CHAPITRE XXXI F
Comment messire Eiiguerrant entra pareilletnent dedans les lices en moult triumphant arroy.
L'acteur de la venue de messire ENGUERRANT ES LICES. — Et quant Saintré fut descendu, incontinent les roys d'armes, heraulx, poursuivans, trompettes et menestriers, pour faire honneur et corapaignie, furent à messire Enguerrant, lequel aussy trouvèrent tout en point prest à monter; et aussy partirent tout premier les tambourins ; et après les menestriers, venoient plusieurs seigneurs,
chevaliers et escuyers, qui venus estoient pour le convoyer.
Après les chevaliers et escuyers venoient ses trois destriers sellez, et leurs selles couvertes de mesme drap d'or dont ilz estoient houssez, dont le premier destrier estoit housse d'ung très riche satin bleu, figuré et brochié d'or, à grans hourletz de fin gris. Le second destrier estoit housse d'ung aultre satin figuré bleu et brochié d'or, à grans bors de martres sebelines. Le troisiesme destrier housse d'ung aultre très riche satin figuré en coulleur de pourpre tout broché d'or, qui estoient ses trois couleurs, et brodez d'ermines, et conduitz à main par trois varlets à pié.
Après les trois destriers venoient douze chevaliers sur beaulx coursiers qui portoient douze lances ; dont les six estoient deux à deux des trois mesmes draps d'or, et semblablement ourlés comme estoient les paremens.
Après ces douze lances venoient les trompettes du roy, et après eux le roy d'armes d'Aragon, qui vestue avoit sa très riche cocte d'armes, et à son col portoit une moult luysante et legiere targe d'acier ouvrée par tiers de trois draps d'or, et à chascun des quatre quartiers de la targe, avoit ung blason de ses quatre lignées dont il estoit yssu, et au milieu des quatre blasons le sien.
LE PETIT JEHAN DE SAINTRÉ léj"
Après le roy d'armes, venoit le comte d'Orgel qui, sur ung très bel et puissant coursier, portoit sur ung tronsson de lance le demi heaulme de messire Enguerrant, sur lequel estoit ung demy cerf, d'or macif, portant un collier où estoient par tiers un très bel rubis, et ung très bel diamant et ung très bel balaiz, chascun enclos entre deux belles perles.
Après le demy heaulme venoit messire Enguerrant armé de toutes ses armes, excepté du chief, auquel il portoit ung très bel chapellet de diverses fleurs et feuilles, sur ung très bel et puissant destrier, housse d'un très riche veloux cramoysy, figuré, tout brodé d'or sur or, et bordé à grant bort d'ermines, et en sa dextre main ung tronçon de lance sur lequel son bras se reposoit.
Après messire Enguerrant, venoient le comte de Prades et le conte de Cardonne, ses conseillers, et puis les autres seigneurs, chevaliers et escuyers, sans nombre, venuz pour le convoyer; et ainsi vint descendre en sa loge, et illecques fut armé de son demy heaulme, et servi de ce qu'il luy falloit.
l66 LE PETIT JEHAN DE SAINTRÉ
