CHAPITRE XXV

Comment Samtrê, après qu'il fut prest pour partir, vint demander congié au roy pour faire son entreprise , laquelle chose le roy luy concéda, nonobstatit qu'il fust marry de son départ.

L'acteur. — Et quant le terme de son partement aproucha, huit ou dix jours avant, Saintré atout ses trois chevaliers, ses neuf escuyers, roys d'armes, heraulx et tout le surplus de ses gens, luy et eulx tous vestuz de robbes à sa devise, accompaigné de plusieurs aultres seigneurs , chevalliers et escuyers ses amys, vindrent tous à genoulx devant le roy, présents messeigneurs d'Anjou, de Berry et de Bourgoigne ses frères. Et lors Saintré très humblement luy dist : « Nostre souverain seigneur, il a pieu à vostre Grâce estre content que je portasse l'emprise de ce bracelet, pour acomplir armes à cheval et à pié, que vous veistes par escript ; si vous viens très humblement supplier que vostre plaisir soit moy donner congié, tel que le quinziesme jour

du mois de juillet, messeigneurs mes frères et mes amys qui cy sont, et qui de leurs courtoisies me veullent acompaigner, puissions, à l'aide de Dieu, de nostre Dame et de monseigneur sainct Michel, partir et commencer mon voyage. »

L'acteur. — Le roy, qui jà comme dist est, avoit donné le congié, dist : « Comment, Saintré, estes vous jà prest ? — Sire, dist il, ouy. » Lors luy dist : « Saintré, vous estes noble homme, en vostre hostel a eu de vaillans gens. Dieu vous doint grâce de les ressembler, comme j'espère que si ferez, car vous encommencez bien jeune ; et ne vous souciez quelque chose qui de vous adviengne, car vous n'estes d'armes que ung escollier ; si ayez espoir en Dieu, que par tems vous en serez maistre. Mais d'une chose vous recorde : en quelque façon d'armes que vous soyez, que vous gaignez ou perdez honnestement et joyeusement. » Et lors le roy fut content de son partement, dont Saintré très humblement l'en mercia ; et lors le roy se part, et Saintré aussi très humblement remercia mes dicts seigneurs des dons qu'ilz luy avoient faitz.