BIBLE DE LE FÈVRE

Bienheureux est l’home qui n’est pas allé au conseil de ceulx qui sont sans pieté, et ne s’est point arresté en la voye des pecheurs, ne assis en la chaire de pestilence. Mais en la loy du Seigneur Dieu est sa volunté, et en sa loy pensera * jour et nuyct. Et sera * comme l'arbre lequel est planté pres des decours des eaues, lequel donnera son fruict en son temps. Et sa fueille ne cherra point, et toutes es choses qu'il fera viendront a prosperité.

Ceulx qui sont sans pieté ne sont point ainsy, 42 ne sont pas ainsy, mais seront comme la pouldre laquelle le vent jette de la face de la terre. Pour ceste cause ceulx qui sont sans pieté ne ressuscitent point au jugement, ne les pecheurs au conseil des justes. Gar le Seigneur Dieu a congneu la voye des justes, et le chemin de ceulx qui sont sans pielé perira.