CHAPITRE LXX

Comment ma dame et damp Abbez devisèrent et comment elle le remercya.

L'acteur. — Quant les tables furent levées, et le maistre d'ostel et tous les aultres furent allez disner, ma dame remercya damp Abbez de la bonne chiere qu'il luy avoit faicte ; et de parolles en parolles, de pas en pas furent à l'aultre bout de la salle, où devisèrent de joyeusetez jusques à ce temps que tous furent disner. Et endementiers que les derniers disnoient, pour reposer ma dame, damp Abbez fist de très beau linge son lict appareiller. Et quant le maistre d'ostel eut disné, ma dame commanda les chariotz traire. « Comment, ma dame, dist damp Abbez, voulez vous rompre les bonnes coustumes de

céans ? — Et quelles sont elles ? — Ma dame, elles sont telles que s'aucunes dames d'honneur ou damoyselles y ont disné, il fault qu'elles et leur compaignie se couchent, dormant ou veillant, soit en y ver ou en esté, et celles y ont souppé ; pour celle nuj't je leur laisse ma chambre, et m'en voys ailleurs logier; et pour ce, ma dame, l'usaige de ceste vostre abbaye ne devez m3-e refuser. » Tant furent les prières de damp Abbez et des dames que ma dame fut gracieuse, et voult entretenir celle coustume. Lors ma dame entra en sa chambre, et là fut le vin et les espices appareillés ; la porte fut fermée, et ma dame jusques au vespre s'en va reposer.