CHAPITRE XVIII

Comment le petit Saintrê se mist a genoulx devant ma dame, et la remercya; puis comment le roy et la royne luy donnèrent argent pour soy advencer; et puis comment enfin ma dame luy dist qu'elle voulait qu'il eust ung bracellet esmaillé a sa devise le premier jour de may, et le portast ung an entier pour s'esprouver encontre quelque chevalier au faict des armes.

L'acteur. — Et quant ma dame eut ses parolles finées, Jehan de Saintré se mist à genoulx, et lors humblement la remercia, et dist : « Ma très redoubtée dame, celle qui me peut plus commander que tout le surplus du monde, si très humblement que je sçay et puis, vous remercie. » Alors elle, pour l'heure tarde, le baisa, et puis luy dist : «Allez vous en, je say bien que voulez dire, et laissez le surplus faire à moy. »

L'acteur. — Lendemain, aussi tost que le jour apparut, Saintré se leva ; et après la messe dicte, au plus tost qu'il peut, s'en va le premier à la chambre de parement. Et ne tarda guerres

que les aultres chevaliers et escuyers y vindrent ; et lorsque le roy va à la messe et vit Saintré si bien et si gentement habillé, dist au sire d'I\Ty : « Je seray bien trompé se Saintré n'est une fois bon homme ; mais dont luy vient ce dont il est si bien habillé? — Sire, dist le seigneur d'Ivry, j'ai entendu que ma dame sa mère le pourvoit ainsi, et croy bien que c'est du vouloir de son père, qui luy en donne l'honneur. »

L'acteur. — Le roy se teust à ceste fois, et pensa en luy mesme que il luy vouloit aider ; et quant il fut revenu en sa chambre, manda quérir son trésorier, et ordonna que Saintré eut cinq cens escuz. Et quant la royne le sceust luy en fist donner trois cens et une pièce de damas. Et fust Saintré tellement en la grâce du roy et de la royne, qu'il n'y avoit nul escu3'er qui y fust tant ; et tout ce par le bon conseil de ma dame, qui par l'espace de sept ans l'avoit aymé. Et quant il fut en l'aage de vingt à vingt et ung ans, auquel temps le roy luy fist beaucoup de bien ; des aultres fois que ma dame voult parler à luy je m'en passe, car trop seroit long à reciter.

L'acteur ENCORES. — Et quant Saintré fut en l'aage que j'ay dit, ma dame, à qui tous ses esperitz tendoient de le faire homme de bien et renommé, se appensa que \Tayement il avoit

LE PETIT JEHAÎÎ IJE SAINT RE

cueur et corps assez pour faire parler de luy. Et quant ilz furent assemblez, après leurs amoureuses devises, à chiere très lye, ma dame luy dist : « Mon vray amy, mon cueur et ma très joyeuse pensée, puis que à Dieu plaist que estes tant en grâce de monseigneur le roy et de ma dame la royne, et aussi de tout le surplus, je me suis appensée que vous estes desoremais assez homme pour faire en armes quelque bien ; affin qu'il soit, en ce royaulme et dehors, quelques nouvelles de vous; et, pour ce faire, à ce prochain et premier jour de may, je vueil que pour l'amour de moy vous portez un bracelet d'or esmaillé à noz devises, brodé de six bons diamans, de six bons rubis et de six bonnes et grosses perles, de quatre à cinq caras, qui sont cy dedans enveloppées en une boursette qui est en ce saichet, auquel sont encore deux mil escuz pour vous mectre en point; et du surplus de vostre despence d'aller, demourer et retourner, ne vous esmayez ; car je trouveray assez façon que monseigneur, ma dame et messeigneurs mes beaulx oncles d'Anjou, de Berry et de Bourgongne, et autres seigneurs de nostre sang, chacun vous aydera ; et se ores ne le faisoient, mon seul amy, ne vous souciez tant que dix mille escuz pourront durer. »

L'acteur. — Et quant Saintré entend les très grans biens, les honneurs et la grant

amour que ma dame hiy porte, comme ravy de joye a perdu le parler : toutes fois à genoulx se mist, et toutlemieulx qu'il peut la remercia. Ma dame, qui congneut la façon de son parler, luy dist : « Mon amy, je, qui vous ay sur tous autres pour moy servir choysi, vous prie encores que ne vous souciez fors que d'estre lie et joj'eulx, et par tout faire bonne chiere ; d'or et d'argent et de bagues, pour vous mectre bien en point à ce vostre commencement, je vous fourniray assez. Et quant vostre bracelet sera parfaict, -la nuict de ce premier jour de may, qui sera briefvement, vous venrez ici à moy, et je le mectray en vostre bras la première fois ; et le jour ensuivant vous le porterez par l'espace d'ung an, se en celui temps, vous n'avez trouvé aucun chevalier ou escuyer de nom et d'armes, sans reprouche, qui, pour acomplir vostre emprise, à cheval ou à pié, le vous ait osté, par convenant de ne le vous rendre jusqu'à ce que par les armes à pié, qu'il fera à vous, s'il a du meilleur, il le ait gaingné, lesquelles armes seront : et premier de course de cheval, l'ung contre l'aultre, en harnois et selles de guerre, tant que l'ung ait premier bien rompu lances ; c'est à sçavoir demi pié au dessoubz de la douille de fer, et ung pié au devant de la rondelle. Et celui qui premier les aura bien rompues, son compaignon, tout à cheval

présent le juge, luy donra ung diamant lye, encore du prix de trois cens escuz ou au dessuz, pour donner à sa très belle dame ; et le jour ensuivant, et Dieu ait gardé vostre corps de desloyal exoyne, ou autrement le huitiesme jour à l'heure ordonnée par le juge, tous deux combactrez à pié l'ung contre l'autre, de deux haches d'armes tantseuUement ; lesquelles vous délivrerez tant que l'ung ou l'autre soit porté par terre, ou des deux mains perdu son baston. Et se au départir de ceste arme vostre compaignon est le meilleur, je vueil et ordonne que, là présent, luy donnez vostre dit bracelet ; et se Dieu vous donne le meilleur, il sera quicte pour vous rendre sa hache, là présent, et puis pour tout le jour son harnois, quant il sera desarmé.

La dame. — « Car, mon amy, vous estes jeune d'aage, et si n'estes pas des plus grans, ne puissans de corps ; mais pour ce ne devez nulz doubter ; car souvent est advenu que le plus foible a desconfit le plus fort ; et en bataille, le moins de nombre assez tost desconfit le plus grant, quant ilzsont bien avecquesDieu ; car à ce mestier les gens combatent, et Dieu donne la victoire à qui luy plaist. Et pour ce, vous, de tout vostre cuer, requérez le conseil, la force, l'ayde de Dieu ; si ne pourrez mal finer. Et se fortune vous estoit contraire, ce que j'es-

pere en Dieu que non, ne vous en souciez, car jà pour ce mon bon vouloir ne changera vers vous, ains vous en aymeray trop mieulx ; car selon les droitz d'honneurs et d'armes, vous en serez plus à priser, et pour ce ne pouvez que bien faire, quelque chose que vous faciez ; mais que Dieu garde vostre corps d'exoine, comme il fera, se de bon cueur à lui vous recommandez, et auroye plus chier que eussiez affaire à ung homme renommé qu'à ung jeune comme vous; et pour ceste cause, ains qu'ilz vous voient, je loue et vueil, que avant vostre parlement ung mois, vous envoyez encores ung roy ou herault à la court premier du roy d'Arragon, puis à celle du roy de Navarre, qui sont des Espaignes les premiers, puis à celle du roy de Castille, et puis du roy de Portingal, qui sont quatre rois chrétiens, présenter les lectres de voz armes ; se vrayement il n'est trouvé, à l'une des premières cours, aucun chevalier ou escuyer, tel que dit est, qui ait emprins de vous délivrer, duquel, sur vostre chemin, il vous rapportera sa lectre et son scel, et se Dieu, comme j'espère, est du tout en partie pour vous, mon amy et mon cueur, vous serez l'escuyer renommé. Et Dieu scet comment monseigneur et ma dame la royne et chascun vous aymera et prisera, et celle seuUe pensée est souffisante de desconfire ung géant; et pour ce, mon amy, pensez d'estre

Il6 LE PETIT JEHAN DE SAINTRÉ

vaillant et à Dieu requérir vostre conseil et aide, si ne pourrez faillir ; et à ces paroUes il nous en faut départir, plus ne vous en dis maintenant. »