XCII
1170 ipviST Oliver : « N'ai cure de parler. i ^ Vostre olifan ne deignastes suner,
Ne de Carlun mie vos n'en avez.
Il n'en set mot, n'i ad culpes li bers.
Cil ki la sunt ne funt mie a blasmer. 1175 Kar chevalchez a quanque vos puez !
Seignors baruns, el camp vos retenez !
Pur Deu vos pri, ben seiez purpensez
De colps ferir, de receivre e de duner !
L'enseigne Carie n'i devum ublier. »
1180 A icest mot sunt Franceis escriet.
Ki dune oïst Munjoie demander,
De vasselage li poûst remembrer.
Puis si chevalchent, Deus ! par si grant fiertet !
Brochent ad ait pur le plus tost aler, 1185 Si vunt ferir, que fereient il el?
E Sarrazins nés unt mie dutez ;
Francs e paiens, as les vus ajustez.
® m® XCIII ©>$© ®
LI niés Marsilie, il ad a num Aelroth ; Tut premereins chevalchet devant l'ost.
1190 De noz Franceis vait disant si mais moz : « Feluns Franceis, hoi justerez as noz. Traït vos ad ki a guarder vos out.
Fols est li reis ki vos laissât as porz. Enquoi perdrat France dulce sun los, 1195 Charles li magnes le destre braz del cors. »
Quant l'ot RoUant, Deus ! si grant doel en out !
