CHAPITRE LXXIII
Comment ma dame et ses jemmes se louèrent l'une à l'aultre de damp Abbez.
L'acteur. — Quant damp Abbez fut party et retourné en son abbaye, commencèrent les louanges à qui mieulx le povoit ; Ysabel, qui estoit la plus joieuse, commença la première à parler, etdist en riant : « Ha ! ma dame, tant je vous loueroye quant vous reffusez le bien quant il vous vient. » Alors dist dame Jehanne : « Eh 1 vrayment, Ysabel, vous avez tort ; ma dame entend de y venir souvent, dont à chascune fois y doit elle disner.' — L'une et l'autre vous avez tort, dist dame Katherine, il n'y auroit point de raison que à chascune fois ma dame y deust disner ; ne aussi ne blasmerois je point que de fois à aultre elle print en gré l'offre, car sur ma foy il fait de très bon cueur, se je ne suis deceue, et voulentiers, et qui ne nuit mye à jeu, j'entends qu'il a bien de quoy ; et qu'en dictes vous, ma dame, ne dis je pas bien ? » Ma dame.
qui les avoit toutes oyes, respondit : « Il souffist de prendre soubz brebis la laine, et pour ce je m'arreste aux tostées et à la pouldre de duc, à l'ipocras et aultres vins estranges et délicieux, qui nous doyvent bien souffire ; mais vraj'ement nous entendons à gaigner tous ces pardons ou la plus grant partie, car ne savons se y pourrons retourner en aultre temps. » Et à tant sont à l'ostel venuz. Ma dame, qui de ce nouvel feu d'amours avoit son cueur enflammé, toute nuyt ne cessa de soy plaindre, gémir et souspirer, tant désirant estoit de revoir damp Abbez, et à lui povoir bien deviser. Et damp Abbez assailly de celles mesmes amours par les doulx et amoureulx semblans et regards qu'ilz avoient l'ung à l'aultre faictz, ne fut mye toute celle nuyt à séjour, car soupirs et désirs de ses très enflammans amours le gardèrent bien de dormir. Et quant le très désiré jour fut venu, ma dame dist à ses femmes que, pour mieulx et dignement gaigner les pardons, que vrayement à damp Abbez, qui prélat estoit de grant devocion, se vouloit confesser. Lors dist dame Jehanne à ma dame : « Ce seroit bien fait ; quant à moy, je y fuz hier. » Lors ma dame fist monter à cheval le petit Perrin de sa chambre, et manda à damp Abbez qu'il venist incontinent à elle. Damp Abbez fut diligent, et à ma dame hastivement
obeyt. Lors ma dame, faicte la révérence par toutes ses femmes, publicquement luy dist : « Abbez, pour mieulx dignement gaigner voz pardons, nous sommes disposées de nous confesser. — Ha! ma dame, dist damp Abbez, or estes vous avecques Dieu ; et. ma dame, qui est vostre confesseur, pour luy donner quelque puissance, se besoing est ? » Lors dist ma dame : « Il n'en y a cy nul plus digne, ne plus souffisant que vous. — Ha ! ma dame, c'est donc à cause de la crosse, car du surplus je suis le plus ygnorant de tous. » A ces parolles ma dame, en sa chambre d'atour bien tendue et tapissée, à très bon feu, entra, et damp Abbez dévotement la suyt ; puis fut la porte close jusques à deux heures, elle de ses bienfaicts et amours loyaulx très repentant et contricte ; en tout bien et en tout honneur, à jeu sans villennie, damp Abbez la confessa très doulcement, et au départir qu'ilz firent, ma dame alla à son coffret, et print ung très bel et gros rubyz balloyz en or lié, que en son moyen doigt luy mist, disant : « Mon cueur, ma seule pensée et mon vray désir, pour mon tout seul amy je vous retiens et espouse de cest annel. » Alors damp Abbez, si très humblement que il peut, l'en mercia ; puis se pensa d'un commun proverbe qui dit : celuy qui sert et ne persert. son loyer pert. Lors à ma dame
donna l'absolucion , et par charité la baisa très doulcement, et print congié ; et au passer que il faict par la chambre, tout saigement dist aux dames et damoyselles : « Jusques à ce qu'elle appelle, nulle n'entre leans ; mes seurs et mes amyes, jusques au retour, à Dieu vous commende. » Ma dame, pour reprendre sa couleur, que des pénitences avoit perdue, demeura seulle aucunement. Ses dames et damoyselles et tous ses gens, pour oyr messe, actendoient tant que l'orloge sonnast unze heures ; lors ma dame appella Jehanne, et de son plus simple atour s'atourna ; et, pour mieulx couvrir sa face, fist mectre son grant coeuvrechief, et, en cest estât, simple et coye de sa chambre yssit ; les yeulx et la chiere basse, va à la messe en devocion, et puis disner ; et ainsi passa ce jour. Lendemain mercredy, que recommença le pardon, ma dame y retourna pour les acquérir. Damp Abbez, tout plain de joye, fist à grant foyson testées appareiller, et apprester ypocras, vins estranges de diverses façons, harencs blancs et soretz, et aultres viandes pour les compaignons, et au surplus fist très bien penser les chevaulx. Quant ma dame eut messe oye, damp Abbez la vous prent par dessoubz le bras, et en sa chambre à bon feu la maine, où tout le desjeuner estoit appareillé. Et quant ma dame fut bien desjeunée, damp
362 LE PETIT JEHAN DE SAEs'TRÉ
Abbez la prent, et luy dist : « Ma dame, entendis que vostre compaignie fait bonne chiere, je vous vueil monstrer mon édifice nouvel. » Lors de chambre en chambre tous deux allèrent, tant que les dames ne les sceurent trouver. Et au départir de la chambre secrette, damp Abbez donna à ma dame une pièce de fin veloux noir et plain , que depuis secrètement elle envoya quérir. Et lors ma dame en la grant chambre de parement, où tous estoient, revint; et quant ses femmes furent venues, ma dame, comme courroucée, les tensa, disant : « Hé! d'où venez vous? avoye dit et cuydoye que vous me suyvissiez ; mais vous aymez mieulx garder le bon feu et les tostées que moy accompaigner. — Ma dame, nous ne peusmes si tost aller après vous que trouver vous puissions. — Ah ! ma dame, dist damp Abbez, pour ceste fois il leur soit pardonné. » Alors ma dame commença les édifices de damp Abbez qu'elle avoit veuz très grandement à louer ; puis s'en va en son chariot monter ; illec print damp Abbez d'elle congié. Que vous diroye je ? Ne passa sepmaine de karesme que, comme dévote, n'allast les pardons gaigner ; et maintes fois, sans grant compaignie, premièrement disner, bancqueter et soupper; et, après son dormyr, aux regnars, taissoQS, et aultres deduitz, par les bois sou-
ventesfois chasser. Et par ainsi toute celle karesme passa le temps joyeusement.
