CHAPITRE III

De la Retraitte des Cerfs.

RES que les Cerfs ont tenu leur rut comme V'ay dictcy-deuant, et qu'ils ont perdu ceste grande chaleur qui les y meine, commencent à se reconnoistre : ayans perdu cette furie qui les transporte, chasque Cerf se retire d'auec . :

les bestes. Ils demeurent volontiers en ceste saison, deux, trois ou quatre ensemble, et cherchent le profond des forests, sentant l'Hyuer approcher, et la necessité où ils vont entrer, Car veritablement ils souffrent plus en cette dicte saison qu'en tout le reste de l'année, à cause qu'ils ne trouuent de quoy viander', d'autant que la terre est couuerte de neiges, ou si fort endurcie de la gelée que les herbes qui ont accoustumé les alimenter n'ont force ny vigueur, aussi qu'il n’y à nul bourgeon au bois: de sorte qu'ils vont chercher pour viander si peu d'herbes qui demeurent sur la terre, où il y a quelque vertu, et les brandes s’il y en a aux forests où ils demeurent, aussi le gland ce peu qui en reste. Et ce qui est cause qu'ils se tiennent tout l’'Hyuer, ainsi que ray dict, deux, trois, ou quatre ensemble : C’est à mon aduis pour se garentir du froid, car quand on lés voit à la reposée ? ils se tiennent le plus pres l’vn de l’autre qu'ils peuuent : Ceste fantaisie de demeurer ensemble, et necessité de viure leur dure depuis la fin d'Octobre iusques au commencement de Mars.

1 Viander, paître, se nourrir.

2 Reposée, lieu où se couche le cerf.