CHAPITRE XXVI I

Comment Sainiré print congié du rov , de lu royne et des dames, ausquelles il donna a chascune une verge d'or ; et comment la royne en demanda une, laquelle il luy bailla en s' excusant, disant que il ne cuy doit pas qu elle eust daigné preiidre si petit présent.

L ACTEUR. — Le matin ensu3'vant, quinziesme jour de juillet, que le terme estoit du partir, après la messe ou3'e, et que le prebstre eust à Saintré donnée la beneysson, Saintré atout sa compaignie, vestu de sa li^Tée, vindrent prendre congié du roy, qui lui dist : « Saintré, Dieu vous doint bien aller, bien besoingner et à vostre grant honneur retourner ! d'une chose vous ay prié et prie, qu'il vous souviengne de gaigner ou de perdre honnorablement et honnestement. — Sire, dit il, au plaisir de Dieu, vous n'en orrez jà autrement parler. » Lors le bon roy luy toucha la main. Puis s'en va à la royne, qui lui dist : « Hé ! Saintré, puis qu'il faut que vous en ailliez, nous toutes prions à Dieu qu'il vous

doint pris d'armes, et joye de voz amours. — Ma dame, dist il, il en soit à vostre bon plaisir du prix d'armes, mais mes amours sont à servir vous et le roy aussi. » Et à ces parolles il print congié d'elle, puis de ma dame assez briefvement, fors que en souspirant elle luy dist : « J'ay jà prins congié de vous. » Puis va aux autres dames et damoyselles, à chascune desquelles il donna une vergette d'or, toutes esmaillées à fleurs de souviengne vous de moy, dont n'y avoit celle qui tenir se peust de plorer, tant l'avoient toutes a3"mé et l'amoient. Et quant la ro3'ne ouyt le bruyt de ces vergettes données, elle apella Saintré, et en riant lui dist : « Et, beau sire, ne sommes nous pas, Belle Cousine et moy, dames comme les aultres ? Que ne nous faites vous de vostre livrée ? — Ha! madame, dist Saintré, pour Dieu, qu'il me soit pardonné, car je n'avoye hardement, ne cuydoie que telles dames daignassent prendre de moy si petit don. — Si ferons, dist la royne. » Alors leur donna de toutes celles qu'il avoit, combien que toutes fussent pareilles ; puis luy dirent : « Saintré, grant mercy. » Et à ces parolles, Saintré reprent congié. Et à son département ma dame ne se peut tenir de 1ermoier; alors elle, pour son excuse, dist à la royne : « Jamais pour deuil, ne pour regret que j'eusse, je vouldroye que je ne peusse

lerme gecter, sinon quant je voy les aultres plorer. — Et en vérité, ma dame, dirent les aultres, qui est le cueur de femme qui se porroit tenir de plorer à veoir cest enfant qui va en si grant péril, et qui est nourri avecques nous, et qui tant de plaisir nous a fait tous les jours. »