CHAPITRE LXVI
Comment Saintrê fut an premi parler a la dame , et luy compta son entreprise ^ dont elle fut moult dolente et tnarrie ; toutes fois tant la supplya le petit Saintrê que a sa requeste ladicte dame luy attacha son entreprise sur l'espaule.
LE soir qui fut la veille du premier jour de ma}', après ce que le roy eut prins les espices et le vin de congié, le seigneur de Saintrê s'approcha de la royne, puis appela ma dame, et en riant à la ro)'ne dist : « Que me donrez vous, ma dame, se cestenuyt je fais que vous dormez avecques le roy? — Hé ! sire, dist la royne en riant, de ce je ne vous sçauray jà nul gré. » Et en riant de ces parolles il fait à ma dame son signal ; ma dame, qui bien congneut son parler que ce fut pour l'adviser du coucher du roy avec la royne, ne fut mye sourde, ne muette ; car incontinent par son signal lu}' respondit. Et quant le roy fut en son lict, et le seigneur de Saintrê, ainsi que de coustume estoit aux princes et princes-
ses, seigneurs et dames d'estat, que les chambellans aux seigneurs et les dames aux grans dames leur donnoient de l'eau benoiste, quant ilz estoient en leurs lits ; ce que à plusieurs aujourd'huy est honte et chose mal faicte tant sont asseurez de l'ennemy ; et quant il eut donné de l'eau benoiste, et closes les couvertures, et donné la bonne nuyt, il s'en alla en sa chambre, où il demeura tant que la très désirée heure vint que ma dame et luy furent ensemble. Lors de baisier et de rebaisier, de jouer et deviser aux jeux et devises que le dieu d'amours leur avoit commandez ; et quant ilz eurent grant pièce devisé, le seigneur de Saintré lors à genoulx se mist, puis à ma dame dist : « A 1 ma très haulte déesse sans per, tant et si très humblement, comme je sçay et puis, grâce, pardon, mercy et miséricorde vous requiers. — Et de quoy, dist ma dame, mon amy? — Ma dame, dist il, du temps qu'il a que je suis vostre très humble serf et loyal serviteur, oncques en mo}' n'eut tant de bien que pour l'amour de vous j'eusse nulz faitz d'armes emprins ; mais tous ceulx que j'ay faitz, et où je me suis trouvé, ont esté par voz commandemens, par voz conseils et advis ; et pour ce que je me congnois si grandement avoir mespris et failly, et que.trop mieulx vault faire bien uirt que jamais, pour ce, ma dame, très
humblement vous suppl3'e et requiers que ceste emprise que pour l'amour de vous, moy dixiesme ay mise avant et emprise de porter, vous plaise pour la première fois de vostre main l'asseoir sur mon espaule senestre, ainsi que tous mes compaignons ont fait au bon gré de leurs dames, lesquels sont telz, et telz, et telz; » et lors les nomma tous. Et, en ce disant, tira son emprise de sa manche, enveloppée d'ung délié coeuvrechief, et, en luy présentant, la cuyda baisier. Ma dame, quant eust oy ces parolles, très grandement se coursa, et ne le voult approcher, puis luy dist : « Avez vous levée emprise et départie, ça et là, sans mon sceu et congié? Jamais, tant que je vive, de bon cueur ne vous aymera}'. » Qui fut esbahy de ces parolles ? certes ce fut il ; car il ne sçavoit pas se c'estoit par joieuseté, ou par yre. Lors se print à la regarder, et quant il veit qu'elle tenoit son yre, alors luy dist :« Helas! ma dame, veez cy povre nouvelle, quant pour bien faire je doy estre pugny, moy qui vous ay tant et si loyaulment servie, et ay mis mon cueur, corps et vie, pour vous obe3'r ; et ores que je cuydoye en vostre service faire mon honneur, fault que je perde celle à qui je suis tant atenu; ha! ma très redoublée dame sans per, ayez de vostre povre serviteur merc\-, et ceste fois plaise vous moy pardonner ; car se
jamais j'y retombe, que je soye bien pugny. » Alors ma dame luy dist : « Allez bien tost rompre votre emprise à voz compaignons. — Helas I ma dame, et comment? car elle, est jà si avant que, se c'estoit ma mort ou ma vie, je ne puis penser qu'il me fust possible de la rompre. Vous estes celle que sur toutes je doy obéir le plus ; et pour ce, ma dame, à genoulx et à mains joinctes, très humblement vous supplye que liement et de bon cueur me pardonnez, et que mon emprise mectez icy ; et du surplus ne vous soucyez, car j'ay espoir en Dieu et en nostre Dame, qu'ilz nous en feront contens. » Et à ces parolles ma dame tout morvement la print, et sur l'espaule senestre l'assist ; et puis moytié ouy, moytié non, souffrit qu'il la baisast. Puis pour l'heure tarde, d'elle print congié très humblement, et s'en partit. Et à tant laisseray cy à parler de ma dame, et diray de la venue des neuf compaignons au seigneur de Saintré, et de leur très belle assemblée en son logeiz.
