CHAPITRE LIV

Comment le seigneur de Loysselench print congié.

LE jour ensuyvant, le seigneur de Loysselench et tous les aultres de sa compaignie furent prendre congié du roy, de la royne, et de tous messeigneurs les frères du roy et aultres seigneurs du sang royal et des dames, les principalles, pour eulx partir le lendemain pour faire leur voiage à Sainct Jacques. Et ce soir, le ro)' envoya payer leur hoste de tout ce qu'ilz avoient despendu ; et au seigneur de Loysselench, le matin, envoya une pièce de veloux velouté, cramoysy, en

244 i-E PETrr jehan de saintre

pourpre et très richement broché d'or sur or, vingt marcz de vaisselle d'or et deux marcz de vaisselle d'argent doré, et ung très bel coursier puillois ; à chascun des aultres quatre barons, une pièce de veloux cramoysy et ung autre bel coursier ; et à chascun des aultres chevaliers, une pièce de veloux plain cramoysy ; et aussi aux escuyers, une pièce de satin cramoysy ; à Brunschwich, le herault, une de ses très riches robes et cent francz, avecques ung cheval. Et la royne, audict seigneur de Loysselench, donna une aultre pièce d'ung beau veloux velouté d'azur, broché d'or, et ung très riche affiquet d'une table de dyamant environnée de trois grosses perles et trois bons rubis ; et aultres quatre barons, à chascun une pièce de satin azuré, figuré et broché d'or ; et aux aultres escuyers, à chascun sa pièce de satin plain, azuré. Ma dame luy envoya un très riche dyamant de cinq cens francs. Et n'y eut celluy des frères du roy, que chascun ne leur donnast, les ungs coursiers, les aultres draps de soye brochés d'or, les aultres vaisselle dorée, et de blanche à planté. Et quant ilz virent les grans honneurs du roy, de la royne et de mesdicts seigneurs, aussi de ma dame, jaçoit ce que ilz eussent prins congié, si ilz vouldrent arrière retourner, pour les très humblement remercier. Et au partement de leur hostel.

Jehan de Saintré, qui par tout les convoioit, luy présenta ung très puissant destrier, sellé et armé de toutes pièces, et de champfrain bien empiumé, et d'unes très cleres et relu5-santes bardes de fin argent, bien dorées, avecques frappes de veloux veloutés, brochés et frangés d'or et de soye, à ses couleurs, qu'il faisoit très bel veoir. Et d'autre part, le seigneur de Loysselench luy présenta son bel destrier aussi couvert de drap d'or et de soye, à ses couUeurs, et fourré de martres sebelines, sur lequel il avoit faictes ses armes avecques lu)', qui jà pour luy donner estoit en point. Lors chascun deulx monta sur son destrier, et à celle très belle compaignie, Saintré les convoya plus d'une lieue. Et à tant laisseray cy à parler de Loysselench et de sa compaignie, qui s'en vont à Sainct Jacques, très grandement louant du roy, de la royne, des seigneurs, de ma dame et de toute la court de France, pour les dons et grans honneurs qu'on leur a faictz, disant partout que vrayement la court de France est la fleur de toute largesse et l'estoille de tout honneur.

L'acteur. — Après le partement de ces seigneurs de Poullaine, Saintré fut bien à loysir festoyé du roy, de la royne, des dames et de toute la court. Des très doulces et amyables chères, aussy que ma dame, à loisir, luy

fist, ne fault plus escripre ne demander, car chascun le peut et doit bien penser. Et ainsi fut l'espace d'environ ung an, que ma dame s'appensa que vrayement il estoit temps qu'il renouvellast aucune chose, pour faire encore parler de luy ; et que comme François aussi avant au service du roy, comme il estoit, seroit bon qu'il emprint de faire contre les Anglois aulcunes armes. Et qUant ilz furent ensemble, elle luy dist : « Mon seul désir et toute ma pensée, jour et nuict je ne cesse de penser à l'accroissement de vostre honneur ; si me suis appensée que à tant d'armes que vous avez faictes, ne vous estes encores point fait congnoistre aux Anglois. Pour ce, vous prie qu'entendez que Dieu, nostre Dame et bonne fortune sont avecques vous: que, après le congié de monseigneur le roy, trois jours de la sepmaine de ce premier jour de may, ayant loyal sauf conduit du roy d'Angleterre, vous tenez ung pas entre Gravelines et Callais, où n'a que trois lieues et tout plain chemin, pour recepvoir à la j ouste de guerre ung chevalier ou escuyer seulement, le premier qui, à l'ung des trois jours de la sepmaine, se vendra sur les rencz présenter à cheval, armé en selle de guerre pour courre contre vous, et vous contre luy, dix courses de lances, toutes d'une mesure ; si vrayement que l'ung de vous deux eust

bien rompues trois lances, où fust exoiné de corps ; et celluy, à qui Dieu aura donné du meilleur, gaignera un dyamant ou ruby de cent nobles ou au dessubz. Et par ainsi que l'adventurier ait lectres de son roy ou de prince royal, à scel pendant, qu'il est gentil homme de nom et d'armes, sans reprouche ; et pour avoir juges competans, et aussi que plus voulentiers ilz y viennent, monseigneur le roy et le roy d'Angleterre, chascun pour son party, y commectra ung de ses roys d'armes, qui sont publiques personnes, l'ung François et l'autre Anglois. Et quant vostre pas sera faict, se Dieu vous gard le corps de exoine, comme je l'en requiers dévotement, et il soit aucun noble homme, comme dit est, qui vous vueille requérir de faire aulcunes autres armes à cheval ou à pié, mon ami, je vueil que, à l'ayde de Dieu, de nostre Dame et de monseigneur sainct Michel, à Paris, devant monseigneur le roy, ou là où il voudra, vous luy accomplissez ; affin que vostre bonne renommée florisse de bien en mieulx. » Et à ces parolles ma dame cessa.

L'acteur. — Lesquelles si haultes et si nobles parolles luy pleurent moult, pour lesquelles incontinent à genoulx se mist, et, tant humblement qu'il peut et seut, l'en remercia. Et quant ilz furent l'ung de l'aultre départis, nuict et jour ne cessa que secrètement il eust

son bon congié du roy, qui à grant difficulté fut. Lors luy accorda, et ordonna, pour son juge, François, roy d'armes d'Anjou, de Thouraine et du Maine ; et ce jour ne cessa de quérir bons destriers, de soy armer et housser de douze paremens pour les douze jours, riches, frisques et apparans. Et endementiers qu'ainsi se mectoit en point, il manda le herault des Normans, et l'envoya au roy d'Angleterre luy signifier son pas, luy supplyant qu'il ne vaulsist reffuser les trêves des deux moys : c'est assavoir du quinziesme jour d'avril jusques au quinziesme de juing, par le pays de Guynes et de Boullaine, françois et anglois, et es frontières de Callais, affin que chascun y. peust venir. Lesquelles à très grant joye consentyes des deux partyes, fut la nouvelle par tout espandue ; parquoy y furent plusieurs gens.

L'acteur ENCORES. — Quant le quinziesme jour d'avril fut passé, et les trêves commencées, lors Saintré envoya maistres de Paris pour dresser bois, et planchoyer deux maisons semblables, l'une pour luy, et l'aultre pour les seigneurs anglois et ceulx de leur compaignie qui viendroient faire armes en son pas. Esquelles maisons avoit gentes salles, chambres, garderobes, chalis, dressouers, bancs, tables, estables et aultres nécessitez. Et l'une et l'autre des maisons par dedans bien tendue de tapisserie,

à demy trait d'arc loing l'une de l'aultre, toutes closes de fortes hayes, et dedens estables pour trois cens chevaulx. Et au bout des rens, à l'endroit de ferir, avoit faict ung bel eschafault bien tapissé, où les deux juges et heraulx dévoient estre. Et quant le terme du pas s'approcha, et que Saintré eust prins congié du roy, de la royne, de ma dame et de tous les seigneurs, à très belle compaignie de trois cens chevaulx arriva à Gravellines, où il logea celle nuyct. Des dons, des conforts que ma dame luy fist, et aussi des beaulx parlers, je m'en passe, pour abréger. Et quant il veit les deux logis sy bien appareillés , fut très joyeulx. Lors la nouvelle fut à Guynes et à Callais, que Saintré estoit venu, et par toutes les frontières; dont le conte de Boucaingham,qui jà estoit à Callais pour commencer les armes, saichant la venue de Saintré, fut bien content. Lors luy envoya le roy d'armes de la Jaretière, commis à juge pour leur party, et avec luy quatre heraulx pour le veoir, et soy offrir à luy, et certifïier, de par leur roi, que tous les douze qui venoient faire armes à son pas, estoient seigneurs du sang, et aultres barons dénommés et ordonnés de par le roi, pour oster la voulenté de tant qui y vouldrent venir. Ausquels roy d'armes et heraulx, Saintré fist très grant chère, et après disner les mena

veoir leurs logis, en leur priant qu'ilz le prenissent en gré. Et quant le roy d'armes fut retourné, dist au conte tout le bien qu'il avoit trouvé, et la grant noblesse et grant estât qu'il avoit illecques amené, et puis du logis si bien tappissé et orné, fors que de linge et de lictz qui encores n'y estoient. Lors commencèrent tous à tant le louer, que à peine on ne poroit mieulx. Et ainsi furent jusques au troyziesme jour ensuyvant, qui fut le premier jour du moys et ouverture du pas.