CHAPITRE XXII

Comment le petit Saintrè entra en jouste , triumphant et bien acotcstrê, et se porta vaillamment , si qu' il fut prisé et honnoré de chascun.

L'acteur. — Et quant les tables furent ostées, le roy, la royne, les dames et tous vont aux hours pour veoir les joustes qui se vouloient commencer. Lors vint Saintré, sur

son destrier housse d'ung damas blanc, tout brodé à fleurs de ne m'oubliez mye. Et lors commença la jouste de ceulx de dehors à ceux de dedans, desquelz, pour abréger le conte, je me passe ; et aussi de ceux qui à celle jouste furent, fors de Saintré, qui rompit des lances, bouta ung par terre jus de la selle de son destrier, et deux avecques leurs destriers, et tant dura en son heaulme, qu'il fut de tous les jousteurs premier et derrain sur les rencz. Se ma dame estoit aise, il ne le fault pas demander ; et en vérité aussi estoient le ro}', la royne et tous les aultres de la court, eulx donnans merveilles de son eureux jouster ; et pour la première fois eust de ceulx de dehors ung très bel diamant, qu'il donna à ma dame.

L'acteur. — Le jour ensuivant encores vint il sur les joustes, housse, luy et son destrier, d'ung aultre nouvel parement tout de satin vert à fleurs de pensées. Oue vous dirois je ? Encores fist il si bien que chascun s'en esmerveilloit ; mais pour l'emprise qu'il devoit faire, le roy doubtant aucim inconvénient, l'en fist reiraire ; et par ainsi durant ces joustes ne jousta plus.