CHAPITRE LV
Comment messire NicoUe de Maltestes chevalier, et Galias de Mantua escuyer, vindrent faire arme a la court.
LE quinziesme jour après ce que Saintré fut revenu, arrivèrent à Paris deux jeunes hommes nobles et vaillans des Italies, que nous disons Lombards ; l'ung chevalier et l'aultre escuyer, en très belle compaignie, qui venoient de faire armes devant l'empereur au seigneur de Wallambergue, qui portoit d'ermines à ung escusson de gueulles, et au seigneur d'Estaindenbourg, qui portoit à trois tourteaulx de gueulles. A cause de l'emprise que lesdictz Lombars portoient, l'empereur voyant leur bataille si fiere et si bien combatue, à l'honneur des deux parties, commanda qu'ilz fussent prins. Et par ainsi leur partie, qui contenoit l'ung party ou l'aultre estre remis, demoura sur pies et en leur emprinse première.
L'acteur. — Et quant ilz furent arrivés à Paris et logiés à l'hostel de l'Ours, à la porte Baudoier, ung des heraulx du roy congneut
LE PETIT JEHAN DE SAtNTRE 2,7
l'ung des deux, et sceut qui ilz estoient, et pourquoy ilz venoient ; incontinent le vint dire au roy, présent la royne et ma dame. Lors ma dame fait quérir hastivement Saintré, et au herault deffendre que à nulz plus ne publie ceste nouvelle. Et quant Saintré fut à elle, elle luy dist hastivement le venue de ces Lombars, vernte en grant estât pour faire armes, luy demanda se son cueur estoit assez souffisant pour estre l'ung des deux à accomplir leurs armes. « Souffisant, dist il, helas ! Ma dame, et qu'avez vous plus veu en moy que mon cueur vous samble estre moins souffisant que les aultres fois ? — Or sus, dist elle, pour abréger, avant que nulz aultres expédient, me semble de bien tost requérir Bouciquault, vostre frère, et avant tous, s'il vouldroit estre le deuxiesme. » Et quant Saintré ouyt de ma dame ceste très plaisante nouvelle, sans faire semblant, très humblement l'en remercia ; puis à Bouciquault s'en va, et luy dist : « Frère, Dieu et nostre Dame avant, bonnes nouvelles vous apporte ; ilz sont à présent descenduz en l'hostel de l'Ours, à la porte Baudoier, les deuxgentilz hommes lombars, en très bel estât, portant emprinse d'armes, et sont venuz icy pour estre délivrés. Qu'en dictes vous? les délivrerons nous? — Délivrer, dist Bouciquault, frère, vous et voz bonnes nouvelles, soyez le
très bien venu ; mais tant comme je puis vous en requiers et prie, et pour estre les premiers, allons au roy hastivement requérir la grâce, » que le roy, à grant difficulté et prière, leur voulut consentir ; mais que premier ilz sceussent qui ilz estoient et quelle emprise ilz portoient. Alors ilz mandèrent le roy d'armes de Guyenne, saige et souffisant Hérault; -pour soy informer bien du tout. Lequel rapporta qu'ilz estoient ung chevalier nommé messire Nicolle de Maltestes, moult noble et puissant baron de la marche d'Enchonne ; et l'aultre estoit ung escuyer lombart, moult noble homme, nommé Galias de Mantua, qui tous deux portoient aux coudes de leurs bras senestres une grant garde de bracellet d'or et avironnés de fines perles ; lesquelz portoient par les cours des six roiaulmes chrestiens, car des Sarrazins fier ne s'y osoient, se premier ne trouvoient deux chevaliers ou escuyers de nom et d'armes, et sans reproche, comme ilz estoient, qui à pié les eussent combatuz de haches et d'espées de corps seulement, tant que l'ung partist ou l'aultre fust porté à terre, ou faict perdre leurs bastons.
De Galias de Mantua, je croy qu'il fut puis celluy, moult renommé chevalier, qui combatit à oultrance messire Jehan le Maingre, mareschal de France, devant le seigneur de Padua dernier, peu de tems avant que les Venissiens,
par durée de très long siège, l'eussent conquis, que puis en prison le firent mourir et estrangler ; dont fut très grant dommaige, et fut moult plaint par toutes les Ytalies, comme le père et l'ospital de tous les aultres desvoiés.
