CHAPITRE XXXI
Comtnent Saintré, estant logé a Parpignen, les nouvelles en vindrent au roy d' Arragon qui ordonna son logis à Barselonne. Et puis comment Enguerrarit ftit au devant de luy, hors la ville , l' espace d'une lieue , et le recetit honnorablement ; et des devises et tarolles de l'ung à l'autre.
L'acteur de l'entrée de barcelonne.
— Endementiers que ces choses estoient, et que messire Enguerrant se mectoit en point, ne tarda gueres que Saintré arriva en la ville de Parpignen. Alors au roi fut fait assavoir sa venue, son grand estât et la belle compaignie qu'il menoit. Lors le roy et tous les aultres seigneurs se apperceurent que vrayement il devoit estre homme de bien ; et incontinent ordonna à Barselonne très honnestement son loger, lequel fut à ses fourriers li\Té deux jours de devant sa venue. Et à l'entrer qu'il fit en la cité, messire Enguerrant, qui jà fut une lieue au devant de luy et plus, très bien accompaigné, et plusieurs aultres seigneurs, cheva-
liers et escuyers qui furent très emerveilliés de deux choses : l'une du très jeune aage de Saintré, l'autre de sa très belle ordonnance, où luy et ses gens estoient en sa venue, tout ainsi que au partir de Paris. Et quant messire Enguerrant vit le jeune aage de Saintré, fut esbahy d'avoir telles armes à faire à ung qui poroit estre son filz. Si le regarda très grandement plusieurs fois, soy merveillant de la haulte entreprinse d'ung homme si jeune qu'il estoit. Et quant ilz furent au logis, messire Enguerrant, honteulx des armes que avecques luy devoit faire, à part luy dist : « Jehan de Saintré, mon frère, vous estes ung jeune gentil homme, escuyer, et je suis ung vieil gentil homme, chevalier; se vostre vouloir estoit me quicter du scelle de ma promesse, je, pour acomplir voz armes, ai compaignon mon propre nepveu, qui est de vostre aage, et chevalier comme je suis; et de ce vous voldro3^e bien prier.» Saintré, comme sage et courtois, de soy mesme fist responce, et dist : « Monseigneur messire Enguerrant, il a pieu à Dieu et à ma bonne fortune que mon emprise est premièrement venue en voz mains, dont tant comme je puis et sa}^, humblement je vous en remercie, et de vostre grâce, comme chevalereux chevalier, m'avez volu, et par vostre scelle promis de délivrer; et jaçoit ce que monseigneur vostre
nepveu soit souffisant et digne de délivrer le meilleur chevalier du roiaume de France, toutes fois, puisque mon aventure m'a à vous adressé, à vous je me tiens et arreste, et vous prie que le me pardonniez ; et se par aucune occasion, que je ne sçay ne puis penser, de vostre promesse me défailliez, je me tiendray de mon veu pour très honnestement et honnorablement quicte et délivré. »
L'acteur. — Et quant messire Enguerrant oy d'un sy très jeune homme son gracieulx parler, fust esmerveillié, et comprinst en son cueur qu'il vouloit dire qu'il n'osoit, parquoy il se tiendroit quicte de son veu, lors se délibéra de l'accomplir, et luy dist : « Saintré, mon frère, j'ai oy vostre très illustre parler, ce que je vous ay promis par mon scelle, au plaisir de Dieu, de nostre Dame et de monseigneur sainct George, je le vous accompliray au jour et heure que le seigneur roy vous a promis et ordonné ; et pour plus tost donner fin à ces choses et plus honnorablement, me semble que au saillir des vespres du roy, je vous venray quérir ; vous serez tout prest, et vendrez faire la reverance au roy et à la royne, qui vous verront très volentiers ; et là, présent le roy, vous deslieray vostre bracellet. Puis demain le vous rendray, ainsi que en voz armes est contenu, car j'ay espoir en monseigneur sainct George que ma
dame y aura bonne part. » Et sur ce prent congié. Dont pour priera nulle Saintré ne voult demourer au disner; mais pour veoir sa contenance et maintien, messire Enguerrant le fist demourer.
