LIVRE r*, CHAPITRE I

d'autre chose se voulut venger; car subit luy va arrouser la face d'eau, en luy disant: Comment te plaist-jl moy voir toute nue baigner ? Si tu peux, si t'en vantes aux dames, là où tu seras, je t'en octroyé le congé de ce faire, si tu en as le pouvoir; et lors fut mué en cerf. Quand Acteon veit ainsi sa figure muée d'homme en cerf, il se mit à fouir dedans l'espèce forest, et ses chiens mesmes le chassèrent, combien qu'il les congneut à l'aboy et au glapissement; mais parler ne appeller ne lespouvoit Certes, s'il eust eu sa première figure, il ne luy fut pas ainsi mes-advenu. Tant ne peut Acteon fuir, qu'il ne fut attaint en une campagne ; Melampes le saisit, et puis Yechnobates, Lamphagus , Lelaps , Theron, Aigre, Nape, Ladou^ Aromas, Tiger , Alce, Leucon, Thous, HarpaloB, Labros. Ceux-cy et les autres l'environnèrent et le dévorèrent; si en print chacun sa pièce. Musoleardus le Rat (pour revenir à nostre propos) et ses gens ne furent si tost entrez au bois, que vous eussiez veu les Cerfz, les Daims et les Chevreux descendre des rocbiers, et soy mettre en fuitte , si légèrement que sous leurs pieds la poussière s'eslevoit contremont, de sorte que l'air qui estoit auparavant pur et net, en devint troublé. Mais onques pour les dits cers et biches ne s'esmeurent les Rats veneurs, pour ce qu'ils n'avoient délibéré chasser à si petites bestes. Après que les cerfs et biches eurent prins les champs, s'aparurent plusieurs Sangliers, Tygres, Panthères, Loups, Renards, Lyons et Léopars ; mais encores moins de compte en tindrentles magnanimes Rats. Enfin les chiens limiers vont lever une grosse beste,

et trop cruelle, nommée Loir, qui est de moût estrange et énorme façon et nature, outre ce qu'elle dort entièrement tout Fhyver. Lors les Rats , joyeux et esbaudits , commencèrent la chasse fort rude. Toutefois ne peurent-ils si légèrement la beste prendre ; car elle estoit merveilleuse, et de furieux regard. Mesmement dcsjà avoit elle mis à mort plus de trois douzaines de chiens et dix des plus forts rats veneurs. Aux uns, de sa dangereuse dent, elle fendoit les ventres, et aux autres les rains et les fesses, si que c'estoit hydeux à voir.Brief, nul de eux ne s'osoit approcher, par quoy Musolear, chant et volentif de prendre icelle beste, cuyda de beau despit enrager, et escria ses gens disant: Ha, ha, nous eschapp er a la beste ainsi î Gela dit , il va assaillir la beste plus fort que devant, laquelle les chiens avoient aculée auprès d'un grand et large chesne.Le Loir, voyant qu'il estoit si oppressé, feit tant, qu'il eschappa à Musoleardas et àses chiens, qui naguères le tenoient de tous costez, et se mit au cours au plus espez du bois, et les Rats après; car ils ne laisfieroient pas volontiers. Mais, pourtant qu'ils n'estoient si dextres et legiers comme leur maistre, ne le peurent suivre, par ainsi assez tost le perdirent ils de veue. Musoleardus suivoit tousjours la furieuse beste, pensant estre suivy de ses gens, et Iny donnoit souvent de grands horions là où la pouvoit attaindre; mais la beste n'estoit à prendre si de léger.