CHAPITRE XXIII
Commetit Saintré fut au preau parler a ma dame, et luy déclara de point en point comment il estait acoustré, quelz gens et officiers il avoit pour parfaire son entreprise ; et comment la dame voiclut sçavoir de ses couleurs et de ses armes. Puis prindrent congié l'ung de l'autre a très grans pleurs et regretz.
L'acteur ENCORES. — Et quant les premières festes furent passées, Saintré ne cessa de quérir puissans destriers, et aussi requérir chevaliers, escuyers, ses parens et amis, rois d'armes, heraulx, trompettes, menestriers et deux tabourins, et de faire robbes, orfaveries, harnois, paremens, plumes et autres choses à luy nécessaires pour briefvement faire son voyage et accomplir ses armes ; et quant il fut du tout bien en point, il fit à ma dame son seignal. Et quant il fut le soir au preau, il conta et devisa tout ce qu'il avoit fait, et comment il avoit trois chevaliers : « tel, tel et tel, à xiv chevaulx ; ix escuyers à xxij chevaulx ; un chapellain à deux chevaulx ; le roy d'armes
LE PETIT JEHAN DE SAINTRÉ lij
d'Anjou à deux chevaulx ; Thouraine et Lusignen, les heraulx, à quatre chevaulx; quatre trompettes à six chevaulx, deux tabourins à deux chevaulx, et quatre très beaulx et puissans destriers que beaux petits paiges chevaucheront tout le pais, conduitz par deux varlets à cheval, qui les penseront ; deux queux à trois chevaulx, ung fourier, ung mareschal et ung armurier à quatre chevaulx; huyt sommiers, quatre pour moy et quatre pour ma compaignie ; et douze aultres gens à cheval pour ma chambre servir, et tel à trois chevaulx pour maistre d'hostel ; somme toute iiij. xx. ix. chevaulx, qui tous seront vestus de voz couleurs et de vostre devise. » Lequel nombre de gens et de chevaulx il dit tout coyement, ainsi comme s'il luy semblast trop grant nombre, pour en ordonner à son plaisir.
L'acteur. — Et quant ma dame, qui de l'oyr estoit très joyeuse, luy sembla qu'il eust dit crainctivement, doublant de trouver la despense et finance à ce nécessaire, lors elle luy dist : « Mon amy, il me semble que avez fait si bien qu'on ne pourroit mieulx. Et quant au regard de la despence, je ne vueil que vous en souciez ; car j'espère que monseigneur, ma dame et messeigneurs mes beaulx oncles, especialement vous y ayderont ; et s'ilz ne le faisoient, pour vostre despence d'ung an, vrayement, mon
128 LE PETIT JEHAN DE SAlNTRÉ
am}', voslre honneur ne demourra pas. Et, mon amy, de quoy sont voz paremens? — Ma dame, j'en ay trois, qui sont assez riches, dont l'ung est de damas cramoisy très richement broché de drap d'argent, qui est bordé de martres sebelines ; et en ay ung aultre de satin bleu, losengé d'orfaverie à nos lectres branlans, qui sera bordé de lestisses ; et si en ai ung aultre de damas noir, dont l'ouvrage est tout pourfillé de fil d'argent, et le champ tout empli de houlpes couchées de plumes d'autrusse, verdes, violettes et grises à voz couleurs, bordé de houpettes blanches d'autrusse, mouchetées de houpes noires, ainsi que hermines, et sur cestuy j'entens faire mes armes à cheval, retenu vostre bon plaisir : et dit chascun qu'ilz sont très riches, et les fait beau veoir ; et si en ai ung autre, et ma cotte d'armes toute semblable, sur lequel je viendray sur les lices pour faire mes armes à pié, qui est de satin cramoisy, tout semé de branlans d'or, esmaillé de rouge cler, à une grant bande de satin blanc, toute semée de branlans d'argent à trois lambeaulx de satin jaulne, tout semé de branlans de fin or luysant qui seront mes armes. — Et, mon amy, je vous prie que vous les blasonnez autrement. — Ma dame, mes armes sont de gueulles à une bande d'argent à quatre lambeaulx d'or. — Hé ! Dieux, dist ma dame, et que c'est belle chose en ve-
LE PETIT JEHAN lîE SAINTRÉ 129
rite ! Je les verrois voulentiers, se ne fust la doubte du parler des gens ; mais j'en trouvera}' bien honnestement la façon, car je le diray par bonne manière à ma dame, qui vous en priera. — Or bien, dist Saintré, ma dame, je suis tout prest doresenavant, quant seroit vostre bon plaisir, car il me semble que le plus brief est le meilleur; je pense que ores Lusignen le herault soit là, et se par advanture pour moy délivrer, je debvroie sur mon chemin rencontrer. » Lors prindrent le jour de partement, au quinziesme jour du prouchain moys de juillet ensuyvant. A ces paroUes l'ung de l'aultre, à très grans soupirs et très amoureux baisers, se départirent.
