CHAPITRE LVl

Comment Saintré et Bouciquault furent quérir les deux champions , pour venir parler au roy de France, et joiisterent contre eux.

L'acteur. — Doncques, pour revenir à mon propos, quant Saintré et Boussiquault sceurent la très joyeuse nouvelle, comme cueurs très amoureux et vaillans, au roy s'en vont hastivement luy dire au long la nouvelle, reconfortant leur très désiré congié. Laquelle nouvelle et venue des Lombars, et le consentement du roy, fut incontinent par toute la court espandue ; dont chascun de vouloir plus requérir cessa. Alors les deux frères, très bien accompaignés, par semblant de les veoir et festoyer, d'eulx mesmes sceurent franchement

leur emprinse, telle que dit est. Et quant l'heure fut venue, que le roy les voult veoir, Saintré et Boussiquault; à très belle compaignie, les allèrent quérir; ausquels le roy, la royne et tous les seigneurs firent très bonne chiere. Que vous dirois je ? Là devant, Saintré leva l'emprinse de messire NicoUe, et Bouciquault de Gallias, Et lors le roy donna le jour. ■ Et quant le jour fut venu, et que le roy, la royne, les seigneurs, ma dame, et que tous furent sur les hours, et eulx venuz en leurs pavillons, des honneurs et triumphes je me passe pour abréger ; le roy, qui, es aultres batailles, l'avait sommé et requis de le faire chevalier, encores à ceste le requist ; mais à toutes s'excusa, disant que jamais ne le seroit, se ce n'estoit soubz la baniere des Sarrazins, ou encontre eulx. Et quant ilz furent en leurs pavillons, et qu'ilz eurent fais leurs sermens, et puis leurs pavillons boutés hors, et que le mareschal eut fait son esdit, tous quatre, qui assis estoient sur les escabelles viz à viz, alors se despartirent comme lyons deschaynés, et lors fut la bataille dure et fiere, qui dura moult longuement sans sçavoir qui eust du meilleur. Dont en combatant, Saintré encontre messire NicoUs, par meschief à Saintré sa hache luy voila à terre, et n'est point à doubter se ma dame et tout le party furent espouvantez. Lors,

comme escuyer pourveu d'advis et de hardement, sans perdre ung pié de terre, incontinent tira son espée, de laquelle à deux mains se va couvrant, et à chascune haulcée de la hache que messire NicoUe faisoit, Saintré s'approchoit; tant qu'il le desmarcha de son espée, et qu'il le gecta bien loing; mais à la parfin messire Nicolle, à cause du grant advantaige qu'il avoit de sa hache, s'avança, et vint enferrer d'un coup d'estoc la pointe de sa hache en ung des pertuys de la visière à Saintré, si que ung peu l'esbranla . Lors , voiant que sa pointe tenoit fort, par ardent désir de le desmarchier, habandonna cueur et corps, et avecques la force de ses bras boute Saintré qui ferme et sur sa garde se tenoit, tellement que, au démarcher, à costé du pié droit, qu'il fist, avecques le bouter de son espée tenue courte à ses deux mains, contre sa hache, le coup et desmarcher fut tout ung. Lors par la grant force de bouter, messire Nicolle tomba des deux mains à terre. Alors tout à coup Saintré haulsa son pié pour le ferir au costé et le faire renverser à terre ; mais, pour son honneur garder, s'en tint. Lors s'en va à l'ayde de son frère, qui jà avoit gaigné sur Gallias plus d'une grant lance de terre ; et endementiers que Saintré alloit, messire Nicolle fut levé, qui encores tenoit sa hache en l'une de

ses mains, et part pour courre sus à Saintré ; mais le roy, qui là estoit, en son desmarcher le fist prendre. Alors Gallias, qui à tous deux se combatoit, estant porté par terre, très voulentiers se rendit. Et lors par ainsy leur emprinse d'armes , très vaillament des deux costez, fut mise à fin. Des honneurs, des dons et des bonnes chieres qui leur furent faictes, autant ou plus qu'à nulz autres, pour abréger, je me passe d'en parler ; fors que tant par tout ilz s'en louèrent, eulx merveillans de tant d'honneurs, de tant de noblesses, de richesses, et de gens de bien qui tant estoient en celle court, que escripre ne dire ne se poroit. Et ainsi prindrent congié du roy, de la royne, et de tous les aultres seigneurs et aussi des dames, et s'en partirent, de Saintré, de Bouciquault et de plusieurs aultres très bien accompaignés. Et cy laisseray à parler d'aulx et d'aultres choses qui à la court survindrent, pour deviser d'aultres matières.