III. LE TRAVAIL DE L'ÉCRIVAIN
Il consiste, quand une idée a été exprimée dans une laisse, à la reprendre, plus ou moins enrichie, en termes plus ou moins renouvelés, dans une ou plusieurs laisses similaires.
Voici, par exemple, le passage où Marsille, recevant Ganelon, s'applique à découvrir ses véritables dispositions et le pousse à se déclarer ! :
Ço dist Marsilies : « Guenes, par veir sacez, En talant ai que mult vos voeill amer.
De Carlemagne vos voeill oïr parler.
Il est mult vielz, si ad sun tens uset ; Men escient dous cenz anz a passet.
Par tantes teres ad sun cors demened, Tanz colps ad pris sur sun escut bucler, Tanz riches reis cunduiz a mendisted :
Quant ert il mais recreanz d'’osteier ? »
Guenes respunt : « Carles n’est mie tels.
N'est hom kil veit e conuistre le set
Que ço ne diet que l’emperere est ber.
Tant nel vos sai ne preiser ne loer
Que plus n’i ad d’onur = de bonté.
Sa grant valor, kil purreit acunter ?
De tel barnage l’ad Deus enluminet Meilz voelt murir que guerpir sun barnet. s
Dist li païens : « Mult me puis merveiller De Carlemagne, ki est canuz et vielz | Men escientre dous cenz anz ad e mielz.
1. La traduction du texte, qu'il était nécessaire de donner ici sous sa forme originale, se trouve plus haut, page 78.
Par tantes teres ad sun cors traveillet, Tanz cols ad pris de lances et d’espiez, Tanz riches reis cunduiz a mendistiet :
Quant ert il mais recreanz d'ostéier ? »
— « Ço n'iert», dist Guenes, | tant cum vivet sis niés N'at tel vassal suz la cape del ciel.
Mult par est proz sis compainz, Oliver ; Les .xr11. pers, que Carles ad tant chers, Font les enguardes a .xx. milie chevalers. Soürs est Carles, que nuls home ne crent. »
Dist li Sarrazins : « Merveille en ai grant De Carlemagne, ki est canuz e blancs | Mien escientre plus ad de .t. C. anz.
Par tantes teres est alet cunquerant, Tanz colps ad pris de bons espiez trenchanz, Tanz riches reis morz e vencuz en champ :
Quant iert il mais d’osteier recreant ? »
— « Ço n'iert », dist Guenes, « tant cum vivet N'’ad tel vassal d'ici qu’en Orient. [Rollant Mult par est proz Oliver, sis Cumpainz ; Li .x11. per, que Carles aimet tant, Funt les engardes a .xx. milie de Francs:
Soùrs est Carles, ne crent hume vivant. »-
Et voici encore le passage où le poête décrit la
mort de Roland.
Ço sent Rollant que la mort le tresprent, Devers la teste sur le quer li descent.
Desuz un pin i est alet curant,
r Traduction, ci-dessus, p. 130.
Sur l’erbe verte s’i est culchet adenz, Desuz lui met s’'espée et l'olifan,
Turnat sa teste vers la païene gent :
Pur ço l’at fait qu’il voelt veirement
Que Carles diet e trestute sa gent,
Li gentilz quens, qu'il fut mort cunquerant.
Cleimet sa culpe e menut e sovent,
Pur ses pechez Deu en puroffrid lo guant.
Co sent Rollant de sun tens n’i ad plus.
Devers Espaigne est en un pui agut,
À l’une main si ad sun piz batud :
« Deus, meie culpe vers les tues vertuz
De mes pechez, des granz et des menuz, Que jo ai fait des l’ure que nez fui
Tres qu'a cest jur que ci sui consoüt ! »
Sun destre guant en ad vers Deu tendut.
Angles del ciei i descendent a lui.
Li quens Rollant se jut desuz un pin, Envers Espaigne en ad turnet sun vis.
De plusurs choses a remembrer li prist, De tantes teres cum li bers cunquist,
De dulce France, des humes de son lign, De Carlemagne, sun seigneur, kil nurrit ; Ne poet muer n’en plurt e ne suspirt.
Mais lui meïsme ne volt mettre en oubli, Cleimet sa culpe, si priet Deu mercit :
« Veire Patene, ki unques ne mentis, Seint Lazaron de mort ressurexis
E Daniel des leons guaresis,
Guaris de mei l’anme de tuz perilz
