CHAPITRE XXI
Comment le petit Saintrè fut devers le roy et la royne présente)- sa lectre d' armes et demander congié dô le obtenir, ce que le roy fit quasi comme contrainct.
L'acteur encokes. — Le jour ensuivant, qui fut le premier jour de may, Saintré fut tout de neuf et ses gens bien habillez, et mit son bracelet; puis s'en alla
tE PETIT JEHAN De SAINTUi
la messe ouyr, qu'il fit dire du saint Esprit, et là assembla tous ses amis que ma dame lui avoit dit. Lors tout de bon cueur l'acompaignerent devers le roy et furent plusieurs qui à le ser\'ir ou voyage se offrirent. Et au saillir que le roy fist de sa chambre, où ce jour estoient messeigneurs ses frères et aultres plusieurs de son sang, Saintré et tous ses amis à genoulx se mirent. Lors il commença joyeusement à parler et dist : « Nostre souverain seigneur, il est de coustume à tous nobles hommes de acroistre leurs honneurs par le très noble mestier d'armes et en plusieurs façons, dont je, désirant, comme l'ung de ceulx, espérant le congié et licence de vostre bonne grâce, et non aultrement, vouay arsoir en mon petit banquet, présent mes très redoubtez seigneurs, dames et damoiselles, chevaliers, escuyers telz quelz, et plusieurs autres, que cest matin je porteroye en mon bras senestre ung bracelet d'or tel qu'il estoit, lequel veez cy, et le surplus pour la façon que, se vostre bon plaisir est, pourrez veoir cy en escript. » Lors le roy print les lectres d'armes et publiquement les fist lire devant luy, puis à la responce fut longuement, pensant aux armes fortes et à l'aage de Saintré, pour la grant amour que à luy avoit. Et quant il vit la longue response du roy, doubta moult le reffus, lors luy dist : « Hé ! sire, pour la
première requeste d'armes que oncques je vous fis, pour Dieu vueillez la moi accorder! Alors messeigneurs ses frères et tous ceulx qui là estoient, voyans sa très grande et bonne vou lente, prièrent au roy pour luy, et tant que tous lui supplièrent qu'il en fut content. Lors le roy s'en alla à la messe, et Saintré, après ce qu'il l'eut très humblement mercié, à la royne qui venoit près lui, se avança, et toute sa compaignie après. Lors à genoulx se mist, puis lui dist : « Nostre souveraine dame, il a pieu au roy moi donner congié de acomplir mon emprinse d'armes, dont veez cy le bracelet, à l'ayde de Dieu, de nostre Dame et de monseigneur sainct Michel l'ange, ainsi que en ceste lectre d'armes est contenu ; si vous supplie, ma souveraine dame, que ainsi soit vostre bon plaisir. — Et, mon ami, dist la royne, voulez vous jà faire armes? Qui le vous a conseillé? — Ma dame, dist il. Dieu et honneur le m'ont conseillé. — Et puis qu'ilz vous ont conseillé, je leur prie et supplie qu'ilz vous en facent joyeulx. — Madame, firent plusieurs, faictes lire les lectres pour en veoir la façon ; nous ferons tant que de la messe reviendrons. » A ces parolles se avança ma dame, qui de très bon euil le regardoit, et aussi toutes les aultres, pour oyr ce qu'il disoit. Alors la royne lui dist : « Saintré, de ce que monseigneur est content, je le dois bien estre ;
si prie à Dieu, à nostre Dame et à monseigneur sainct Jehan, puisque ainsi est, que vous en doint toute joye, et telle que desirez. » Lors la royne s'en va à la messe. Au revenir qu'elle eut fait, elle demanda la lectre d'armes et la voulut ouyr ; puis dit : « Helas ! ce jeune homme, qui n'est encore que ung enfant, comment a il eu cueur d'entreprendre telles armes? 11 faut dire qu'il luy part de très grant et bon vouloir, et se Dieu le ramené en bon point, il me semble qu'il ne vouldra faire autre chose, puis que si jeune s'y va bouter. » Et à ces parolles la royne s'en va à table pour disner.
