CE QUE DIT MA DAME A MAISTRE HUES, ET COMMENT IL LA RECONFORTA

Quant ma dame eut ouy maistre Hues ainsi de son mal parler, luy dist : « Maistre Hues, lessez moy, je n'ay douleur en mon cueur que une, en laquelle de vostre paroUe seuUement me povez bien ayder ; et par ma foy, se ainsi vous plaisoit, je vous en seroie à tousjours bien atenue ; et, en oultre, je vous donroye ung bon mantel de la plus fine escarlate que l'en pourra finer. » Quant maistre Hues 03^; parler du mantel, à très chiere lie luy dist : « Ma dame, commandez moy, car il n'est chose que pour vous, à mon povoir, ne face. — Voire, dist ma dame, maistre Hues, et nous vous en remercions ; medessins sont confesseurs ; et ce que vous vueil dire ne touche à vostre deshonneur, ne dommage, si vous prie que le tengniez secret. — Ma dame, dictes hardiment, car, par ma foy, jamais parolle n'en sera dicte. — Or, maistre Hues, nous vous disons que la desplaisance et maladie de nostre cueur n'est fors que du désir que nous avons d'aller, deux moys ou trois, veoir noz terres, dont il est grant besoing ; car sont plus de seize ans que nous n'y

fusmes, dont noz affaires n'en vallent que pis ; et nous sçavons que se ma dame sçavoit que de nous venist, suis acertainée qu'elle n'en seroit mye contente. — Ho ! ma dame, dist maistre Hues, j'en prens la charge, et faictes bonne chiere, car vous yrtz, et sçay bien la façon comment ; mais il faut que trois ou quatre jours vous tenez en chambre, et du surplus laissez faire à moy- » Maistre Hues vint à la royne, et luy dist : « Ma dame, je viens de veoir ma dame vostre cousine. — Helas! dist la royne, maistre Hues, comment le fait elle? — Ma dame, pour le vous dire, très petitement, et n'y voy qu'un seul remède. — Las ! que dictes vous, et quel remède? — Pour Dieu, ma Dame, qu'elle s'en voyse esbattre en son air naturel deux moys ou trois. — Helas 1 se elle y estoit, seroit elle guarie ? — J'espère en Dieu que ouy, et je voys penser de ses viandes et d'aucuns lectuaires confortatifz. » La royne s'en va incontinent veoir ma dame, qu'elle trouva couchée en son lict ; lors la reconforta au mieulx qu'elle peut, especialement qu'elle seroit tantost guérie, se elle estoit en son air naturel, comme luy avoit dit maistre Hues, et que pour Dieu fist bonne chiere, et se disposast d'aller où elle vouldroit pour sa santé et guarison trouver. Ma dame, qui autre medicine ne queroit avoir que de fuyr les desplaisirs

que son cueur sentoit, quant elle veoit les aultres amans dancer, chanter, jouer, et les ungs avecques les aultres deviser, et elle ne povoit ainsi faire jusques à la venue de son très parfait amy, si print en elle resconfort de s'en partir ; et, pour abréger, le plus tost qu'elle peut, print congié du roy et de la roj^ne. La royne ne luy donna que pour deux moys, se elle estoit lors en bon point, luy promectant de revenir. Et lors prent congié, et s'en va.