CHAPITRE LXFIII

Commetit le roi parle a Saintrê, et des dons qu'il luy fist et à sa compaignie.

L'acteur. — Endementiers qu'ilz s'abilloient, tout ainsi qu'avez ouy, le roy, qui aymoit tant Saintré, luy dist : « Saintré, qui vous a esmeu de ceste emprise faire sans mon congié? où sont les scellez des promesses de fortune qui tant a esté pour vous, qu'elle ne vous puisse revocquer ? et d'autre part, la yre de nostre Seigneur, ne la craignez vous pas, qui nous deffend telles vaines choses ; et s'il vous en a par tant de fois enrichy, de tant luy en estes vous plus tenu, et vous vous devez garder de plus le offendre, se vous estes bon chrestien ; ores que ceste chose est si publiée que ne se peult retourner, pour ceste fois je

m'en contente, et vous deffends que n'y retournez plus. — Ah ! sire, dist il, me soit pardonné, s'il vous plaist. — Ores, dist le roy, je le vous pardonne de très bon cueur ; où entendez vous faire voz armes? — Sire, nous entendons les signifier à la court de l'empereur, et se là ne trouvons qui nous vueille délivrer, nous les signifierons à la court du roy d'Engleterre, espérant que en l'ung de ces deux ne faillerons mye. — Or bien, dist le roy, quelz habillemens ? quel nombre de gens ? ferez vous tous une bourse, ou comihent ? » Et quant le roy eut sceu la responce de tout, il luy dist : « Je vous donray quatre mille escuz, et à chascun de voz compaignons mille et cinq cens. » Et la royne luy en donna mille et cinq cens, une pièce de veloux cramoysy, taint en pourpre, et cent mars de vaisselle d'argent ; et à chascun des aultres, six cens escuz; aux chevaliers à chascun, une pièce de veloux gris ; et aux escuyers, une pièce de damas aussi gris. Messeigneurs les ducz, chascun mille et cinq cens escuz et quarante mars de vaisselle, et aux aultres six cens escuz. Et ne tarda guieres que leur parlement fut ; et quant le jour fut venu, ilz vindrent tous ensemble prendre congié du ro}^, de la royne, de messeigneurs et de mes dames, dont les beaulx parlers qu'ilz leur dirent, et de leurs biens remercier, je me passe,

pour venir aux secrets pleurs et plains, et très angoisseux souspirs que le très douloureux cueur de ma dame faisoit du parlement de son amy, dont plus que oncques mais, son parlement lui déplaisoit, et toutesfois se failloit il départir. Et à tant laisseray à parler du congié qu'ilz ont prins, et de leur voyage, où ilz vont en la court de l'empereur ; et diray du dueil que ma dame maine, et d'un aultre nouvel party.