CHAPITRE XIV

Comment le petit Saintré remercia le rov , la royne et ma dame, pour ce qu'il avoit esté faict escuyer. Et comment il trancha devant le roy, et fist son office bien saigetnent.

L'acteur. — Alors Jehan de Saintré, comme humble, doulx et gracieulx, incontinent à genoulx devant le roy se gecta, et le remercia du grant honneur qu'il

luy faisoit. Le roy, comme seigneur saige, doulx et débonnaire, luy dit : « Saintré, faictes bien seullement, et nous le vous recongnoistrons. * Si se vira au maistre d'hostel, et là, présent le roy et tous, le remercia des bons enseignemens qu'il luy disoit, et n'eut pas honte, comme plusieurs auroient, de le remercier publicquement. Et lors se part, et va à la royne, qui estoit en sa chambre ; lors publicquement, sans faire nul semblant à ma dame, devant tous ceulx et celles qui là estoient, à genoulx très humblement la mercia. Et la ro3'ne lui dist : « Saintré, les services et gracieusetez que avez faictz à tous, et especiallement aux dames, ont avancez voz jours à vous faire saillir de paige et devenir escuyer de monseigneur et de nous ; et pour ce, mon amy, pensez tousjours de bien faire et de complaire à chascun, car ung jour viendra qui payera pour tous. » Alors les tables furent dressées, et le maistre d'hostel pour disner la vint quérir. Ma dame se montrant ignorante de toutes ces choses, avecques les autres dames et damoiselles, qui de Saintré tout bien disoient, ne dit plus fors que : « En vérité il a esté, et est bon valeton. »

L'acteur. — Quant le roy et la royne furent assis, et ma dame au bas bout de la table, le maistre d'hostel print le chenevas du

pain, la serviette, et sur l'espauUe Jehan de Saintré la mist; lors il conamença à faire son office de varlet tranchant, et si gracieusement que au roy, à la royne et à tous pleut grandement. Ma dame, qui au bas bout de la table seoit, le regardoit, de fois à aultres, moult souvent, et puis pensoit que vrayement il convenoit qu'il eut ses trois chevaulx qui luy estoient ordonnez et ses deux varletz ; lors print l'espingle de sa poitrine, en façon de curer ses dens, iist son signal par tant de fois que Jehan de Saintré l'apperceut ; et, au plus honnestement qu'il peut, de son signal respondit.