CHAPITRE XXXV

Comment le rov fist mesurer les lances des deux champions , et comment Saintré se contenait homiestement quant il passait par devant le roy et la royne, estans en leurs hoiirs.

L'acteur sur les armes. — Et quant ilz furent venus, le roy incontinent fist mesurer leurs lances, qui dévoient estre de la poincte jusques à l'arrest de xiij pies de long ; et quant elles furent mesurées et à chascune partie livrées, le roy manda à Saintré qu'il saillist le premier, et ainsi fist il; mais quant il fut à cheval sur son destrier, il demanda sa banerolle, et en fist un grant signe de la croix, en disant sa benediccion, que ma dame luy avoit enseignée, comme dit est. Et ainsy, soy seignant, pas à pas entra dedans les lices, en son reng ordonné, et avecques luy ses quatre seigneurs, ses conseillers, et ceulx à cheval et à pié, par semblable nombre, comme estoit ordonné. Et fist son tour d'aller et de venir tout le long de la toille qui toute estoit de fin

drap vermeil ; et tant de l'aller que du venir, quant il estoit devant les hours où le roy et la royne estoient, tant bas qu'il povoit se inclinoit, et leur faisoit révérence ; par laquelle chose le roy dist à ses gens. « Et vraiement, cest escuyer, en tous ses fais et en tous ses dis, monstre bien qu'il est gentil, et qu'il est nourry en la court et à l'escoUe de tout honneur. » La royne et toutes ses aultres dames ne le louèrent pas moins ; car n'y avoit celle qui ne dist bien et honneur de luy, dont la plus grant partie prioient Dieu qu'il luy feust en ayde. Lors pas à pas s'en va mectre au bout de son reng, et là print sa lance sur sa cuisse; puis, en son arrest la coucha, et très fringamment d'aler et de retourner, la tourne de bout à aultre.

Le roy fait messire Enguerrant venir, qui, pour abrégier, tout ainsi que Saintré vint faire, fist. Quant ilz furent en leurs bouts des rencz, le roy ordonna qu'ilz feissent ce que faire dévoient.

l68 LE PETIT JEHAN DE SAINTBÉ