CHAPITRE LXV
Comment le petit Saintré délibéra de porter une visière de bassinet d'or par l'espace de trois ans : et comment le roy luy concéda, nonobstant que ce fut contre sa volonté.
L'ACTEUR. — Advint que au quinziesme mois qu'il fut retourné de Prusse, par maintes fois se mist en ung nouvel pensement, et en soy mesmes disoit : « Helas !
povre de sens, povre d'avis et de tous biens, que tu es ! oncques par toy aucun fait d'armes ne fut empris que ta très noble et ,doulce déesse ne t'y ayt mys ; ores vra3rement je me concluz et délibère que, pour l'amour d'elle, je vueil faire aucun bien. » Lors s'appensa de trouver cinq chevaliers des plus puissants, dont il en seroit l'ung, et cinq des escuyers les plus suffisans et des meilleurs en armes qu'il pourroit trouver en France ; lesquelx il requerroit estre tous ensemble compaignons et frères, à porter, par l'espace de trois ans, une visière de bassinet d'or pour les chevaliers, et d'argent pour les escuyers, ausquelles y auroit ung riche dyamant à l'entrer d'une des deux lumières des yeulx. Si vrayement que s'ilz ne trouvoient semblable nombre de chevaliers et' d'escuyers qui les combattissent jusques à oultrance, pour estre quictez chafecun desditz dyamans, et les aultres de semblable, et que nulle personne ne le sauroit jusques au dernier jour d'avril, qu'il feroit sa requeste aux chevaliers et escuyers qu'il esliroit. Et quant il fut du tout délibéré à ce, il envoya à Florance ung patron de toille paint, en forme d'un saptin figuré tout blanc, où seroient visières d'or et brochées très richement, qui seroient pour leurs rohbes et paremens des chevaulx. et semblablement seroient parés de fin damas.
tout blanc, broché à semblables visières d'argent, pour les robbes et paremens des chevaulx des escuyers ; et d'autre part fait quérir chevaulx tous blancs, les plus beaulx et les plus fringans qu'on pourroit finer, qu'ilz fussent menez et tenuz en certain lieu secret. Et encores fist faire dix les plus beaulx et nouveaulx chapptaulx de broderies semblables, en façon de plumes d'ostrusse, chargé d'orfaveries d'or pour les chevaliers, et d'argent pour les escuyers. Et quant les draps de soye furent apportez de Florance, et lesdits chevaulx trouvez, lors fist tailler lesdictes robes sur personnes semblables de corps de ceulx qu'il vouloit requérir, et aussi des draps mesmes fist faire dix très beaulx paremens, à grans franges blanches de soye, coupponnées de fil d'or et d'argent, qui tous furent faitz secrettement. Et quant lendemain jour d'apvril fut venu, il semont à soupper le seigneur de Presigny, le seigneur de Bueil, le seigneur de Mailly, messire Flues de Craon, et luy cinquiesme des chevaliers, le seigneur de Genly, le seigneur de Moy, le seigneur d'Herby, le seigneur des Barres et le seigneur de Clermont, escuyers, ausquelz il fist très bonne chiere en son logis. Et quant les nappes furent levées, sans oster la table, tous rendirent grâces à Dieu ; il appella le varlet qui gardoit sa
chambre, et se fist bailler un petit coffret ; lors fist vuyder chascun de la salle pour aller soupper, et alors en riant dist : « Messeigneurs et mes frères, se je estoye présomptueux des choses que vous vueil dire, chascun me pardonne, car, sur ma foy, je vueil estre de tous qui cy sommes le maindre, et ce que j'ay en pensée et que vous vueil dire n'est que pour accroistre noz honneurs, ainsi que tous nobles cueurs doyvent désirer de faire ; et pour ce que sur tous ceulx du royaulme, je vous ay choisis pour estre tous ensemble frères et compaignons, pour faire quelque bien en armes, pour l'amour de noz dames et honneurs; or ça, messeigneurs et mes frères, qu'en dictes vous? » Alors chascun de joye regarde l'ung l'aullre pour respondre et luy faire honneur, en disant : « Respondez. — Mais vous ? » Alors le seigneur de Genly qui premier parla, dist : « Monseigneur de Saintré , die chascun sa voulenté, mais à si très noble compaignie, et aussi requeste, me semble qu'il ne fault point grant delay ; quant à moy, je suis celuy qui de ma part, à l'ayde de Dieu et de nostre Dame, le vous accorde, remerciant quant vous m'avez en tel nombre et compaignie prins et esleu. » Et en ensuivant ung chascun d'eulx très liberallement se offrirent. Mais tant estoient les vaillances, comme avez oy, les largesses, doul-
ceurs et courtoisies, qui passoieiit les bornes et mectez de tous, dont n'y avoit celluy qui n'eust mis son corps pour luy, et tant plus que leroy l'amoit par dessus tous, dont chascun avoit joye de lui faire plaisir. Alors tous les remerc}'^ en la meilleure façon qu'il peut, et ouvrit son coffret, et à chascun donna sa visière, toutes pareilles de façon et de diamans, puis leur dist : « Or, messeigneurs et mes frères, ou nom de Dieu le Père, le Filz et le sainct Esperit, aussi de la benoiste vierge Marie sa fille et mère, je les vous baille, et vous les prenez par telle condicion que chascun de nous les portera sur son espaule senestre, et par l'espace de trois ans, se dedans ledit terme nous ne trouvons semblable nombre de chevaliers et d'escuyers de nom et d'armes, sans reprouche, qui de lances de giet, de haiches d'armes, d'espées de corps et de dagues, nous aj^ent combattuz, et nous eulx, jusques à prendre chascune partie ses quatre poinctes, ou estre portés par terre ; et la partie à qui Dieu donnera du pire, chascun de nous sera quicte pour donner son dyamant en sa visière, et ilz seront quictes pour donner ung semblable dyamant, que sont les nostres. Et du poursuyr noz délivrances d'envoyer à la court du roy des Romains, puis en Angleterre, et là où mieulx nous semblera, actendez vous en à moy ; aussi je m'employe-
ray devers le roy, qui nous aydera à supporter nostre despence. » Alors chascun de bien en mieulx l'en remercya. « Et pour mieuix nous acquiter, et faire noz devoirs, je loue que chascun voyse à sa dame, et pour la première fois supplier que la visière luy vueille sans plus à la main asseoir sur l'espaulle senestre, sans la lier autrement jusques au matin que, tous ensemble, les porteront ; mais pour faire nostre chose plus nouvelle, je vous prie que soyez cy à quatre heures au plus matin, si 3Tons esveiller le roy et la royne, qui coucheront ensemble, et, s'il leur plaist, nous les merrons au may. » Si furent tous si très contens que plus ne pouvoient. Lors fut le seigneur de M03-, qui dist : « Helas ! et comment fera celluy qui n'a point l'octroy de dame ? » Alors le seigneur de Saintré luy dist : « Ha ! mon frère de INIoy, tant aura il plus de cause de franchement requérir sa grâce et merc)' ; car se elle n'est pas la plus fiere des aultres, pour ung tel bien jamais elle ne le refusera. » Et alors les ungs des aultres prindrent congié, et allèrent chascun ou dit estoit. Et à tant laisseray cy à parler de ces seigneurs et de leurs dames, et dira}- comment il en print au seigneur de Saintré envers sa dame.
