CHAPITRE LUI
Comment le seigneur de Loysselenck soupa avecques la royne.
LE roy et la royne, quant ilz furent descenduz en leur hostel de Saint Pol, lors le rcy ordonna que la royne fist, par ses maistres d'hostel, prier le seigneur de Loysselench et sa compaignie venir au soupper, et voult que Saintré y fust aussi. Et quant l'eure de soupper fut venue, lors Saintré, bien accompaigné, les alla quérir ; et quant ilz furent venuz à la royne, en devisant avecques les dames, le maistre d'hostel vint pour les faire
soupper. Lors la royne print en sa main dextre le seigneur de Loysselench et le fist seoir, et puis dist à Saintré : « Saintré, puisqu'il est aujourd'huy l'ung des jours de voz fentes, je vueil«stre entre vous deux. » Et à très grans excuses, honneurs et révérences, force luy fut d'obeyr. Ma dame, qui tant estoit joieuse du grant honneur de son amy, luy dist : « Saintré, beau sire. Dieu vous accroisse voz honneurs. — Ma dame, dit iî, vous voyez que c'est du monde, et que c'est du commandement de la royne, et non point que je l'aye desservy; et se aucune chose y a esté par moy faicte, c'est par celle que Dieu me doint bien servir. » Alors la rojme demanda le seigneur de Morg, pour ce que il parloit françois, et le fist seoir vis à vis du seigneur de Loysselench, affin de mieulx deviser à luy. Les autres barons, chevaliers et escuyers poullains fist elle seoir entre les aultres dames et damoiselles, qui très grans honneurs et festes leur firent. De vins et de viandes de diverses façons, ne fault point escripre, ne demander ; et quant les tables, pour abréger, furent levées, les menestriers sonnèrent pour dancer. Le roy, avecques messeigneurs ses frères et aultres du sang royal, ne tarda gueres qu'ilz vindrent. Adonc après les dances et maintes chansons dictes pour le traveil et blessure du seigneur de Loys-
selench, le roy manda le vin et les espices ; et, après ce, tous prindrent congié. Lors Saintré, avecques très belle et grande compaignie, fut ledict seigneur de Loysselench convoier ; et au départir qu'il fist, le pria et toute sa compaignie pour le lendemain au disner. Que vous dirois je ? A ce disner furent seigneurs, dames, damoiselles, chevaliers et gens d'estat, que de si long temps ung tel disner n'avoit esté faict ; dont, pour abréger, les tables ostées, les menestriers commencèrent pour dancer. Lors firent basses dances, chansons, morisques très riches, et aultres joyeusetés ; car c'estoit le jour qu'il n'estoit mie mémoire que si belle et joyeuse feste eust esté faicte, ne sy bien ordonnée. Mais pour la paine que le seigneur de Loysselench portoit de sa main, convint la fèste assez 'plus tost abréger ; et lors tous et toutes, l'ung de l'aultre, prindrent congié.
L'ACTEUR. — Le cinquiesme jour après, le seigneur de Loysselench, qui fut aucunement plus amande, pria Saintré, et aucuns seigneurs et dames, pour le lendemain disner, à la façon de Poullaine, avecques luy. De vins, de viandes de merveilleuses façons, selon leurs coustumes, furent très grandement servis ; dont au lever des tables furent les dances et maintes chansons dictes ; et puis, après le très remply bancquet où fut faicte bonne chiere, et au
départir des tables, le seigneur de Loysselench, portant ung grand bassin d'argent où avoit mains rubys et dyamans lyez en or, tous meslez ensemble, que au long des tables n'y avoit dame ne damoiselle qui ne print le sien : et ce fait, tous prindrent congié les ungs des autres, et à Dieu pour celle nuyct.
