CHAPITRE XVII
Comment la dame cottseilla au petit Saintré de lyre livres et romans , affin de congnoistre les gestes des nobles du temps passé.
LA DAME. — « Encores vueil et vous prie que vostre plaisir soit à souvent lire belles hystoires, especialement les auctentiques et merveilleulx faictz que les Romains firent sur tous ceulx de la monarchie du monde, lisez Titus Livius ou Orose ; se voulez sçavoir des douze Cesaires, lisez Suetonius : et se voulez sçavoir les faicts de Cathiline et de la conspiracion ou conjuracion, lisez Salustius Se voulez sçavoir de la très fiere gfuerre de Jules César et de Pompée, aussi de la souveraine bataille en laquelle ledit Pompée fut desconfit, lisez Lucan ; et se voulez sçavoir des roys d'Egj^pte, lisez Macrobius ; et se voulez sçavoir des Troians, lisez Dares Phrigius ; et se voulez sçavoir de la diversité des langues, lisez Arnobius ; et se voulez sçavoir des Juifs et de la destruction de Jérusalem, lisez Josephus ; et
se voulez sçavoir des hystoires d'AfFricque, lisez Victor. Mais Pompeius Trogus, selon que Valerius escript, c'est celuy qui a le plus escript de son temps en sus, car il parle ainsi que du commencement de toutes régions et de la situation des terres.
La dame. — « Et cy vous donray fin des anciennes hystoires, auxquelles vous prie et commande, que vueillez prendre plaisir à escouter et à lire ; que pour assubtillier vostre esperit en toutes nobles et illustres euvres, ne pourrez myeulx vostre temps employer, ainsi que le vercifieur dit :
Ut ver dat florem, flor fructum, fructus odorem ; Sic siudium mores, mos sensum, sensus honorera.
« C'est à dire, mon amy : Comme le printemps donne la fleur, comme la fleur donne le fruict, et comme le fruict donne l'odeur; ainsi l'estude donne les meurs, et les meurs donnent le sens, et le sens donne les honneurs. Doncques, par ainsi escouter et retenir les nobles hystoires, exemples et enseignemens, pourrez acquérir la pardurable joye de paradis, honneur en armes, honneur en sens, et honneur en richesses, et vivre liement et honnorablement; et quant vostre seigneur, ou aulcuns aultres, feablement vous requerront de conseil, ensuivez le dict
Claudien le poète, quant il enhorta Honorius l'empereur, en son deuxiesme panégyrique, quant il luy dist :
Tu civem, patremque géras; tu coiisiile cunctis, Non tibi : nec tua te moveant, sed publica vota.
« C'est à dire : Comme père et amy tu portes des bons conseils, tu les confortes ; à toy seullement ne t'applique, ayme Dieu et le bien publicque. Car ainsi furent les bons Romains, et par ce dominèrent en toute la monarchie du monde, et donnèrent loix desquelles encores nous usons. Et sur ce sainct Augustin, au cinquiesme livre de la Cité de Dieu et au douziesme chapitre, recorde les parolles de Cathon, une des auctoritez de Saluste, qui dit : Les choses qui firent noz Romains si très puissans, sont sens, industrie et vray conseil en noz cueurs, et assemblées de conseils. Et pour ce, mon amy, je les vous recommande, afin que le conseil de vostre seigneur et de tous autres qui se fieront en vous, soit loyaulment gardé et tenu secret ; car à ce pend largement de vostre honneur et de ceulx qui aultrement le font.
« Or, mon amy, je vous ay assez dit pour ceste fois ; si prie à Dieu que tout ou la plus grant partie vous doint bien acomplir. »
