N° III
CHARTE DE GUILLAUME DE MAÇON, ÉVEQUE d'AMIENS, DONNANT A L'ORDRE DES CHARTREUX LA MAISON DE THUISON, ACHETÉE AUX TEMPLIERS, POUR LA FONDATION D'UNE CHARTREUSE A AB- BEVILLE. — l300.
niversis présentes litteras inspecturis, Guillelmus miseratione divinâ Ambianensis Episcopus, Salutem in Domino.
Cum nos quamdam villam sitam in episcopatu nostro Ambianensi quœ Bouveresches vulgariter appellatur, emptionis titulo acquisissemus a viris religiosis abbate et conventu Monasterii Caroferensis Ordinis Sli Benedicti Pictaviensis diœcesis cum omnibus ipsius villae, juribus, proventibus, obventionibus, redditibus, terris, pratis, pascuis, nemoribus et aliis exitibus et pertinentiis unîversis. Ita quod ad preces nostras serenissimus princeps Dominus Philippus rex Francorum prasfatis abbati et conventui concessit quod sibi liceat ubicumque maluerunt per totum regnum Franciae tantumdem terrae acquirere et amortizatam habere intendentes in eâdem villâ de Bouveresches fundare unam do-
mum ad opus fratrum Cartusiensis Ordinis qui ibidem perpetuô Domino deservirent. Tandem considérantes quod locus seu villa de Bouveresches pro fundatione domus ipsius Ordinis Cartusiensis non erat accomodus sive aptus, tum propter sterilitatem loci et aquas carentiam, tum quia fratres ipsius Ordinis vitam ducentessolitariam non consueverunt in villis vel oppidis habitare, viam adinvenimus et modum per quos quies ipsorum fratrum valeat procurari et locus praedictus in melius commutari, et ut exindc Ambianensis Ecclesia honorem et commodum perpetuis temporibus assequatur. Nos enim deputavimus eîsdem fratribus locum aptum in prasfatâ diœcesi juxta villam Abbatis villas prope villam Sli Honorati de Portu videlicet domum deTueoison quam acquisivimus a viro religioso fratre Gerardo de Villaribus praeceptore seu magistro domorum militiae templi in Franciâ de fratrum suorum consilio et assensu prout in litteris suis inde confecns pleniùs continetur. Statuentes et volentes ac etiam ordinantes quod in eodem locode Tueoison quœdam domus de novo ad opus fratrum praedicti Ordinis et eorum commodum nostris sumptibus construatur, in quâ tredecim cellulas et fratres tredecim sub Prions regimine qui est tertius decimus habeantur, qui ibidem Altissimo perpetuô laudes reddant. Nos vero antedictis fratribus pro sustentatione sua dam us et concedimus ac etiam assignamus Personatum de Portu vicinum et proximum dictas domus de Tueoison vacantem per liberam resignationem in manu nostrâ factam et a nobis admissam, dilecti
filii Guillelmi de Matiscone nepotis nostri qui eumdem Personatum tune temporis obtinebat cum omnibus suis juribus, fructibus, exitibus, proventibus, obventionibus et pertinentes universis. Volentes, statuentes ac etiam ordinantes quod prae fatusGuillelmus nepos noster loco ipsius Personatus quem quandiu viveret tenere debebat, ante dictam villam de Bouveresches, habeat, teneat et possideat, quandiu vixerit cum ipsius fructibus, redditibus, obventionibus et pertinentiis quibuscumque.
Quia memoratus Personatus de Portu ad mensam Ambianensem episcopi pertinuit ab antiquo in recompensationem donationis praedictœ factas praedictis fratribus Cartusiensibus ut hinc indc videlicet nostra Ambianensis Ecclesias et eorumdem fratrum vertatur utilitas, volumus, statuimus et ordinamus quod eodem Guillelmo nepote nostro decedente suprascripta villa de Bouveresches cum eisdem juribus, fructibus, redditibus et obventionibus ad episcopalem mensam post ipsius Guillelmi decessum redeat et pertineat pleno jure. Si vero successor noster vel quivis alius, quod absit, Personatum de Portu tractu temporis vellet evincere, vel donationi prsedictae modo quolibet contraire, volumus, statuimus, ordinamus quod ante dicti fratres Cartusienses ad villam de Bouveresches prœdictam quam eis damus et concedimus cum universis suis juribus et pertinentiis, si qui processu temporis dictum Personatum évinçant vel quomodolibet se opponant, regressum habeant quodque ad eos redeat et pertineat pleno jure. In
cujus rei testimonium présentes litteras fieri fecimus et sigilli nostri appensione muniri.
Datum aano Domini millesimo trecentesimo, die Mercurii ante nativitatem Beati Joannis Baptistae.
