CHAPITRE Xy
Comment le petit Saintré fut parler à ma dame en son preau ; lequel elle baisa cordialement , et luy bailla cent soixante escus pour avoir ung cheval et autres choses nécessaires.
'acteur. — Et quant le soir fut venu, il ouvrit le preau, et là actendit ma dame, qui ne tarda pas longue-
gS LE PETIT JEHAN UE SAINTRÉ
ment. Et lors la chiere fut entre eulx telle qu'il n'est celuy ne celle qui penser le peust, se amours ne leur eust fait sçavoir. Puis luy dist : « Mon seul amy et ma très doulce pensée, car cy longuement ne povez estre, baisiez moy par vrayes amours; et tenez cy en ceste boursette cent et soixante escus d'or, que je vous donne pour achapter ung gent, frisque et fringant cheval de compaignon, qui soit bien vif et saillant, quo)-qu'il vous couste jusques à quatre vingtz escuz ; et ung autre de bonne taille, pour vostre chevaucher à tous les jours, du prix de vingt escuz ; et ung aultre cheval double, pour porter vostre malle et ung varlet, du prix de trente escuz ; et sont xxx escuz qui resteront : tous semblables vous en ferez faire de beaulx harnoys de draps, et vestirez voz gens et serviteurs de vostre livrée quant chevaucherez, et du demourant vous servirez tant qu'ilz dureront; et quant ilz fauldront, faictes moy seignal, sans plus. » Et à ces parolles dit : « A Dieu, mon ami, à Dieu, mon espoir et tout mon bien, et à Dieu, à Dieu mon trésor. — A Dieu et à Dieu, ma dame, celle qui me peut plus commander, et que je doy et vueil plus obéir. » Et à ces parolles ilz s'en vont.
L'acteur. — Jehan de Saintré pour celle nuyct s'en va coucher en la chambre de l'escuyer, qui luy dist : « Mon filz Saintré, j'ay
grant regret que nous laissiez ; mais je suis très joyeulx de vostre bien. » Et puis dist aux aultres paiges du roy, qui entour luy estoient : « Or advisez, mes enfans, n'est ce pas belle chose que de bien faire et d'estre doulx, humble et paisible et à chascun gracieulx? veez cy vostre compaignon qui, pour estre tel, a acquis la grâce du roy et de la royne, et de tous. Et vous, qui estes noyseux, joueurs de cartes et de dez, et suivez deshonnestes gens, tavernes et cabaretz, ne pour batre qu'on vous face, ne vous en puis chastier; dont par ainsi combien que de bon lieu vous estes, tant plus croissez, se ne vous amandez, et plus chetifz et meschans serez. » Et en disant ces parole?, tous furent despouillez et s'en vont couchier.
L'acteur. — Le petit Saintré, qui n'osoit descouvrir l'embusche de ses cent soixante escus, en ses puissettes celle nuyct les fist dormir, de paour qu'ilz ne luy fussent robez. Dieu scet se celle nuyct luy fut longue, pour les chevaux achapter ; mais quant le jour fut venu, et il fut prest et habillé, après qu'il eut ouy messe, incontinent s'en va à celle bourgeoise Marie de Lisle, et luy dist : « Marie, ma bonne mère, nouvelles vous dy. — Quo}', mon filz ? — Le roy de sa grâce m'a osté de paige, et me fît hyer trancher devant luy, et m'a mis en l'ordonnance de trois chevaulx et
deux varletz, et puis tout secrètement par ung de sa chambre m'a fait donner cent Ix escus, pour moy monter et habillier, moy et mes varletz, et que je me trouve bien en point ; moy deffendant que nul ne le saiche, pour l'envie qu'on en pourroit avoir; si vous prie, ma très bonne mère, que nulle personne du monde n'en puist riens savoir. — Ha ! mon beau filz, dist Marie, que loué en soit Dieu. Or ne le dictes à personne, car jamais, par ma foy, n'en sera parlé. Et comment le ferez vous? il faut que ayez homme qui se congnoisse bien en chevaulx, et qui vous adresse à avoir bons serviteurs. — M'amye et ma mère, je me suis appensé de l'escripre à monseigneur qu'il m'en envoyé un ou deux ; et au regard des chevaulx, nostre maistre l'escuyer m'y aydera très voulentiers, et des aultres assez, quant je les vouldray prier ; mais je ne m'en vueil pas trop haster pour la suspeccion des gens. »
L'acteuk. — Que vous dirois je? ains qu'il fut ung mois acompli, il eut varletz et fut bien monté, et luy et ses varlets bien rhabillez ; que encores l'ayma plus le roy et le tint chier, si fîst la royne, tant qu'il leva bruit. Et quant ma dame aperceut la bonne chiere que le roy luy faisoit, print l'espingle et en fist le signal par tant de fois que Saintré l'aperceut, et lors luy respondit. Et quant ilz furent au preau le
soir ensemble, ma dame luy dist : « Mon amy et mon cueur,j'apperçois bien que monseigneur et ma dame, la mercy Dieu, vous ont bien en grâce; il nous fault penser que vous y puissiez bien entretenir, laquelle chose est en court très forte, par le faulx parler des envieulx ; sy n'est pour acquérir amys les plus prochains de entour eulx, les ungs par dons, les autres par promesses, qu'on ne peult fournir à tous, lesquelles en temps et en lieu se doibvent accomplir ; à l'ung le cheval, à l'aultre la hacquenée ou robbe : car les dons et promesses, quant on les peult accomplir, les honneurs, les bonnes chères, selon les gens, esjouissent, lient et emprisonnent leurs cueurs, tellement que tous sont siens. Et aux officiers les robbes de livrée, affin que pour vous tous soient; à ma dame la royne aucunes fois la belle hacquenée, aucunes fois le beau cheval pour sa littiere ou pour son chariot. Aux aultres dames, selon ce qu'elles sont; aux unes les haulx atours, aux aultres les seintures d'argent bien dorées ; aux unes fins tissus seulement, et aux aultres les belles ferrures ; aux unes les gracieulx dyamans, et aux aultres les verges d'or gentement esmaillées ; et les basses damoyselles, gans, bourses, laccetz et espingles, selon ce qu'elles sont ; et par ainsi au regard de vostre largesse, honneur, grâce et amour de çhascun sçront
avecques vous ; et se vous me demandez dont vous doivent venir tant de choses, je vous répons : tant que vous me servirez loyaulment, je vous fourniray du tout. Et quant vous serez aulcunement du corps plus puissant,'alors vueil que vous entrepreniez aulcunes gracieuses armes, dont porterez l'emprise que je vous donray ; et si parviendrez encores plus hault €n l'amour et grâce de monseigneur et de ma dame, aussi de tous. Et pour commencer à ces choses, veez cy en ceste bourse trois centz escuz, dont les cent seront pour une bonne haquenée ou pour ung bon cheval, que premier donrez à ma dame, et la remercierez de l'honneur que monseigneur vous a fait à sa requeste. Et les aultres cent escuz pour faire livrées de robbes à leurs varletz de chambre, toutes d'ung drap et d'une couleur et à voz devises, et pour plus de familiarité, vous en porterez une à ceste feste de Toussains. Et quant serez à la feste de Noël, vous aurez fait pour tous les aultres officiers à chascun sa robbe de vostre mesme devise, et d'aultre couleur de drap. Et les aultres cent escuz seront pour achepter aux aultres dames, damoyselles et autres, tout ce que vous ay dit, pour les estrener à ce premier jour de l'an. Aussi des robbes que donrez aux rois d'armes et heraulx, trompettes et menestriers. Et sur ce cas plus ne povons estre ensemble, mon cueur.
mon bien, et mon très loyal servant, baisez moy, et à Dieu soyez. »
L'acteur. — Jehan de Saintré, qui voit et congnoist les grands biens et honneurs que ma dame luy fait et pourchasse, ainsi jeune qu'il est, à genoulx très humblement la remercia, disant : « Ah ! ma très redoubtée dame, la plus parfaicte en tous biens et en tous honneurs qui au monde soit, las ! comment vous poray je jamais servir à la millesiesme partie de ce que à vous servir suis tenu; mais, ma très vraye dame, j'en feray ce que je poray, et Dieu, qui scet mon vray penser et mon désir, me acquittera du surplus. » Alors ma dame le fist lever, puis le baisa, en luy disant : « A Dieu soyez. »
