CHAPITRE LXIX

Comment ma da^ne est en son hostel venue ; et comment on la va festoyer.

L'acteur. — Or nous fault ycy lesser le nom du pais, et de la terre, et de son hostel où elle alloit, car l'istoire s'en taist pour aucunes causes et choses qui après viendront ; mais faindray que son principal hostel fust à une lieue d'une bonne cité ; et à une lieue de son dit hostel fust une abbaye que ses prédécesseurs fondèrent, et de celle abbaye

n'avoit que une aultre lieue jusques à ladicte cité. Dont par ainsi l'ostel de ma dame, l'abbaye et la cité, estoient ainsi come en ung trepier.