CHAPITRE PREMIER

Comment Jehan de Saintré servait en la court du roy Jehati de France d' enffant d' honneur et de paige setiliement, allant après le roy. Et pretnieretnent de madicte dame des Belles Cousines, et de Saintre'.

OU temps du roy Jehan de France, filz aisné du roy Phelippes de Valiois, estoit en sa court le seigneur de Pouilly en Touraine, qui en son ostel avoit

ung très débonnaire et gracieulx jouvencel

nommé Jehan, et aisné filz au seigneur de Saintré, en Touraine aussi. Lequel jouvencel, par sa debonnaireté, vint en grâce au roy, et tellement que il le voult avoir en sa court, car il estoit encore bien jeune, l'ordonna à estre son paige, pour seullement après luy chevauchier, et au sourplus servir en salle comme ses aultres paiges et enffans d'honneur. Lequel Jehan de Saintré, sur tous les aultres paiges et nobles enffans, servoit ung chascun à table illecques très dilligemment, et assez plus que nulz des aultres, et especialement les dames ; en tous les plaisirs, honneurs et services que elles luy commandoient, il le faisoit à son povoir ; du sourplus, selon son aage de xiij ans, estoit prompt, habille et hardy jouvencel, feust pour servir ou chevauchier ung bien rigoreux coursier, feust à chanter, à danser ou à jouer à la paulme, à courir, à saillir, et à tous aultres affaires et esbas qu'il veoit aux hommes faire ; à toutes choses celui jouvencel se vouloit bien et joyeusement employer, combien que sa personne estoit et feust toujours linge et menue. Mais son cueur estoit entre les aultres tout fer et acier. Par lesquelles habilletez et doulceurs, courtoisies et debonnairetez, estoit si très bien amé, prisié et loué du roy, de la royne, des seigneurs, des dames et de toutes gens, tant que chascun jugoit et disoit que vraiement il seroit

LE PETir JEHAN DE SAINTRE

bien ung des renommez gentilz hommes de France, se il vivoit. Et vraiement ainsi fut il, car, à son trespassement de ce monde, il fut tenu des chevaliers le plus prudent et vaillant, ainsi que de une partie de ses fais cy après l'istoire fera mencion.