LIVRE I«', CHAPITRE I

ment commençoient à quaqueter dessus les arbres yerds et ramus. Alors elles se tajsoient, comme si on leur eustcouppé les gorges. Entre lesdites Grenoilles consistoît une grosse grenoille, de laquelle les autres^par commune délibération, tant pour la beauté d'elle verdoyante^ que pour lahautesse de son lignage et noblesse, ayoient fait leur Roy et Seigneur. Ce Roy Grenoille, dont je vous parle, estoit sage, prudent et modeste entre tous ses sujets, bon justicier, et vaillant de sa personne, doux et clément à son peuple, qu'il gouvernoit en bonne et seure amitié. Mais on en veit jamais un plus cruel, plus terrible et implacable à ses ennemis, comme cettuy estoit; car ils le doutoient loing et près. A deux petites lieues de l'habitation des Grenoilles règnoit un gros Rat, riche et puissant d'avoir et d'amis, qui estoit Roy, et maistre sur infinis Rats. Ce Roy cy eut nom Rodilardus; lequel espousa une belle, sage, et prudente Rate, «nommée Glandiphage, laquelle fut fille d'une nymphe, qui jadis avoit habité les hautes régions des montagnes. D'icelle Rate Glandiphage eut Rodilardus trois enfans masles et une belle fille; desquels les deux premiers, par fortune bien estrange, finirent leurs malheureuses vies, quasi en leurs premiers ans. Mais le dernier estoit plein de vie, nommé Musoleardus, enfant de bonne espérance , si les dieux l'eussent laissé succéder au sceptre de son vieil père, comme vous verrez cy après. Un jour, entre les autres, que le noble et puissant Roy Croacus tenoit sa cour, et que luy et ses gens se déduisoient à chanter et railler de leurs voix enrouées, le jeune

Rat Musoleardos a?oit mandé aucuns desdits Rats qui estoient de sa plus privée mesgnée ; car vouloir luy estoit pris chasser celle matinée qui estoit sa belle journée. Le soleil estoit ja levé jettant sa dorée lumière sur la terre, et grand apparoissoit à merveilles pour la douceur de la matinée. Moût furent joyeux les chasseurs^uand ils voiront si belle journée apparoir, et autour d'eux la belle forest ample et ramue, sur laquelle doucement quaquetoient plusieurs et divers oiseaux, si que c'estoit un vray déduit et soûlas à voir. Outre les praeries estoient enrichies de verde herbe, qui toute estoit ourdie et tissue d'Arignes, qu'avoit ouvrées la gentille déesse Aragne, à la moiteur de la nuict, et à la douceiu* de Taube du jour.

Ce spectacle fut grandement agréable au jeune Musoleardus; car là où le beau Titan espandoit ses rays parmy la praerie, il voyoit la rosée qui espanie s'estoit au-dessus de l'herbe d'ouvrage, entremeslé de plusieurs couleurs, itels qu'ils apparoissent en la mer en diversité, quand à l'opposite le soleil y frappe. Donques les gentilshommes et officiers de l'bostel de Musoleardus s'en vindrent tous prests et appareillez attendre leur seigneur devant son logis, où estoit son chariot triomphant préparé pour le porter à la chasse , et estoit fait celuy chariot de belles feuilles et fleurs, trainé de six merveilleuses limaces ayant leurs cornes eslevées, et cheminant moût fièrement Illec aussi estoient venus les vilains rats, charges les uns de filez, les autres d'espieux et bastons de chasse. Finalement, le jeune Musolear-