CHAPITRE XXXI II
Comment Saintrè entra pompeusement dedans les lices, avecgues mainte belle compaignie de princes et chevalliers gui le coitduy soient, et de l'ordre qui y fut.
L'acteur sur la venue de saintré SUR LES LICES. — Quant le XV jour après sa venue fut venu, le jour ordonné de commencer leurs armes, auquel jour tous furent habillez et appareilliez ; à ce dit jour, sur l'eure de dix heures au matin, le roy, comme saige et très honnourable prince, pour honnourer les estrangers, envoya à Saintré, pour l'accompaigner, le conte de Cardonne, don Fedrich de Lune, messire Arnault de Parreilles et messire Françoys de Moncade, quatre moult nobles seigneurs et chevaliers de la court, très bien accompaigniez, pour l'honnourer et aller sur les rens ; et ce ordonné, le roy se part, et s'en va sur son hourt, qui à l'ung des costez des lices estoit, très richement tapissié de tous costez, et avecques luy les princes, seigneurs et plusieurs aultres chevaliers et escuyers de son
îêo LE PETIT JEHAN DE SAINTRÉ
conseil. Et à sa senestre main, la royne en son hourt, accompaignée de plusieurs princesses, dames et damoyselles de sa court, du roiaulme, illecques venues pour ces armes veoir. Et quant le roy et la royne furent tous en leurs hours reposez, lors par l'ordonnance du roy, les roys d'armes et heraulx portèrent aux deux parties le commandement de faire leurs devoirs. Alors Saintré, qui jà estoit en point comme le commenceur et entrepreneur de l'emprinse, monta à cheval avec toute sa compaignie, et partit par la manière que s'ensuyt :
Et premier de son logis partirent ses tambourins à cheval, avecques tous les aultres qui estoient venus le convoyer et accompaigner, deux à deux.
Après les tambourins venoient ses trois sommiers, qui portoient les coffres de son harnois, tous couvers de tapis à ses armes faictz de broderie, chascun conduict à main par ses varletz ; et après eux venoient à pié les deux armuriers.
Après les armuriers venoient tous les poursuyvans, cottes d'armes vestues de costé, deux à deux.
Et après les poursuivans venoient les menestriers de Saintré.
Et après les menestriers de Saintré venoient les menestriers du roy et les trompettes d'Aragon.
LE PETIT JEHAN DE SAINTRÉ l6l
Après les trompettes d'Aragon venoient les heraulx d'Aragon.
Après les heraulx d'Aragon venoient les heraulx françoys.
Après les heraulx françois venoient les deux roys d'armes d'Aragon et d'Anjou, trestous portant les cottes d'armes vestues de leurs seigneurs ; et ceulx de France, celle de Saintré moult richement brodée.
Après les rois d'armes, ses quatre trompettes et clairons, et après eulx les chevaliers et escuyers, qui sur leurs cuysses portoient xij grosses lances ; dont les six estoient du tout armées et vestues de drap d'argent à ses couleurs, fourrées de martres, et les aultres six très richement peintes en semblable façon.
Après les douze lances venoit sur ung très bel coursier ledit don Bernard de Cardonne, qui sur sa cuysse portoit une lance, où estoit un gonfanon d'ung très fin veloux cramoisy, endossé d'hermines et brodé d'une très riche frange d'or ; et à chascun des letz du gonfTanon estoient de très riches brodures, les quatre blasons des quatre principalles lignées de Saintrc.
Après le gonffanon venoit don Federich de Lune, sur son très puissant coursier, qui tenoit ung tronson de lance, vestu et fourré comme les six lances armées, sur lequel estoit son heaulme, qui au dessus avoit une grant fleur de
l62 LE PETIT JEHAN DE SAINTRÉ
chardon à quatre grans feuilles d'or, qui toutes cou\Toient le chief du heaulme ; et au pié de la fleur pendoit une longue touaille de plaisance voilant, moult richement frangée de fil d'or et de grosses perles, et le surplus semée de lectres d'or branlans.
Après le heaulme venoit Saintré sur ung très bel et fringant destrier, qui en son chief portoit ung champfrain d'acier à trois grans plumes en façon d'austrusse, et à ses trois couleurs très richement brodées ; luy et son destrier houssez d'ung satin cramoysy tout semé à cueur d'harmines et bordé de grans franges d'argent capponnées de soye à ses trois couleurs ; sur son chief un très bel et frisque chappel de plumes, et luy armé de ses avant bras, barnoys de ambes et souleretz, sans plus ; et en sa main droicte sa baniere, là où estoit nostre Dame et son enffant, de laquelle de pas à pas il se seignoit.
Après Saintré venoient messire François de Moncade et messire Arnault de Pareilles, chascun son très bel coursier per à per; et après eulx tous les aultres chevaliers et escuyers à grant nombre, qui par l'ordonnance du roy l'accompaignoient. Et, atout celle ordonnance et très belle compaignie, vint descendre en sa grant loge, toute bien tendue, que le roy aux entrées hors des lices pour chascun avoit fait
faire, et illecques descendit, et avec luy ses quatre seigneurs conseilliers, et des siens ceulx qu'il avoit ordonnez.
Et s'y venoient, après ledit Saintré et devant lesdictz seigneurs, ses quatre paiges montez sur quatre coursiers couvers de paremens qu'ilz avoient, et les paiges habilliez ainsi qu'ilz estoient à l'issue et au département de Paris, comme cy devant est dit.
