu'il en avoit, l'accorda très voulentiers. Dont, pour non mectre la chose plus en delay, aussi tost que la royne vist le maistre d'hostel devant le roy, elle l'en fist souvenir. Alors le roy commanda que le petit Saintré le servist de varlet trenchant, et qu'il commençast à ce disner, et eust trois chevaulx et deux varletz de livrée. Le maistre d'hostel, qui congneut le bon vouloir du roy et la risée de la royne, et veit le petit Saintré entre les autres gentilz hommes, si l'appella, et puis luy dist : « Petit Saintré, mon amy, comment est vostre nom. — Monsieiu- le maistre d'hostel, dist il, j'ay nom Jehan. — Jehan, dist il, doresenavant vous ne serez plus paige, le roy vous a son varlet trenchant ordonné, à trois chevaulx de livrée et deux varletz : et pour ce, mon filz, se vous fistes oncques bien, faictes tousjours mieulx ; car par la relacion de voz gracieulx services, sans desservir nully, le roy vous ayme, si n'en soyez point orgueilleux, car j'espère qu'il vous fera tousjours mieulx; tenez voz mains et voz ongles netz, et le surplus de vostre corps au mieulx que vous

pourrez ; car en tous les offices de servir seigneur à table, le vostre le requiert. » Et tous ceulx de la salle qui ces parolles ouyrent, et de l'avancement du petit Saintré, furent tous bien joyeulx. Et pour ce, est très belle et proufitable chose à tous jeunes escuyers de servir sans desservir, d'estre doulx, humble et patient, pour acquérir la grâce de Dieu et puis de toutes gens, ainsi que dit le proverbe commun : Oui bien ne mal ne peult souffrir, à graut honneur ne peut venir.