L'ACTEUR SUR LA PREMIERE JOURNÉE

— Alors Saintré, qui sa banerolle tenoit, recommença à faire le signe de la croix et par trois fois sa beneisson dire. Et puis sur la cuisse prist sa lance ; puis, en brochant son destrier des espérons, la coucha ; et le semblable messire Enguerrant fist : en laquelle première course fut comme faulte. Et à la deuxiesme course, messire Enguerrant, sa poincte clinssa soubz la venue de Saintré, et Saintré atoucha au bas du grant gardebras, et en brisant sa lance ung peu plo3'a. Et, à ce rompre de lance, trompettes à desroy commencèrent à sonner.

La troiziesme cource, messire Enguerrant baissa trop sa lance qu'il rompy à l'arçon, et Saintré le cerf sur son demy heaulme emporta.

LE ÎETIT JEKAN DE SAINTRÉ 169

Lors trompettes commencèrent à sonner; mais pour cause que la lance n'estoit pas bien rompue, le ro}' commanda cesser.

A la quatriesme course, ledit messire Enguerrant print au milieu de la pièce et rompit très bien sa lance ; et Saintré le fiert au bas du demy heaulme, et sa lance clinssa entre la pièce de la rondelle et la lance, si entra le fer entre la main et le gantelet, lequel luy emporta sans prendre à la chair, dont la main fut endormie tellement que, jusques au quatriesme jour après, ne peurent leurs armes parfaire. Et au trespasser qu'il fit, sa lance rompit auprès de la douelle, qui ne fust point comptée.

Alors le roy fist lire les lectres qui portoient l'ung actendre l'autre jusques à l'espace de huyt jours ; et, par ce, ordonna que chascun s'en voulsist par sa porte descendre en son hostel ; et ainsi chascun s'en retourna tout armé, fors que de leurs chiefs. Mais, tant voulut le roy honnourer Saintré, qu'il feist messire Enguerrant yssir le premier, disant que la place estoit demourée à Saintré.