CHAPITRE LXII

Comment les nouvelles courwent par tout, spécialement en France, que le petit Saintré avait f aie t merveilles ; specialletnent entre les autres choses, avoit tué le grand Turcq et abatti sa bannière : dont le roy fut grandement joyeulx, et en remercya Dieu et les saincts en grant sollempnité .

L'ACTEUR. — De laquelle très saincte victoire les nouvelles allèrent partout, ainsi que fist de Perseus pour Pegasus, le cheval volant ; de laquelle chascun escript en ses marches, et comment avoit esté, dont entre les

vaillances que chascun avoit faictes, celles d'ung jeune et nouvel chevalier de France, que on nommoit le seigneur de Saintré, furent par tout portées et dictes ; et comment à l'assembler des premières batailles, du coup de sa lance il porta le grant Turcq mort à terre, et puis par sa très grant proesse et valleur, tant fist d'armes qu'il vint à la bannière d'icelluy Turcq, qu'il porta à terre, et tant d'aultres armes merveilleuses, que l'escripture seroit longue chose.

Macteur.— Et quant celle très saincte nouvelle fut ainsi par tout publiée, lors tous vrays chrestiens, de quelque part qu'ilz fussent, incontinent coururent aux églises, à grans sons de campanes, nostre Seigneur remercyer ; dont entre les aultres princes chrestiens, le roy de France incontinent monta à cheval, et s'en alla en la grant église remercyer Dieu et nostre Dame, et puis sainct Denys. Mais ne tarda gueres que le roy d'armes d'Anjou, qui à la bataille avoit esté, vint au roy, et de bouche luy dist la chose ainsi qu'elle avoit esté faicte, et les vaillances des nobles de son royaulme, vifz et morz, que on ne pourroit compter, et en especial celles du seigtieur de Saintré, ainsi que toutes les lectres le contenoient. Et quant le roy eut entendu la vérité de ceste chose, lors dist : « Ha! beau sire Dieu, soyes tu loué! Veuilles avoir mercy de ceulx qui en ton ser-

vice sont trespassés ! » Et pour j-celle bonne, nouvelle audict roy d'armes donna sa robe et trois cens escuz. Alors fut la joie, par la court et par la ville, telle que on doit et peut bien penser ; fors que des dames et damo3selles et de ceulx qui avoient perdu leurs amys. Et à tant laisseray cy à parler d'eulx et de ces choses, et reviendray audict seigneur de Saintré. /