DU TRÈS GRANT DUEIL DE MA DAME, ET DE SON PARTEMENT DE LA COURT

L'acteur. — Ma dame, qui est ainsi demeurée seulle d'amy^ ne voit bahours, ne joustes, dances, chasses, ne aultres déduits où son cueur peust prendre plaisir ; et quant elle voit les dames per à per deviser ensemble, lors renouvellent toutes douleurs en son cueur. Et, en ceste langoureuse vie, fust ahurtée tellement qu'elle en laissoit le boire et le manger pour jeusner, et le dormir pour le veiller ; et tellement que peu à peu sa très vive face collorée s'est changiée en très palle coulleur, dont chascun s'esmerveiiloit. La royne, qui la veoit mal disposée, pale et pensive, plusieurs fois luy demande qu'elle a. « Ma dame, dist elle, ce n'est riens ; vous sçavez qu'entre nous

femmes, sommes malades quant il nous plaist. — Mais à bon escient dictes nous, Belle Cousine, que vous avez et où ce mal vous tient, et se nous vous y pourrions ayder, car vous devez estre certaine que de très bon cueur nous y emploierons. — A ! ma très doulce dame, humblement je vous remercie. » Et sur ce, finerent leurs parolles ; mais la royne, qui bien l'aymoit, n'oublia pas mander à son medicin, maisre Hues de Fisol, très suffisant medicin et phitlosophe, qui, de par la royne, se informa de fnn mal, et luy ordonna qu'elle gardast son estât, et que le matin la viendroit veoir ; et ainsi fut. Le matin que maistre Hues eut tout bien veu son faict, trouva son corps sain et nect de douleur de teste, de fiebvres et de tous aultres maulx, fors que en son cueur avoit douleur enclouse; que, se briefvementn'yestoit pourveu, sans remède en dangier de mort estoit ; car, par celle estroicte douleur, en elle se mour oient tous les esperits naturelz, respondans à son cueur, et que jà presque tous estoient oppillez ; toutesfois, au mieulx qu'il peut, il la reconforta, puis luy dist : « Ma dame, au regart de vostre corps, je le treuve très bien disposé ; mais vostre cueur ne l'est mye, qui a en soy aulcune grant douleur secrète, que, se pourveu n'y est briefvement, vous tomberez en grant langueur très forte à

guérir; et pour ce, ma dame, ostez de vous ceste douleur, et je penseray du surplus. »