CHAPITRE XX
Comment la dame conseilla au petit Saintré qu'il failloit qu'il fist publier son entreprise par ung herault d'armes, contenant comment le mieulx dansant, fust escuyer ou dame, aurait pris convenable, et luy mût le bracelet au bras; puis comment Saintré fist ung banquet a tous seigneurs et dames ; et puis la nuyct retourna au tr eau parler a la dame, qui luy dist qu'il failloit publier ses lectres d'armes en la court de quatre roys.
ET quant ma dame eust lendemain veu le très bel et riche brasselet, fut très joyeuse ; lors à Saintré fit son signal, auquel Saintré promptement respondit. Et quant ilz furent ensemble, ma dame luy dist : « Mon amy, veez cy vostre bracelet, lequel me semble tant bel, que à peine le pourroit estre plus ; si me suis appensée, à l'asseoir des tables, que demain, qui sera la veille du premier jour de may, vous donrez ung très bel soupper à plusieurs chevaliers, dames et damoiselles de la court et autres^ auquel je ne vueil point estre, combien
LE i-ETIT JEHAN DE SAINTRÉ II9
que vous m'y convirez. Et lorsque, pour publier vostre emprise plus honnorablement, par le roy d'armes ou Hérault vous ferez crier, que la dame ou damoiselle, chevalier ou escuyer qui seront les mieulx chantans à icelle feste, la dame ou damoiselle aura de vous ung bel dyamant, et le chevalier ou escuyer aura ung bel rubys ; et semblablement donrez à la dame ou damoiselle, chevalier ou escuyer mieulx dansant ; et, chansons dictes, vous aurez tout prest le bel et gracieulx banquet qui sera d'entremetz et d'autres viandes assez, auquel vous ferez porter le paon et lors les seigneurs, les dames et damoiselles, les chevaliers et escuyers feront leurs veuz ; et quant ilz les auront tous faitz, alors vous vouerez aux dames et au paon, à vostre dame faicte ou à faire, que ce premier jour de may, qui sera demain, vous mectrèz ung bracelet d'or, tel que sera, en vostre bras senestre par l'espace d'un an ; se dedans icelluy vous ne trouvez chevalier ou escuyer de nom et d'armes, sans reprouche, et le surplus comme dist est, retenu sur toute chose le vouloir et plaisir du roy; et quant vous aurez tout fait et acompaigné les dames, portez avecques vous le bracelet au sain, afhn que ce soir je le vous mecte pour la première fois. — Ma dame, dist Saintré, le vray Dieu qui rend tous les biens faitz, le vous veuille rendre, et me doint grâce de le vous desservir,
ainsi que mon cueur et ma pensée n'ont aultre désir. » Et ma dame, à l'usance et coustume, lui donna congié.
L'acteur. — Le jour ensuyvant, qui fut le derrain jour d'apvril, aussi tost qu'il fust jour, Saintré d'avoir queux et viandes de diverses façons fist diligence, et, pour abréger, fist le soupper et le banquet comme ma dame avoit dit. Puis convia seigneurs, dames, damoiselles, chevaliers, escuyers, bourgeois, bourgeoises de Paris et autres à planté. Et quant le soupper, le banquet, les dances et les veuz furent tous faitz, et Saintré avecques les autres eust convoyées les dames de la court, et que le roy et la royne eurent pris le vin de congié, et que tous furent departiz, Saintré, comme ma dame avoit ordonné, s'en alla au preau. Si ne tarda guerres que ma dame y vint. Et lors elle, pour la première fois, le bracelet en son bras senestre luy mist, en le baisant; et pour ce que l'heure étoit tarde, n'y furent gueres qu'il ne les convint despartir; mais en luy mectant, lui dist : «Mon amy et mon vray désir, je prie à Dieu et à nostre Dame que en tel heure et en tel point le vous puisse je mectre, que à tout honneur en puissez revenir ; et se ainsi est, je leur voue que tous les vendredis je ne porteray linge sur ma chair nue, par autant de vendredis ou de samedis que serez dehors — Ha! madame.
LE t>EtlT JEHAN IJE SAlMXRi 12 t
dit il, et que vous ay je mérité que une telle dame face telz veuz pour moy ! — Ouy, mon amy, dist elle, car vous estes tel que je vueil. Il m'est advis que le plus test que vous pourrez, ayant le bon vouloir et congié de monseigneiu^, que vous envoyez vos lectres d'armes, à quatre cours desdits quatre rois, par quelque Hérault ou poursuivant qui vous apporte sur le chemin la responce. » Et à ces parolles, ma dame lui donna congié. Et par ainsi les cueurs soupirans, les yeulx l'ung de l'aultre lermoyans, s'en départirent.
