CHAPITRE LVII
Cttnment Saintré jousta contre le baron de Tresto, et f tirent jugiez estre pareilz.
L'acteur. — La nouvelle de ceste bataille fut en brief temps par tout sceue, et especialement à la court du roy d'Angleterre, par laquelle fut renouvellée la condicion du pas de Saintré ; et tellement que le baron de Tresto^ ayant ouy dire que la lectre contenoit qu'après le pas tenu, s'il estoit chevalier ou escuyer de nom et d'armes, sans reproche, qui le vaulsist requérir de faire aucunes armes, à cheval ou à pié, que devant le roy de France, son souverain seigneur, ou son commis, en gardant Dieu son corps de péril et loyal exoine, il accompliroit sa requeste. Lors il s'appensa que vrayement il le requerroit de quatre poinctes à combatre, corps à corps, jusques à oultrance, ou les quatre bastons perdus. Et ainsi fust donc, pour abréger, la bataille devant le roy, la royne, les seigneurs et ma dame, très forte et fiere ; et tellement qu'en combatant, Saintré perdit sa hache,
qui luy revint à ung grant bien ; mais il print sagrant espée d'armes qui, à son costé dextre, pendoit à ung crochet, et de celle se combatoit et se couvroit très vaillamment. Et, en combatant l'ung contre l'aultre, fortune voult que le baron de Tresto rencontrast la hache de Saintré gisant à terre, tellement que la poincte luy entra bien avant au pié; et lors, en reculant, pensant faire tomber la hache, Saintré le poursujrvoit très fièrement ; quant le roy, pour garder l'honneur de l'ung et de l'aultre, gecta sa fleiche, et furent prins, et per à per fist yssir hors des lices à cheval. Puis audict baron fist de grans dons et très bonnes chieres. Lors print congié, et s'en retourna en Angleterre. Et à tant laisseray cy à parler de toutes ces armes et des aultres que puis il fist, car très longue chose seroit à dire, et parleray du surplus.
L'acteur. — Estant Saintré en la grâce du roy, de la royne, des seigneurs, de ma dame et de tous les aultres, pour abréger, le plus aymé et honnouré escuyer de France, à cause de sa grant doulceur et humilité, et aussi de sa largesse, qui ayde bien ; car oncques pour gloire d'armes, d'amour de roy ne d'aultres, ne d'honneur qu'il eust, ung seul semblant d'orgueil ne fut oncques en luy. Et en ce temps ne tarda guieres que la nouvelle du trespas de son père
luy vint. Dont, par ainsy, il fut seigneur de Saintré.
