CHAPITRE XL VI II
Comment 77ia dame ordonna a Saintrê d'osier l'emprise que le seigneur de Loisselench porioit.
EN après que les armes de Saintré, à rencontre de messire Enguerrant, furent accomplies, le seigneur de Loisselench, baron de Poullaine, grant, fort et puissant chevalier, qui, pour acquérir honneur et la très désirée grâce de sa dame, très bien accompaigné de quatre barons, aussi de Poullaine, c'est assavoir : le sire d'Andach qui porte de gueulles à ung faulcon perse de sinople, le seigneur de Nulz qui porte d'or à une teste de beuf de sable, le seigneur de Morge qui porte d'argent à trois testes de sable, et le seigneur de Terg qui porte d'or à une croix de gueulles vuydée, qui tous quatre, faictes ces armes, alloient de compaignie à Saint-Jacques. Lequel seigneur de Loisselench portoit, pour emprise d'armes à cheval et à pié, deux cercles d'or : l'ung au dessus du coulde du bras senestre, et l'aultre au dessus du coup du pié, tous deux
enchaînez d'une assez longue chayne d'or, et ce par l'espace de cinq ans, se, entre deux, il ne trouvoit chevalier ou escuyer de nom et darmes, sans reprouche, qui le delivrast des armes qui s'ensuyvent. Et lesquelles, pour plus tost et plus honnourablement accomplir, s'appansa venir en la très belle court de France, où tous nobles et chevaleureux hommes estoient très honnourablement receuz, et aussi pour avoir cognoissance et accointance d'eulx. Lors, par Brunsvich, le herault qui avecques luy estoit, fist lire sa lectre d'armes, et declairer du langaige pouUain en françoys, qui, pour abregier, disoit ainsi : « Que celuy qui le deli- \Tera et luy, seront tenuz de courre à cheval, l'ung contre l'autre, dix courses de lances d'armes que le prince ordonneroit et de la mesure, et en harnois et selle de guerre, sans aultre avantage nul ; sy vrayemerit que entre lesdictes courses ne fussent, premier trois lances bien et raisonnablement rompues, au dict du prince. Et se, à la fin desdictes dix courses, ou trois lances bien rompues. Dieu garde le corps de malle exoine, le deuxiesme jour après, ilz combattront à pié dix poulx de lance sans reprinse ; puis seront reprins pour changer baston, c'est assavoir haches pareilles, desquelles ilz combattront d'estoc, de mail ou de taille, ainsy que mieulx leur plaira, sans reprinse et
aultres coups ; et après l'emprinse, recombateront de leurs espées dix aultres coups, et semblablement feront des dagues d'armes.
Desquelles lances, à pié et à cheval, toutes garnies, aussi des aultres bastons dessusdits, il sera tenu, et voult que en la lice il en donnera le choys. Et s'il advenoit que, en faisant lesdictes armes, l'ung d'eulx fust d'aucune pièce de son harnois desarmé, il sera tenu en tel estât les accomplir ou quicter, pour soy acquiter d'iceluy pris. Et celuy à qui, des cinq armes accomplies, Dieu aura donné le meilleur pour les armes à cheval, son compaignon sera tenu luy donner un dyamant, sur la place, du pris de trois cens escuz ou au dessus ; et pour les poulx des lances à pié, ung ruby de mesme pris ; et pour les haches, une fine perle de quatre caras ou au dessus ; et des espées, ung balay dudit pris ; et des dagues, un saphir dudit pris aussy. Et s'il advenoit, dont Dieu les deffendel que, en faisant lesdictes armes à cheval ou à pié, l'ung d'eulx fust tellement exoiné, que, pour ce jour, parfaire ne les peust, ou qu'il fust hors de ses arsons, ou de ses pies porté à terre, ou fust de teste, de corps ou de bras, tellement desarmé, qu'il refusast en tel estât parfaire lesdictes armes, celles et cestes qui seroient faictes, seroyent tenues pour parfaictes. Et sera tenu celui de payer tous les pris
des armes à faire, comme s'il les avoit, l'ung après l'autre, tous perdus. Chascun de nous sera tenu, avant le commencer des armes, les mectre es mains du prince pour les ordonner à son bon plaisir. v>
L'acteur. — Lesquelles armes ainsi publiées, ma dame, sans plus y penser, fist à soy venir Saintré, et tout coyement, au plus brief qu'elle peut, luy dist : « Mon amy, or est la journée venue que Dieu et fortune vous ont promis pour vous honourer et mectre sus, par la venue de ce chevalier poullain, dont ses armes sont publiées ; si vous prie, tant comme je puis, que vous soyez tout le premier devant monseigneur le roy, faisant la requeste de le délivrer ; et de la despense ne vous souciez, car Dieu et nous pourvoirons à tout. Et jaçoit ce que vous soyez mon seul ami, trestout mon bien, celui que au monde plus je ayme et désire, parquoy sur tous aultres le vous devroye desconseiller, et qui plus est, deffendre de plus vous mectre en telz perilz ; mais tant est l'honneur bonne que je vous porte, que je vous vouldroye, en tous endroitz, le plus vaillant et le meilleur, espérant en Dieu qu'il vous partira de l'honneur. -«^ Et quant Saintré entend ma dame si haultement parler, jaçoit ce que son cueur estoit conclu, lors à ung genoil se mect, et très humblement l'en remercia, et dist : « Ma très
redoubtée dame, sur l'amour et foy que je tiens à vous, j'estoye ores en ce pensement, et comment j'en poroye parler à vous. — Allez tost, dist elle, affin que nul soit le premier. » Lors hastivement s'en va au roy, ' et incontinent à genoulx se mist, et luy fist sa prière ainsy qu'il appartenoit. Le roy, qui moult l'aymoit, le reg^arde en soubzriant, comme esmerveillé, en pensant que ung si jeune homme, et de assez menue façon, avoit cueur de si fortes armes emprendre à ung si grant et puissant homme, comme ce chevalier pouUain estoit, et puis luy dist : « Et Saintré, y avez vous bien pensé ? — Sire, dist il, oyl, dès aussi tost que je le vis, je n'eus oncques puis aultre désir. » Et endementiers qu'ilz estoient en ces parolles arriva le viconte de Beaumont, qui au roy fist semblable requeste. En la faisant, y vint encores le seigneur de Craon ; et sur ce, le seigneur de Vergy ; puis le viconte de Quaisnes, le seigneur de Saucourt, le seigneur de Hangest, et tant d'aultres faire tous au roy leur requeste. Et quant le roy entent la prière de tant de seigneurs, alors leur dist : « Mes amys, à telz choses les premiers vont devant ; vous voyez cy Saintré le premier, qui encores est à genoulx ; certes, combien qu'il soit jeune, nostre Seigneur est le Dieu des forts et des foibles des vieulx et des jeunes ; et comme Dieu est
pour les foibles autant que pour les fors, et pour les jeunes comme pour les vieulx, et, pource, nous sembleroit luy faire tort, veu le bon vouloir qu'il a. » Alors chascun se leva, louant son bon vouloir et plaisir, et plus contens de Saintré qu'ilz n'estoient l'ung de l'autre ; lors Saintré, tant humblement qu'il peut, remercya le roy. Le roy pour le lendemain fist prier le seigneur de Loysselench, les aultres quatre barons, chevaliers et escuyers de leur compaignie. ausquelz furent fais très grans honneurs. Et après disner, les dances avecques les dames, le royne présente qui très amyablement tous recueillit, puis aucunement, par gens de deux langues, leur demanda des dames et estas de leurs pays, disans estre très desplaisant qu'elle ne les entendoit. Et quant les dances furent cessées, avant les espices venues et le vin du congié, lors fut Monjoye, roy d'armes des François, qui de par le roy fist relire la lectre d'armes, présent la royne, seigneurs et dames à planté. Et quant la lectre fut leue, Montjoye demanda audit chevalier s'il estoit celuy de ses armes, et s'il advouait tout ce qui estoit en la lectre. Et quant en fut donné à entendre audit chevalier, il dist que son scel et sa lectre il advouait. Alors Saintré à genoulx se mist devant le roy, et fist renouveller son congié ; lors se leva, et dist au chevalier :
a 14 LE PETIT JEHAN DE SAINTRE
« Monseigneur, vous soyez le très bien venu ; à l'aide de Dieu, de nostre Dame et de monseigneur sainct Michel, je vous desprisonneray de vostre veu, et des cercles et chaînes dont vous estes emprisonné. » Et lors s'advança pour les cerclas oster. Et quant le chevalier vit Saintré si jeune et si menu, comme de honte se recula, et en son poullain dist à ses gens : « Et est celuy qui me doit délivrer? n'y a il, en ceste court, si hardy que luy ? » Lors luy fut dit qui il estoit, et comment le roy le aymoit, et que jà il avoit fait armes en Arragon, à cheval et à pié, et que de tous deux en avoit eu l'honneur. Lors le regarda moult fort, puis dist : « Je ne le puis doncques refuser, face doncques son bon plaisir ; bien dis que telz gens sont plus à doubter aucunes fois que les plus puissans. » Alors fut dict à Saintré que jà le voult requérir de plus avant : « Saintré, faictes ce que avez commencé, car il vous remercie de très bon cueur. » Alors Saintré osta les cercles ; et, ce fait, le roy donna de celuy jour au trentiesme jour enssuivant, pour le jour des armes à cheval, puis en sa chambre se retrahit. Et lors Saintré portant les deux cercles d'or, l'ung devant l'autre derrière, pendant à la chaîne environnée entour son col, fut accompaigner, et plusieurs aultres, ledit chevalier en son hostel. Et cy laisseray à parler des grans hon-
neurs et bonnes chieres que, tant qu'ilz furent là, leur furent faictes ; et diray des grans douleurs que ma dame eut en son cueur, et des belles parolles qu'elle dist à Saintré.
