CHAPITRE LXVII
Comment les neuf compaignons vindrent le matin devers le roy.
L'acteur. — Lendemain, qui fut le premier jour de may, et que les neuf compaignons, bien matin, au logeis de Saintré furent, pour abréger, après que leur messe fut leans oye, le seigneur de Saintré en sa chambre les fist tous venir. Lors à chascun donna sa robbe de drap de soye, avecques les visières d'or et d'argent brochées, ainsi qu'avez oy ; puis fist venir les dix chappeaulx, si beaulx et si apparens comme ilz estoient, et puis à chascun son cercle d'or et d'argent, pour saindre sur leurs robbes, dont tous furent esmerveillez. Alors demanda les visières ; puis, de sa main, à chascun pour ceste fois, sur leurs espaules senestres les attacha, et en riant leur demanda comment chascun estoit content de sa dame, Helasl mais il ne dit mye de la sienne, ne de la saincte douleur que son triste cueur portoit. Et quant ilz furent pour 3-ssir tous hors de l'hostel, là furent les dix fringans
et tous blancs coursiers qu'il avoit secrètement fait achapter, tous enharnachez richement, et de mesmes draps dont leurs robbes estoient, qui, au bout des pendans, ou meillieu,et par les carrefours, estoient semez de visières d'argent dorées pour les chevaliers, et blanches pour les escuyers. Et lors fut garny de trois dez, et dist : « A la fortune de chascun ! celuy qui plus aura de pointz à la veue de l'œil choisira. » Lors chascun, qui mieulx peut et sceut, l'en remercya, disant l'ung à l'aultre : « Ne fut oncques tel ! » Et au monster chascun fut pourveu de nouveaulx et semblables espérons, qui dorez estoient pour les chevaliers, et argentez pour les escuyers, dont les courrois estoient de tissus de soye, comme l'on souloit au bon temps porter. Lors à r3'ssir de l'ostel, veissiez chevaulx saillir, bondir en l'air, crier, huer, où chascun acouroit ; pour tant que oncques chose plus joyeuse à veoir ne fut. Et ainsi s'en allèrent en la grant court de l'hostel Sainct Pol ; lors chascun sa joye conforta, car bien sçavoient que le roy estoit esveillé. Et quant le roy ouyt le bruj't des gens, fist lever les dara03-selles qui en la chambre gisoient, pour sçavoir que c'estoit. Lors allèrent aux fenestres treilliées, et incontinent au ro}' dirent : « Ha! sire, sire, venez veoir la grant merveille, que oncques si belle chose ne veismes. » La
534 Lb PtriT JEHAN DE SAINTRÉ
royne, qui pas ne dormoit, désirant veoir que c'estoit, dist au roy : « Eh I monseigneur, allons veoir que c'est. » Alors reviendrent les damoyselles, de joye si très prinses, que à peine sçavoient elles parler; lors le roy et la royne se firent abiller ; puis le roy, atout son abillement de nuyt sur sa teste, vint à la grant fenestre, et la royne aux treilliz. Et quant les dix compaignons, qui fringoient et chantoient, apperceurent le roy, lors tous vers lu y accoururent, et puis quant ilz apperceurent la royne, à haulte voix s'escrierent : « Sire, sire, et vous, ma dame, le très bon jour et le très bon may vous soit huy donné ! » Et le roy leur dist ; « Bon jour, bon jour, compaignons ! » Alors le roy et la royne se retrahirent pour eulx abiller, et les dix compaignons descendirent et vindrent en la chambre du roy, qu'ilz trouvèrent accompaigné de ses varlets de chambre qui l'abilloient. Alors, tous à genoulx, le seigneur de Saintré commença à parler, et dist : « Nostre souverain prince, messeigneurs mes frères, qui cy sont^ et moy en leur compaignie, avons tous aujourd'huy voué que, à vostre bon congié et licence, nous porterons ceste emprise d'armes sur noz espauUes senestres, que cy veez, par l'espace de trois ans, et le surplus ainsi qu'en ceste lectre de noz armes pourrez plus à plain veoir ; vous très humblement supplyant
que vostre bon plaisir soit la nous laisser poursuyr. » Et quant le roy entend ceste nouvelle, et vit sur leurs espauUes leurs emprises, ne fut mye bien content, pourquoi il leur dist : « iVles amis, vous faictes comme celuy qui espouse sa cousine, puis en demande dispensacion ; c'est à vous chose mal faicte d'entreprendre, et puis d'exécuter, sans licence de son seigneur, ou de celuy qui a son povoir et sa charge ; et qui vouldroit regarder à la rigueur, quelque bien qu'il en voulsist, il en devroit très griefvement estre pugny qui le fait aultrement. » En disant icelles parolles, print leur lectre d'emprise, puis leur dist : « Je verray qu'il y a ; et quant à vous, Saintré, vostre cueur et vous ne cesserez jamais d'enprendre armes et voyages, il me semble que c'est assez. — Ah ! sire, dist Saintré, ce n'est mye mon cueur, ne moy, maiz c'est honneur qui à ce tous nous esmeut, et en laquelle vous partez. » Et à tant le roy fut prest, et s'en alla à la messe. A ces parolles, arrivèrent messeigneurs les frères du roy, qui virent les dix compaignons ainsi abillez et leurs nouvelles emprises, ausquelz firent leurs révérences, puis leur recommandèrent leur faict ; maiz ilz dirent : « Quant au faict de voz emprises, monseigneur a très bon droit, et vous avez mespris, jaçoit ce que avez retenu son congié.
plaisir et ordonnance ; car se aultrement estoit, ce seroit très simplement besongné ; nous serons avecques luy et l'en prierons. » Après le roy et les seigneurs, ne tarda guieres que la royne vint, qui a très grant joye les receupt ; après venoit ma dame qui guieres de chiere ne leur fist. Lors furent tous au service de la grant messe ; là veissiez dames et damoyselles, chevaliers et escuj'ers regarder à merveilles ces compaignons. Et quant le ro}' fut en sa chambre, appella mes trois seigneurs ses frères, et leur monstra les lectres d'armes, et puis leur demanda conseil. Et pour abréger, la conclusion fut telle que pour ceste fois le roy leur en donna congié ; et que, sur peine de son indignacion et d'en estre pugnis, eulx, ne aultre de son royaulme, ne portassent emprises avant son bon plaisir. Alors tous vindrent très humblement le remercier. Quant les festes furent passées, ilz ne cessèrent d'eulx mectre en point, et pour tous les jours de la sepmaine firent robbes pareilles pour leurs corps et tous leurs gens d'une livrée, et les harnois de leurs chevaulx, qui estoit moult belle chose à veoir. Que vous dirois je ? tout le royaulme en bru3'oit ; et endementiers qu'ilz s'habilloient, Saintré et ses compaignons ordonnèrent une très belle lectre d'armes, adressans à la court de l'empereur, comme la principalle des aultres, et incon-
tinent par le roy d'armes de Normandie les firent porter. Et icy laisseray à parler ung peu de ces choses pour revenir au surplus de la matière.
