CHAPITRE LXIV
Comment Sainiré reqnist au roy que pour sa bien vernie coiichast avecques la royne, ce qu'il luy promit ; et comment la royne enfist grande risée, luy demandant pourquoy il avoit faict celle requeste. Puis enfin comment, sus la minuyt, il alla parler a la dame en secret, qui luy fit la plus grant chiere du monde, non pas sans plusieurs baisers et accollemens .
L'ACTEUR ENCORES. — Et quant le roj' fut en sa chambre , le seigneur de Saintré en riant luy dist : « Sire, pour nostre bien venue, je vous prie que ce soir avecques la ro5'ne dormiez. » Le roy, qui très gracieulx prince estoit, et qui tant l'aymoit, en riant luy dist : « Tousjours fustes et serez gracieulx, et du party aux dames ; et, pour l'amour de vous, je le vueil. » Alors tout en riant vint à la royne, et luy dist : « Au moins, ma dame, donnez moy ung grant mercy. » Et quant la royne le vit ainsi rire, luy dist : « Et de quoy, Saintré, vous donneray je ung grand mercy? — Ma dame, donnez le moy et puis je le dira}'. — Non feray, dist elle, car vous vous
farceriez de moy. — Ma dame, c'est chose où le roy, vous et moy prendrons plaisir ; ne vous fiez vous pas en moy ? — Si fais, dist elle, et puis qu'ainsi est, je vous dis grant merc}'. » Alors le seigneur de Saintré luy dist : « Ma dame, faictes bonne chère, car j'ay espouoir que ceste nu)'t, s'il n'est faict, vous ferez ung très beau filz ; car, pour notre bien venue, le roy m'a accordé de dormir avec vous. — Hé! dist la royne, que vous estiez bon ! il n'a que yer entre deux que je dormys avecques luy. Mais je vous prie que me dictes la chose qui ores vous a esmeu de faire ceste requeste à monseigneur ? — Ma dame, dist il, je le vous diray ; vous sçavez que quant aucun seigneur ou dame viennent là où les enfans sont à l'escolle, par coustume à leur requeste les escolliers sont délivrez et allent jouer. — Ha ! dist elle, Saintré, Saintré, ce n'est mye la droicte porte par où vous cuydez entrer ; je vous adjure, sur armes et sur amours, que me dictes vérité. » Lors le prent par la manche et dit : « Tant que je le sçaiche, vous ne me eschapperez. » Alors le seigneur de Saintré appella ma dame, et luy dist : « Ma dame, vueillez moy ayder, car veez cy la royne qui me veult efforcer ; » et luy compta la requeste faicte au roy, et ce qu'il avoit dit à la royne, tout au long. Lors dist ma dame à la royne : « Hé! ma dame.
laissez le aller, car il vous a dit la vérité. — Non a, dit elle ; aultre chose y a soubz le mortier ; car monseigneur me dist yer qu'il desiroit moult sa bien venue, pour bien avecques luy deviser, et il a trouvée ceste façon pour aultre part aller. » Ma dame, qui se doubtoit, ainsi que chose vraye faict adoubter, que leurs riz et signeaulx ne la feissent souppeçonner, pour bien couvrir leur emprise, dist ainsi au seigneur de Saintré : « Hél sire, sire, se ma dame me croit, avant que luy eschappez, vous luy direz la vérité. » Alors il leur dist : « Et par voz foiz, mes dames, se je le vous dis, me laisserez vous aller ? — Ouy vrayment, dist la royne. — Et vous, ma dame, avec la royne le me promectez. » Lors il dist : « Ma dame, il y a ung moys ou six sepmaines, que ne cessasmes de chevaulcher, et pource que le roy me vouldroit arraisonner, et je me vouldroye dormir et reposer ; pource, ma dame, suis je ainsi eschappé. — Ha ! dist la royne, à ceste fois, je vous croy. » Lors dist ma dame, en renouvellant son signal : « Vrayement, ma dame, c'est bien faict, vous le povez bien laisser aler. »
L'acteur. — Et quant la très désirée heure fut venue, que bien à loysir ma dame et son amy peurent parler ensemble, que vous dirois je? Là furent les baisiers donnés et baisiers
rendus, tant qu'ilz ne s'en povoient saouller, et demandes et responses telles qu'amours voulloient et commandoient. Et en celle très plaisant joye furent jusques à ce que force leur fut de partir ; en laquelle retourner ne povoient, se la royne ne dormist avecques le roy, où ilz s'employèrent toutes fois que au roy plaisoit. Que vous dirois je plus? I!z furent ainsi par quinze mois. Et à tant laisseray cy à parler de leurs amours qui furent si loyalles et secrettes que oncques plus loyalles, ne mieulx conduytes, en ce monde ne furent.
