CHAPITRE LXIIl

Comment Saintré et toute la noble compaignie des ckrestiens françois, après la desconfiture des infidelles, retournèrent a Paris, où. Hz furent joyeusement receuz du roy, de la roy ne et de tout le peuple.

QUANT le seigneur de Saintré et celle noble et chevalereuse compaignie furent venuz à Sainct Denys, et faites en l'église leurs devocions pour entrer à Paris, furent au devant d'eulx les trois seigneurs ducs dessusdicts et tant d'aultres, qu'à

3l6 LE PETIT JEHAN DE SAINTRÉ

peine en demoura ung seul ; et en celle mesme ordonnance revindrent, comme partis en estoient, descendre en la grant court de Sainct Pol, fors que des bannières des morz et du seigneur du Chastel Fromont et aultres qui estoient demourez navrez ; et en son lieu porta le seigneur de Maulevrier la bannière du roy, par élection de tous. Lors furent faictes à eulx très grans honneurs et bonnes chieres, aussi des aultres à eulx. Et quant ilz furent devers le roy et la royne, ma dame et leurs compaignies qui en la grant salle estoient, et eurent au roy à l'entrée faictes leurs révérences premières, le roy, qui assis estoit, pour les honnorer et pour la grant joye qu'il avoit, se dressa sur pies, et fist ung ou deux pas au devant, puis à celle très grant joye toucha les mains à tous ; et endementiers que tous le touchoient, le seigneur de Saintré et les aultres allèrent faire la révérence à la royne, à ma dame et à toutes les dames qui là estoient, et de leur venue très grant joye faisoient, fors aucunes à qui leurs parens, amys estoient demourez. Et quant tous eurent faict leurs révérences, et les dames et damoyselles baisées et accoUées, le roy reffut en sa chaire assis, qui leur dist : « Mes amys, nostre Seigneur soit loué et sa très benoiste mère, quant à tel honneur et joye estes retournez, et vueille Dieu pardonner aux

ames de ceulx qui y sont demeurez, ainsi que, selon nostre saincte foy, le devons croire, et qu'ilz sont sauvez ; mais affin que nostre Seigneur vueille délivrer leurs ames des paines de purgatoire et les mectre en repoz et en son très glorieux royaulme de paradis, nous voulons et ordonnons que aux vespres nous soyons tous à Nostre Dame, et ferons dire les vespres et vigilles des morz, et demain les recommandacions et solempnelles messes que l'evesque dira ; et par toutes les aultres Eglises seront dictes messes de Requiem, par tant qu'il y viendra des prebstres ; si vous prie que tous y soyons, lequel service voulons et ordonnons estre ainsi par trente jours continué ; et, en outre ce, ordonnons une messe perpétuelle, à tous les jours, au service de Dieu. » Et ainsi fut. Et à tant laisseray cy à parler de ces choses, et diray comment ma dame, très désirant de parler audict seigneur de Saintré, luy fist son signal, et comment par le sien il luy respondit.

L'acteur. — Après ce que toutes ces choses furent ainsi faictes, ce soir que le roy et la royne, messeigneurs, les dames et damoiselles et ung chascun, au mieulx que pouvoient, festoyoient les seigneurs nouvellement revenuz, et especiallement le seigneur de Saintré, ma dame qui pas si grant semblant que les aultres n'en

3l8 LE PETIT JEHAN DE SAINTRÉ

faisoit, toutesfois pour la grant joye de son cueur tenir ne se peut que devers luy devant tous ne s'approuchast, et luy dist : « Sire Saintré, au moins quant les aultres dames vous auront bien festoyé, que nous vous voyons à nostre tour ; nous avons veu le temps qu'on vous tenoit ung gracieulx escuj^er, estes vous, à cause de voz vaillances et que l'on vous dit monseigneur et de nouvel chevalier, point changié. » Et en disant ces parolles, elle print son espingle et en fist son signal, auquel incontinent le seigneur de Saintré respondit, et en soubzriant luy dist : « Ma dame, quoyque soit en moy, ne quel que je soye depuis que ne me veistes, je suis tout tel et celuy que j'estoye par avant. » Puis illec, présent tous, entrèrent en aultres parolles jusques à l'heure du soupper ; dont furent aucuns qui, après que les tables furent ostées, parlèrent de dancer, laquelle chose ouye, le roy et la royne dirent que, pour l'amour des trespassés dont l'on ne devoit mye estre joyeulx, jà n'y seroit chanté, ne dances faictes ; mais, pour le matin estre tous à l'Eglise, demandèrent les espices et le vin de congié.