La Chambre ordonnée par le Roy pou
la Visitation et jugement des procès faictz à rencontre des blaphèmes luthériens et héréticques, perturbateurs du repox et transquilité de ce royaulme très chrestien, oy le procureur général du Roy, et veu le renvoy faict par la Court de céans de la personne de frère Adam Veau i^\
(i) Voy. les nos 2 23 et 203..
relligieux de l'ordre de Sainct Dominicque; par devant l'evesque de Chartres, ou son officiai, pour luy faire et parfaire son procès sur le délict commun, à la charge du cas privilégié ;
A ordonné et ordonne injunction et commandement estre faict au dict officiai de Chartres d'envoyer dedans quinzaine après la signiffication de ce présent arrest par devers la dicte Court, le dict procès par luy faict, suyvant l'ordonnance d'icelle à rencontre du dict Veau, sur le dict délict commun, ensemble la sentence sur ce par luy donnée, avec le dict Veau prisonnier en la Consiergerie du Pallais, pour estre proceddé au jugement du procès contre luy faict pour le regard du cas privilégié, ainsy que de raison.
P. Lizet. Lecoq, R^
172. — Veu par la Chambre ordonnée par le Roy pour la Visitation et jugement des procès faictz à rencontre des blaphèmes héréticques perturbateurs du repox et transquilité de ce royaulme très chrestien, le procès faict par le bailly de Hesdin ou son lieutenant général à l'encontre de Nicolas Huart^''\ prisonnier en la Consiergerie du Pallais, pour raison des blaphèmes et propox scandaleux et erronez, à luy imposez ; les conclusions du procureur général du Roy; et oy et inter-
(i) Voy. les n°-^ 26 et 206.
rogé par la dicte Chambre le dict prisonnier sur les dictz cas, et tout considéré ;
Il sera dict que, pour réparation des blaphèmes héréticques, dictz et proférez par le dict Huart contre l'honneur et révérance du Sainct Sacrement de l'autel, et aultres propox scandaleux et erronez par luy tenuz contre l'honneur de Dieu, des saincts et sainctes de paradis et de nostre mère saincte Eglise, constitutions et commandemens d'icelle, la dicte Chambre a condanné et condanne le dict Huart à estre mené dedans ung tumbereau depuis les prisons de la ville de Hesdin jusques au grant marché et place publicque du dict lieu, et illec estre soubzlevé à une potence qui pour ce faire y sera dressée à l'entour de laquelle sera faict ung grant feu, et en icelluy estre ars et bruslé tout vif, et les livres trouvez en sa possession, mentionnez ou dict procès estre gectez ou dict feu en sa présence, et ars et bruslez, consommez et convertiz en cendres. Et si a déclairé et déclaire tous ses biens confisquez au Roy. Et néantmoins, auparavant la dicte exécution de mort, a ordonné et ordonne la dicte Chambre que le dict Nicolas Huart sera mis en la torture et question extraordinaire, pour luy faire nommer et indicquer ses compaignons et complices. Et aussy sera oy et interrogé hors la dicte question et torture, en l'exécution de mort, sur la charge concernant le Sainct Sacrement imposée à Pasquette
