CHAPITRE XVI

Comment le petit Saintré s'acoustra de chevaulx , comme ma dat7ie luy avait dit. Puis la vint remerciei-, lequel elle admonesta de rechief, et apprint a se gouverner en court et en guerre, et en toutes autres sortes.

'acteur. — Et quant lendemain fut venu, après la messe ouye, Jehan de Saintré ne cessa qu'il eust les palefre-

104 ^^ PETIT JEHAN DE SAiNTRÉ

freniers et les mareschaulx du roy et de la royne. Si les fist en sa chambre bien desjeuner, puis leur dist : « Je vouldrois bien employer quatre vingts ou cent escuz pour une belle et bonne hacquenée ; qui la pourroit trouver?» Alors envoyèrent quérir des plus souffisans et feables couratiers de chevaulx, et se informèrent des plus belles hacquenées qui fussent à Paris, qu'ilz allèrent veoir et en achapterent une, dont luy mesme fist son présent à la royne, et tout à part luy dist : « Ma souveraine dame, tant et si humblement que je sa)? et puis, vous remercie des biens et honneurs que le roy, à vostre requeste, et vous aussi m'avez tant faitz ; et en souvenance de ces choses, s'il vous plaist ung peu venir à la fenestre, ma dame, vous verrez une petite hacquenée que je vous présente, en vous suppliant que la prenez en gré, car à petit mercier petit panier. » La royne très doulcement s'excusa, mais à la parfin elle vint veoir la hacquenée aux fenestres, qui moult belle et bonne estoit, couverte d'ung parement de soye aux couleurs et devises de la royne, dont elle fut très contente. Et quant il se fut depaity, lors commença la royne à dire tous les biens de luy; dont ma dame, sans en monstrer le semblant, en fut très jo3'euse. Et quant la feste de Noël fut venue, tous les varletz de chambre, et puis les officiers, rois d'armes, heraulx, trompettes et

Le petit JEHAN DE SAINT RÉ 10$

menestriers, comme dit est, furent tous vestuz, et les dames eurent leurs estrennes; et ma dame choisit la sienne, qui fut le moindre de tous les rubis. Lors, par toute la court et le royaulme, sa richesse fîorissoit, combien que ce ne fut pas sans grans envies, ainsi que par toutes cours de coustume est. Toutesfois les bons le louèrent tant que le roy et la royne l'eurent plus en grâce que jamais n'avoit esté. Et en ceste façon se gouverna tant que, de jour en jour, le roy l'aymoit plus. Si obtint du roy maintes grâces, et acquist mains bons amys. Ne pour semblant que le roy fist, ne pour grâce qu'il obtint, oncques d'orgueil ne fut surmonté, ains s'efforçoit de complaire à ceulx qui estoient ses ennemys couverts. Et ainsi demoura en ceste ordonnance l'espace de trois ou quatre ans. Ma dame, qui veoit et sçavoit toutes ces choses, ne tarda gueres qu'elle voult parler à luy; lors fist son signal de l'espingle, auquel il respondit. Et quant ilz furent au preau ensemble, elle lui dist : « Mon seul amy, la Dieu mercy, il n'est roy, royne, duc, seigneur, dame, ne damoiselle, jusques aux plus petits, que chascun ne s'efforce à dire bien de vous, à cause que avez esté et estes humble et gracieulx; et ores, par vostre largesse, vostre renommée florist. Si vous prie et recorde, que sans nulle folle, ne prodigue despense qui redonde trop plus à honte qu'à

honneur, à dommage qu'à proffit, largesse bien employée vous soit recommandée, car elle porte en soit telles vertus, et premier : elle couronne l'ame de gloire pardurable, elle se garde en l'amour de chascun et sy acquiert nouveaulx amys, elle florist en bonne renommée, elle estaint des cueurs les 3Tes, elle porte toute seureté, car elle fait ennemys, amys. Et pour ce, mon am3',je la vous recommande. Et se, par le plaisir de Dieu, fortune venoit en vostre ayde, employez vostre temps, soit en conquestes d'armes, soit en services de seigneurs ou en estre servy; que vostre désir soit de acquérir l'amour de Dieu et de plusieurs amys ; et ne vous fiez pas tant en l'amour de fortune, s'elle vous a jà de ses biens départis, que ne ayez regard au dit de Alanus in Anti Claudiano, où il dist :

Tempore felici, raulti inveniumur amici; Cum fortuna périt, nullus amicus erit.

« C'est à dire, mon am}', que ou temps que fortune est amie de quelque homme et qu'elle l'a mis en aucun estât, alors il trouvera des amis sans nombre ; mais quant elle luy tourne le dos, il n'en trouvera ung seul. Et, pour ce, est pire que fol, qui à elle se fie.

LE PETiT JEHAN UE SAINTRÉ lOJ