CHAPITRE IV

Comme les Cerfs muent et renouuellent leurs testes.

VAND les Cerfs sentent le renouueau venir,

ils se separent d'ensemble, et chasque Cerfva choisir et eslire vn buisson pour y faire sa teste : mesmement les grands vieux Cerfs cherchent plus leurs commoditez que ne font les ieunes, Comme donc ils cherchent à se donner du bon temps pour se refaire du mauuais qu'ils ont eu durant l'Hyuer, la premiere chose qu'ils font, c'est de muer leur teste : et nature a si bien pourueu à cela, tant pour muer que pour se purger des mauuaises humeurs qu'ils ont peu accueillir durant l’Hyuer, pour le mauuais traittement qu’ils ont receu, qu'il s’assemble entre cuir et chair vne quantité de petites bestes comme vers, qui ne sont pas plus longs que la moictié du doigt, blancs, et la peau fort lisse et coulante : ces bestes vont courant par tout le corps du Cerf iusques à ce qu'ils treuuent yssuë. N'en trouuans point, estans enfermez dans la peau, font tant qu'ils viennent à trouuer les joinctures où les meulles sont attachées au test du Cerf, et à ceste heure commencent à ronger la racine de la

teste dudit Cerf qui tient au test. Cela luy donne vn prome et demangeaison qui le contrainct de frotter la teste contre des arbres : laquelle n'ayant point de racine, se separe du test et tombe en terre. Les vers trouuans yssuë ne faillent de sortir par ces deux trous, et tout aussi tost qu'ils sont sortis, et que le sang est purifié, il se commence à faire comme vne petite taye, qui couuvre tout le tour des meulles, et est de couleur grise, veluë et douce ainsi que la peau d’vne souriz : Le Cerf se sent alors fort allegé, tant pour n’auoir plus cette charge sur la teste, que à cause du bon viandiz ‘. Et tout ainsi que par cette bonne nourriture il se renouuelle le corps, aussi fait il la teste : Car à mesure qu'il croist de la venaison ?, sa rameure augmente, toutesfois elle aduance vn peu plus que ne fait - sa venaison. Par ainsi faut scauoir que depuis le commencement de Mars iusques à la my-Juillet, et vn peu apres, ils demeurent à faire leurs testes et leur venaison. Et comme ils ont mué leur teste à bout, et qu'ils la sentent seiche : pour oster la peau qui est dessus ils vont chercher des balliueaux selon la force du Cerf, contre lesquels ils se frottent la teste iusques à ce qu'ils se la soient toute pelée et nettoyée de la peau

1 Viande, viandiz, nourriture.

2 Venaison, graisse du cerf.

LA CHASSE ROYALE. y

qui estoit dessus : et demeurent quatre ou cinq iours iusques à ce qu'elle soit toute nette, et cela est ce que on appelle frayer. Après qu'elle est toute frayée, elle demeure blanche, et pour la rendre du tout nette et la brunir, ils la frottent contre terre, de mode qu'ils la colorent selon le terroüer où ils se trouuent. Comme si c’est en pays de charbonniere, ils la noircissent : si c’est en terre glaise, elle deuient ou rouge ou jaune de la couleur de la terre. Voila la facon que les Cerfs muent, et renouuellent leur.

teste, les ieunes qui ne portent que les fuseaux et dagues; au lieu que les autres cherchent les,arbres pour muer, les fourrent en terre iusques aux meulles, et s’en desfont ainsi. C’est pourquoy l'on recouure bien malaisément leur premiere teste, laquelle on connoist par experience estre fort exquise contre toutes sortes de venins, parce qu'elle est creée et composée. du sang le plus subtil qui soit en tout le corps du Cerf : d'autant qu'il faut qu'il passe comme par vn alembic par tous les conduicts et veynes d’iceluy, premier que de venir au test. Aucuns disent qu’il n'y a que la premiere teste qui soit bonne, mais ie suis de contraire opinion : Car ie tiens que les autres ont la vertu mesme, mais non de telle efficace et force que les premieres, et s’en peut-on seruir en deffaut d’autres.