PREMIER CHAPITRE
En cclluy temps advint que en la noble cité de Mets avoit vng duc de granl auctorité nommey Pierre, lequel estoit duc et seigneur de toulte Astrasic et estoit prince bien renommeis par sa grant largesse et puissance. Et avoit vnc noble damme à femme ; mais ensy comme fortune touche et frappe de son dairt aussy bien aux grans comme aux petis, ladicte duchesse sa fenme morut et demeurait vefve Icdict duc Pierre. D'icelle mort demeurait ledicl duc moult triste et dolant et ne prenoit confort en luy ne en chose vivante, que en vue belle jeune fdlette saige et bien aprinse nommée Aeilis, laquelle pour tous hoirs luy estoit demeurée de la feue duchesse sa femme. Icelle fillette Aeilis creust en toute beaultcy, et pour l'amour d'icelle ne se volt jamais Icdict duc remarier. Ncantmoins il fut homme de si grant largesse et de si grant prodigaliley qu'il despendoit tout le siens, c'est assavoir en tournoix et en jouste, luy et sa barronnie. Et en parloit on en plussieurs pais et régions. Et tellement despendit ledict duc
qu'il ne luy demeurait gaige à angaigier. Et fut sy apovry par sa folle largesse qu'il ne sçavoit que dire ne que faire. Et ne sçavoit ou plus rien prandre, s'il ne vandoit Mets ou aultres terres ou seigneurie. Porquoy nul prince estrange ne priveiz ne venoient pour demander sa fille Aeilis en mariaige, dont il en fut formant desplaisant, considérant quelle estoit desjay en eaige, dont se luy estoit grant honte et vergongne. Or estoit icelluy duc homme de bonne conscience, et qui craindoit Dieu, et qui tenoit son pais bien en paix, sans le taillier ne gabeller. Parquoy tous merchamps et toutes aultres gens vivoient et se anrechissoient dessoubz luy. Et n'estoit point icelluy duc comme sont aujourd'uy beaucopt daultres princes par la crestientey, lesquelx pour leur plaisant ou proffit particulier, gectent vne grosse taille et font paier de grant gabelles à leur subgectz sans cause et sans raison, dont le povre peuple se sant sovant fouliez et apovris. Mais icelluy duc Pierre ne faisoit point ensy. Car jamais n'eust souffris que taille ou levée se eust fait par son pais sans grant et juste cause,, et par bon conseil et advis et grande délibéra cion sur ce heue, et que ce eust estei pour vng grant et juste cas. Et pour ce, considérant que prodigallement avoit despandus le siens, ne volut icelluy souffrir que son peuple fut foulleis ne tailliés, comme dit est, jay ce que soubz luy y heust de moult grans et riches merchamps. Entre lesquelx en y auoit vng en sa cité de Mets qui estoit tant riches c'on ne le pouoit estimer. Et estoit tenus pour l'ung des riches merchamps du monde, tant sus mer que sus terre. Et estoit chose merveilleuse et incredible du grant avoir et des grant terres et possession que icelluy merchamps avoit. Et fit celluy merchamps faire et fermer plussieurs chasteaulx et fermetey par le pais de Mets et de Lorrainne, car il estoit trop plus riches que le duc son seigneur. Or avoit icelluy merchamps V beaulx filz, entre lesquelx le plus annez se nommoit Thierey, duquel le duc en fist son prevost, car estoit l'ung des beaulx personnaige que l'on sceust trover ne veoir. Sy advint que en celluy temps celluy merchamps morut, par quoy la plus pairt de tous ses biens demourairent audit prevost Thierey. Lequel en marchandait comme auoit faict son feu pere et frequentoit toutes foires et merchiés, tant sus meir que sus terre, tellement qu'il assemblait si grant trésors que estoit vne chose infinie. Car pour celluy temps estoient les pais si en paix, c'on n'y oyoit parler de
murtrier, ne de larron, mais alloient et frequentoient les pellerins et merchamps à leur volunteis.
